ಬಾಲಕಿಗೆ ಥಳಿಸಿದ ಮಂಗಳಮುಖಿಗೆ ತಾಯಿಯಿಂದ ಕಪಾಳಮೋಕ್ಷ
ಶಿವಮೊಗ್ಗ: ಬಾಲಕಿಗೆ ಥಳಿಸಿದ ಹಿನ್ನೆಲೆಯಲ್ಲಿ ಮಂಗಳಮುಖಿಗೆ ಸಾರ್ವಜನಿಕರು ಸೇರಿ ಕಪಾಳಮೋಕ್ಷ ಮಾಡಿಸಿದ ಘಟನೆ ನಡೆದಿದೆ.
ಇಂದು ಗಾಡಿಕೊಪ್ಪ ಸರ್ಕಲ್‌ನ ಅಂಗಡಿಗಳಲ್ಲಿ ಹಣ ಕೇಳುತ್ತಾ ಬಂದ ಮಂಗಳಮುಖಿ, ಅಂಗಡಿ ಎದುರು ತನ್ನ ತಂದೆ-ತಾಯಿ ದಿನಸಿ ಕೊಳ್ಳುವುದನ್ನು ನೋಡುತ್ತಾ ನಿಂತಿದ್ದ ಬಾಲಕಿಗೆ ಚಟಾರನೇ ಹೊಡೆದಿದ್ದಾಳೆ.
ಸಿಟ್ಟಾದ ಬಾಲಕಿಯ ತಂದೆ ಮಂಗಳಮುಖಿಯನ್ನು ಗದರಿಸಿದ್ದಾರೆ. ಈ ವೇಳೆ ಮಂಗಳಮುಖಿ ಅಸಹ್ಯ ಭಾಷೆಯಲ್ಲಿ ಮಗು ಹಾಗೂ ಪತ್ನಿ ಎದುರೇ ನಿಂದಿಸಿದ್ದಾಳೆ.
ಈ ವೇಳೆ ಮಂಗಳಮುಖಿಯನ್ನು ಸುತ್ತುವರಿದ ಸ್ಥಳೀಯರು, ಮಗುವಿನ ತಾಯಿಯಿಂದ ಕಪಾಳಮೋಕ್ಷ ಮಾಡಿಸಿದರು. ಬಳಿಕ ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದರು.
ಮಾಹಿತಿ ನೀಡಿ ಇಪ್ಪತ್ತು ನಿಮಿಷ ಕಳೆದರೂ ಪೊಲೀಸರು ಸ್ಥಳಕ್ಕೆ ಬರಲಿಲ್ಲ. ಮಂಗಳಮುಖಿ ಅಲ್ಲೇ ಸುತ್ತುತ್ತಿರುವುದು ಕಂಡು ಬಂತು.
Edited By :
Nirmala Aralikatti
Kshetra Samachara
13/10/2020 09:12 pm
ಸಂಬಂಧಿತ ಸುದ್ದಿ
LOADING...
