'ನಿಮಗೆ ಏನೂ ಆಗಿಲ್ಲ ತಾನೆ': ವಾರ್ನರ್ ಕಾಲೆಳೆದ ಕೊಹ್ಲಿ
ನವದೆಹಲಿ: ಆಸ್ಟ್ರೇಲಿಯಾ ಆಟಗಾರ ಡೇವಿಡ್ ವಾರ್ನರ್ ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುತ್ತಾರೆ. ನಾನಾ ಅವತಾರದಲ್ಲಿ ಕಾಣಿಸಿಕೊಳ್ಳುವ ಅವರು ಈ ಬಾರಿ ತೆಲಗು ನಟ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ ಚಿತ್ರದ ಅವತಾರ ತಾಳಿದ್ದಾರೆ.
'ಪುಷ್ಪ' ಸಿನಿಮಾದ 'ಅರೇ ಎ ಬಿಡ್ಡ ಇದಿ ನಾ ಅಡ್ಡ' ಹಾಡಿನಲ್ಲಿ ಅಲ್ಲು ಮುಖಕ್ಕೆ ತಮ್ಮ ಮುಖ ಸೇರಿಸಿದ್ದಾರೆ. ಈ ವಿಡಿಯೋ ಇನ್ಸ್ಟಾಗ್ರಾಮ್ನಲ್ಲಿ ವೈರಲ್ ಆಗುತ್ತಿದ್ದಂತೆ ಟೀಂ ಇಂಡಿಯಾ ಟೆಸ್ಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಕಮೆಂಟ್ ಮಾಡಿ ಕಾಲೆಳೆದಿದ್ದಾರೆ.
'ಸಂಗಾತಿ ನೀನು ಚೆನ್ನಾಗಿದ್ದೀಯಾ ತಾನೆ?' ಎಂದು ವಿರಾಟ್ ಕೊಹ್ಲಿ ಅವರು ವಾರ್ನರ್‌ಗೆ ಕಿಚಾಯಿಸಿದ್ದಾರೆ. ಈ ಮೂಲಕ ಏನೂ ಪ್ರಾಬ್ಲಂ ಇಲ್ಲ ತಾನೆ, ಮತ್ತೇಗೆ ಇಂತಹ ಅವತಾರ ಎಂದು ಕೊಹ್ಲಿ ವಾರ್ನರ್ ಅವರ ಕಾಲೆಳೆದಿದ್ದಾರೆ. ಇನ್ನು ಇದೇ ವಿಡಿಯೋಗೆ ಆಸ್ಟ್ರೇಲಿಯಾ ಮಾಜಿ ವೇಗಿ ಮಿಚೆಲ್ ಜಾನ್ಸನ್ ಕೂಡ ಪ್ರತಿಕ್ರಿಯಿಸಿದ್ದು, ಒಂದ್ಸಲ ನಿಲ್ಲಿಸಪ್ಪಾ ಎಂಬಾರ್ಥದಲ್ಲಿ ಕಮೆಂಟ್ ಮಾಡಿದ್ದಾರೆ.
PublicNext
11/12/2021 10:55 pm
ಸಂಬಂಧಿತ ಸುದ್ದಿ
LOADING...
