ಮೋದಕ ಪ್ರಿಯ ಗಣೇಶನ ಹಬ್ಬಕ್ಕೆ ಮಾಡಿ ಕಾಯಿ ಮೋದಕ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಮೋದಕ ಪ್ರಿಯ ಗಣೇಶನ ಹಬ್ಬಕ್ಕೆ ಮಾಡಿ ಕಾಯಿ ಮೋದಕ

ಗಣೇಶ ಹಬ್ಬಕ್ಕೆ ಮೋದಕ ಇಲ್ಲದೇ ಹಬ್ಬ ಅಸಾಧ್ಯ. ಹಾಗಾಗಿ ಮೋದಕ ಪ್ರಿಯನಿಗೆ ಇಷ್ಟವಾಗು ಮೋದಕ ತಯಾರಿಸುವುದು ಬಲು ಸುಲಭ

ಬೇಕಾಗುವ ಸಾಮಗ್ರಿ 2 ಕಪ್ ಅಕ್ಕಿ ಹಿಟ್ಟು 1 ಕಪ್ ನೀರು 1 ಚಮಚ ತುಪ್ಪ 1/2 ಚಮಚ ಉಪ್ಪು ಮೋದಕ ಒಳಗೆ ತುಂಬಲು 2 ಕಪ್ ತೆಂಗಿನ ತುರಿ 1 ಕಪ್ ಬೆಲ್ಲದ ಪುಡಿ 1 ಚಮಚ ತುಪ್ಪ 1/2 ಚಮಚ ಏಲಕ್ಕಿ.

ತಯಾರಿಸುವ ವಿಧಾನ:

ಕಡಾಯಿಯನ್ನು ಬಿಸಿ ಮಾಡಿ ಒಂದು ಚಮಚ ತುಪ್ಪ ಹಾಕಿ. * ಅದಕ್ಕೆ 2 ಕಪ್ ತೆಂಗಿನ ತುರಿ ಹಾಕಿ ಹುರಿದಿಟ್ಟುಕೊಳ್ಳಿ. ನಂತರ ಮತ್ತೊಂದು ಪ್ಯಾನ್ ಗೆ 1 ಕಪ್ ಬೆಲ್ಲ ಹಾಕಿ ಮಿಕ್ಸ್ ಮಾಡಿ. ಬೆಲ್ಲ ಕರಗಿದ ಮೇಲೆ ಅದಕ್ಕೆ ತೆಂಗಿನ ತುರಿ ಹಾಕಿ ಮಿಶ್ರಣ ಗಟ್ಟಿಯಾದ ಬಳಿಕ ಉರಿ ಆಫ್ ಮಾಡಿ ತೆಗೆದಿಡಿ.

ಒಂದು ಕಡಾಯಲ್ಲಿ 1 ಕಪ್ ನೀರು ಬಿಸಿ ಮಾಡಿ, ಅದರಲ್ಲಿ 1 ಚಮಚ ತುಪ್ಪ, 1/2 ಚಮಚ ಉಪ್ಪು ಹಾಕಿ. ನೀರು ಚೆನ್ನಾಗಿ ಕುದಿಯಲಾರಂಭಿಸಿದಾಗ ಅಕ್ಕಿ ಹಿಟ್ಟು ಹಾಕಿ, ಹಿಟ್ಟು ಗಂಟು ಕಟ್ಟದಿರಲು ಸೌಟ್ ನಿಂದ ತಿರುಗಿಸುತ್ತಾ ಇರಿ. ನಂತರ ಉರಿಯಿಂದ ಇಳಿಸಿ 5 ನಿಮಿಷ ತಣ್ಣಗಾಗಲು ಇಡಿ.

ಮೊದಲಿಗೆ ಹಿಟ್ಟಿನಿಂದ ಚಿಕ್ಕ-ಚಿಕ್ಕ ಉಂಡೆ ಮಾಡಿ ಕೈಯಲ್ಲಿ ತಟ್ಟಿ, ಮಧ್ಯದಲ್ಲಿ ತೆಂಗಿನಕಾಯಿ ಮಿಶ್ರಣ ಹಾಕಿ ಅದರ ತುದಿ ಕ್ಲೋಸ್ ಮಾಡಿ. ನಂತರ ಬಾಳೆ ಎಲೆ ಮೇಲೆ ಮೋದಕಗಳನ್ನು ಇಟ್ಟು ಹಬೆಯಲ್ಲಿ 10-15 ನಿಮಿಷ ಬೇಯಿಸಿ.

Edited By :