ಡ್ರಗ್ಸ್‌ ಕೇಸ್‌ನಲ್ಲಿ ಟಾಲಿವುಡ್ ನಟಿ ಮುಂಬೈನಲ್ಲಿ ಅರೆಸ್ಟ್..!
ಮುಂಬೈ: ಡ್ರಗ್ಸ್‌ ಹೊಂದಿದ್ದ ಆರೋಪದ ಮೇಲೆ ಟಾಲಿವುಡ್ ನಟಿಯನ್ನು ಮಾದಕವಸ್ತು ನಿಯಂತ್ರಣ ದಳವು (ಎನ್‌ಸಿಬಿ) ಮುಂಬೈನಲ್ಲಿ ಬಂಧಿಸಿದೆ.
ಮುಂಬೈನ ಮೀರಾ ರಸ್ತೆಯ ಭಯಾಂದರ್ ಹೋಟೆಲ್‌ ಮೇಲೆ ಎನ್‌ಸಿಬಿ ಅಧಿಕಾರಿಗಳು ಭಾನುವಾರ ದಾಳಿ ನಡೆಸಿದ್ದಾರೆ. ಈ ವೇಳೆ ನಟಿ ಹಾಗೂ ಬಾಂದ್ರಾ ತಲಾವ್ ಪ್ರದೇಶದ ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಓರ್ವ ಸಿಬ್ಬಂದಿಯನ್ನು ಬಂಧಿಸಿ 10 ಲಕ್ಷ ರೂ. ಮೌಲ್ಯದ 400 ಗ್ರಾಂ ಮೆಫೆಡ್ರೋನ್ ಅನ್ನು ವಶಪಡಿಸಿಕೊಂಡಿದ್ದಾರೆ.
ವಿಚಾರಣೆ ವೇಳೆ ಬಂಧಿತ ಆರೋಪಿ ಚಂದ್ ಮೊಹಮ್ಮದ್ ಶೇಖ್ (27) ಭಯಾಂದರ್‌ನಿಂದ ಸಯೀದ್ ಎಂದು ಗುರುತಿಸಲ್ಪಟ್ಟ ವ್ಯಕ್ತಿಯಿಂದ ಡ್ರಗ್ಸ್‌ ಖರೀದಿಸಿರುವುದಾಗಿ ಅಧಿಕಾರಿಗಳಿಗೆ ತಿಳಿಸಿದ್ದಾರೆ. ಪಶ್ಚಿಮ ಉಪ ನಗರಗಳಲ್ಲಿ ಡ್ರಗ್ಸ್‌ ಪೂರೈಕೆ ಮಾಡುತ್ತಿರುವ ಸಯೀದ್‌ಗೆ ಪೊಲೀಸರು ಬಲೆ ಬೀಸಿದ್ದಾರೆ ಎಂದು ವರದಿಯಾಗಿದೆ.
PublicNext
04/01/2021 12:31 pm
ಸಂಬಂಧಿತ ಸುದ್ದಿ
LOADING...
