ಹಾವಿನಿಂದಲೇ ಸಾವನಪ್ಪಿದ ಸ್ನೇಕ್ ಡ್ಯಾನಿ
ಬಾಗಲಕೋಟೆ: ವಿವಿಧ ತಳಿಯ ವಿಷಜಂತು ಹಾವುಗಳನ್ನು ಸಂರಕ್ಷಿಸುವ ಮೂಲಕ ಸ್ನೇಕ್ ಡ್ಯಾನಿ ಎಂದೇ ಚಿರಪರಿಚಿತರಾಗಿದ್ದ ಉರಗ ತಜ್ಞ ಡೇನಿಯಲ್ ನ್ಯೂಟನ್ ಹಾವು ಹಿಡಿಯುವ ವೇಳೆ ಸಾವಿಗೀಡಾಗಿದ್ದಾರೆ.
ಜಿಲ್ಲೆಯ ಸೀಗಿಕೇರಿಯ ಗ್ರಾಮದ ಮನೆಯೊಂದರಲ್ಲಿ ನಾಗರಹಾವನ್ನು ಹಿಡಿಯುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದೆ.
ನಗರದ ಜಯನಗರ ನಿವಾಸಿಯಾದ 43 ವರ್ಷದ ಡೇನಿಯಲ್ ಈ ತನಕ 1,036 ನಾಗರಹಾವುಗಳು ಸೇರಿದಂತೆ 3,279 ಹಾವುಗಳನ್ನು ರಕ್ಷಿಸಿದ್ದರು.
ಈ ಹಿಂದೆ, ಒಂದಲ್ಲ, ಎರಡಲ್ಲ ಬರೋಬ್ಬರಿ 75 ಬಾರಿ ಹಾವಿನಿಂದ ಕಚ್ಚಿಸಿಕೊಂಡಿದ್ದರೂ ಬದುಕುಳಿದಿದ್ದರು.
ಆದರೆ ದುರದೃಷ್ಟವಶಾತ್, ಡ್ಯಾನಿ ಈ ಬಾರಿ ಬದುಕುಳಿಯಲಿಲ್ಲ. ದುಃಖದ ವಿಷಯವೆಂದರೆ, ಡೇನಿಯಲ್ ಒಂದು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದರು.
ಇದೀಗ, ಹಲವಾರು ಉರಗಗಳನ್ನು ರಕ್ಷಿಸಿ ಸಾರ್ಥಕ ಬದುಕು ನಡೆಸಿದ್ದ ಡೇನಿಯಲ್ ತಾವು ಬದುಕಿದ್ದಾಗಲೇ ತಮ್ಮ ದೇಹವನ್ನು ದಾನ ಮಾಡಿದ್ದರು ಎಂದು ಹೇಳಲಾಗಿದೆ.
ಈ ಮೂಲಕ ಡ್ಯಾನಿ ಸಾವಿನಲ್ಲೂ ಸಾರ್ಥಕತೆ ಮೆರೆದಿದ್ದಾರೆ.
PublicNext
15/12/2020 07:25 pm
ಸಂಬಂಧಿತ ಸುದ್ದಿ
LOADING...
