ಮೋದಿ ಜನ್ಮದಿನದಂದು ಲಸಿಕಾಕರಣಕ್ಕೆ ರಾಹುಲ್ ಗಾಂಧಿ ಟೀಕೆ: 'ಕಾರ್ಯಕ್ರಮ ಮುಗಿಯಿತು'

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಮೋದಿ ಜನ್ಮದಿನದಂದು ಲಸಿಕಾಕರಣಕ್ಕೆ ರಾಹುಲ್ ಗಾಂಧಿ ಟೀಕೆ: 'ಕಾರ್ಯಕ್ರಮ ಮುಗಿಯಿತು'

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಜನ್ಮದಿನದಂದು ಹಮ್ಮಿಕೊಳ್ಳಲಾಗಿದ್ದ ಲಸಿಕಾಕರಣವನ್ನು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಟೀಕಿಸಿದ್ದಾರೆ. ಭಾನುವಾರ ಕೇಂದ್ರ ಸರ್ಕಾರದ ಈ ನಡೆಯನ್ನು ಖಂಡಿಸಿ ಟ್ವೀಟ್ ಮಾಡಿರುವ ಅವರು 'ಕಾರ್ಯಕ್ರಮ ಮುಗಿಯಿತು' ಎಂದು ಲೇವಡಿ ಮಾಡಿದ್ದಾರೆ. ಅಚ್ಚರಿ ಎಂದರೆ ಶನಿವಾರವಷ್ಟೇ ಇದೇ ಲಸಿಕಾಕರಣವನ್ನು ಬೆಂಬಲಿಸಿ ಅವರು ಟ್ವೀಟ್ ಮಾಡಿದ್ದರು.

'ಕಾರ್ಯಕ್ರಮ ಮುಗಿಯಿತು' ಎಂಬ ಟ್ವೀಟ್‌ನೊಂದಿಗೆ ಕಳೆದ 10 ದಿನಗಳ ಅವಧಿಯಲ್ಲಿ ಕೋವಿಡ್‌ ಲಸಿಕೆ ನೀಡಿರುವುದಕ್ಕೆ ಸಂಬಂಧಿಸಿ ಕೋವಿನ್‌ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವ ಗ್ರಾಫ್‌ವೊಂದನ್ನು ಅವರು ಹಂಚಿಕೊಂಡಿದ್ದಾರೆ. ‘ದಾಖಲೆ ಪ್ರಮಾಣದಲ್ಲಿ ಲಸಿಕೆ ನೀಡಿದ ನಂತರ, ಲಸಿಕೆ ನೀಡುವಲ್ಲಿ ಮತ್ತೆ ಇಳಿಕೆ ಕಂಡು ಬಂದಿದೆ’ ಎಂದೂ ಅವರು ಹೇಳಿದ್ದಾರೆ.

Edited By :