5 ರನ್ ಗಡಿ ದಾಟದ 6 ಜನ ಆಟಗಾರರು- ಮುಂಬೈ ವಿರುದ್ಧ ರಾಜಸ್ಥಾನಕ್ಕೆ 57 ರನ್‌ಗಳಿಂದ ಹೀನಾಯ ಸೋಲು
ಅಬುಧಾಬಿ: ಜಾಸ್ ಬಟ್ಲರ್ ಏಕಾಂಗಿ ಹೋರಾಟ, ಸ್ಮಿತ್ ಪಡೆಯ ಬ್ಯಾಟಿಂಗ್ ವೈಫಲ್ಯದ ಪರಿಣಾಮ ರಾಜಸ್ಥಾನ್ ರಾಯಲ್ಸ್ ತಂಡವು ಮುಂಬೈ ಇಂಡಿಯನ್ಸ್ ವಿರುದ್ಧ 57 ರನ್‌ಗಳಿಂದ ಹೀನಾಯ ಸೋಲು ಕಂಡಿದೆ.
ಅಬುಧಾಬಿಯ ಶೇಖ್ ಝಯೀದ್ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ನ 20ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ನೀಡಿದ್ದ 194 ರನ್‌ಗಳ ಗುರಿ ಬೆನ್ನಟ್ಟಿದ ರಾಜಸ್ಥಾನ್ ತಂಡವು 18.1 ಓವರಿನಲ್ಲಿ ಕೇವಲ 136 ರನ್‌ಗೆ ಸರ್ವಪತನ ಕಂಡಿತು. ರಾಜಸ್ಥಾನ ಪರ ಜಾಸ್ ಬಟ್ಲರ್ (70 ರನ್) ಉಳಿದ ಎಲ್ಲಾ ಆಟಗಾರರು ಬ್ಯಾಟಿಂಗ್ ವೈಫಲ್ಯ ಮೆರೆದರು. ಇಬ್ಬರು ಆಟಗಾರರು ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರೆ, ನಾಲ್ವರು 5 ರನ್‌ಗಳ ಗಡಿದಾಟಲು ವಿಫಲರಾದರು.
ಮುಂಬೈ ಪರ ವೇಗದ ಬೌಲರ್ ಜಸ್‌ಪ್ರೀತ್ ಬುಮ್ರಾ ನಾಲ್ಕು ವಿಕೆಟ್ ಪಡೆದು ಮಿಂಚಿದರೆ, ಟ್ರೆಂಟ್‌ ಬೌಲ್ಟ್‌ ಹಾಗೂ ಜೇಮ್ಸ್ ಪ್ಯಾಟಿಸನ್ ತಲಾ 2 ವಿಕೆಟ್ ಪಡೆದರು. ಉಳಿದಂತೆ ಕೀರನ್‌ ಪೊಲಾರ್ಡ್‌ ಹಾಗೂ ರಾಹುಲ್‌ ಚಹರ್ ತಲಾ ಒಂದು ವಿಕೆಟ್ ಪಡೆದು ತಂಡಕ್ಕೆ ಆಸರೆಯಾದರು.
ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ್ದ ಮುಂಬೈ ಇಂಡಿಯನ್ಸ್ ತಂಡವು 4 ವಿಕೆಟ್ ನಷ್ಟಕ್ಕೆ 193 ರನ್‌ಗಳನ್ನು ಚಚ್ಚಿತ್ತು. ಮುಂಬೈ ಪರ ಸೂರ್ಯಕುಮಾರ್ ಶರ್ಮಾ ಅಜೇಯ 79 ರನ್ (47ಎಸೆತ, 11 ಬೌಂಡರಿ, 2 ಸಿಕ್ಸರ್), ನಾಯಕ ರೋಹಿತ್ ಶರ್ಮಾ 35 ರನ್ (23 ಎಸೆತ, 2 ಬೌಂಡರಿ, 3 ಸಿಕ್ಸರ್) ಹಾಗೂ ಹಾರ್ದಿಕ್ ಪಾಂಡ್ಯ ಅಜೇಯ 30 ರನ್ (19 ಎಸೆತ, 2 ಬೌಂಡರಿ, 1 ಸಿಕ್ಸ್) ಗಳಿಸಿದ್ದರು.
PublicNext
06/10/2020 11:39 pm
ಸಂಬಂಧಿತ ಸುದ್ದಿ
LOADING...
