ಕುಂದಗೋಳ: ಜಿಲ್ಲಾ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷರಾಗಿ ಧೃತಿ ಸಾಲ್ಮನಿ ನೇಮಕ
ಕುಂದಗೋಳ: ಅಖಿಲ ಭಾರತ ಕಾಂಗ್ರೆಸ್ ಸಮಿತಿ ಅಧ್ಯಕ್ಷರಾದ ಸೋನಿಯಾ ಗಾಂಧಿ ಅವರ ನೇತೃತ್ವದಲ್ಲಿ ಅಖಿಲ ಭಾರತ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ನೆಟ್ಟಾ ಡಿಸೋಜಾ ಅವರ ಆದೇಶ ಮೇರೆಗೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ ಅವರು ಕುಂದಗೋಳ ತಾಲೂಕಿನ ಗುಡಗೇರಿ ನಿವಾಸಿ ಧೃತಿ ಉಮೇಶ ಸಾಲ್ಮನಿ ಅವರನ್ನು ಧಾರವಾಡ ಜಿಲ್ಲಾ ಗ್ರಾಮೀಣ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಿದ್ದಾರೆ ಎಂಬುದಾಗಿ ರಾಜ್ಯ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಪುಷ್ಪ ಅಮರನಾಥ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಬೆಂಗಳೂರು ಕೆಪಿಸಿಸಿ ಕಚೇರಿಯಲ್ಲಿ ಕಳೆದ ಮಂಗಳವಾರ ಪ್ರಮಾಣ ಪತ್ರ ನೀಡಿದ ಪುಷ್ಪಾ ಅವರು ಪಕ್ಷ ಜವಾಬ್ದಾರಿಯುತ ಕಾರ್ಯವನ್ನು ನಿಮಗೆ ನೀಡಿದ್ದು, ನಿಭಾಯಿಸುವಲ್ಲಿ ಯಶಸ್ವಿಯಾಗಿ ಎಂದು ಧೃತಿ ಅವರಿಗೆ ಸಲಹೆ ನೀಡಿದರು.
ಈ ಸಂದರ್ಭದಲ್ಲಿ ಮಾಜಿ ಶಾಸಕ ಎಂ.ಎಸ್.ಅಕ್ಕಿ, ಮಾಜಿ ಹೇಸ್ಕಾಂ ಡೈರೆಕ್ಟರ್ ವಿರುಪಾಕ್ಷಗೌಡ್ರು ರಂಗನಗೌಡ್ರು ,ಜಗದೀಶ್ ಉಪ್ಪಿನ, ರಮೇಶ್ ಕೊಪ್ಪದ, ಚಂದ್ರಶೇಖರ ಜುಟ್ಟಲ್, ಬೀರಪ್ಪ ಕುರುಬರ, ಹಾಗೂ ಕಾರ್ಯಕರ್ತರು ಸೇರಿದಂತೆ ಅನೇಕರಿದ್ದರು.
Kshetra Samachara
19/08/2022 01:07 pm
ಸಂಬಂಧಿತ ಸುದ್ದಿ
LOADING...
