ಹಳದಿ ಲೋಹದ ಬೆಲೆ ಸತತ 4ನೇ ದಿನವೂ ಇಳಿಕೆ
ನವದೆಹಲಿ: ಬಂಗಾರ ಪ್ರಿಯರಿಗೆ ಖುಷಿ ವಿಚಾರ ಅಂದ್ರೆ ಸತತ 4ನೇ ದಿನವು ಜಾಗತಿಕ ಮಾರುಕಟ್ಟೆಗಳಲ್ಲಿ ಲೋಹದ ದರಗಳ ಕುಸಿತದ ನಡುವೆ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಕಡಿಮೆಯಾಗಿದ್ದು, ಭಾರತೀಯ ಮಾರುಕಟ್ಟೆಯಲ್ಲಿ ಸತತ ನಾಲ್ಕನೇ ದಿನ ಇಳಿಕೆಯಾಗಿದೆ.
ಎಂಸಿಎಕ್ಸ್ ನಲ್ಲಿ, ಚಿನ್ನದ ಭವಿಷ್ಯವು 10 ಗ್ರಾಂಗೆ ಶೇಕಡಾ 0.56ರಷ್ಟು ತಗ್ಗಿದ್ದು, 47,549 ರೂಪಾಯಿಗೆ ಇಳಿಕೆಯಾಗಿದೆ. ನಾಲ್ಕು ದಿನಗಳಲ್ಲಿ, ಜಾಗತಿಕ ದರಗಳು ಮತ್ತು ಆಮದು ಸುಂಕ ಕಡಿತದ ಮಧ್ಯೆ ಚಿನ್ನವು 10 ಗ್ರಾಂಗೆ ಸುಮಾರು 2,000 ರೂಪಾಯಿ ತಗ್ಗಿದೆ. ಎಂಸಿಎಕ್ಸ್ ನಲ್ಲಿ ಬೆಳ್ಳಿ ಭವಿಷ್ಯವು ಇಂದು ಶೇಕಡಾ 1ರಷ್ಟು ಇಳಿಕೆಯಾಗಿ ಪ್ರತಿ ಕೆಜಿಗೆ 67,848 ರೂಪಾಯಿಗೆ ತಲುಪಿದೆ.
ಸ್ಪಾಟ್ ಚಿನ್ನವು ಔನ್ಸ್ ಗೆ ಶೇಕಡಾ 0.1 ರಿಂದ 1,832.84 ಡಾಲರ್ ಗೆ ಇಳಿದಿದೆ. ಡಾಲರ್ ಸೂಚ್ಯಂಕವು 91.198 ಕ್ಕೆ ಏರಿದ್ದು, ಇತರ ಕರೆನ್ಸಿಗಳನ್ನು ಹೊಂದಿರುವವರಿಗೆ ಅಮೂಲ್ಯವಾದ ಲೋಹಗಳ ಬೆಲೆ ದುಬಾರಿಯನ್ನಾಗಿ ಮಾಡಿದೆ. ಸ್ಪಾಟ್ ಸಿಲ್ವರ್ ಶೇಕಡಾ 0.5ರಷ್ಟು ಇಳಿದು 26.72 ಡಾಲರ್ ಗೆ ತಲುಪಿದೆ.
PublicNext
04/02/2021 02:18 pm
ಸಂಬಂಧಿತ ಸುದ್ದಿ
LOADING...
