ಬೆಂಗಳೂರು: ಪಡ್ಡೆ ಹೈಕಳ ಫೆವರೇಟ್ ಆರ್ ಎಕ್ಸ್ ಬೈಕ್‌ಗೆ ಕಳ್ಳರ ಕಾಟ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಬೆಂಗಳೂರು: ಪಡ್ಡೆ ಹೈಕಳ ಫೆವರೇಟ್ ಆರ್ ಎಕ್ಸ್ ಬೈಕ್‌ಗೆ ಕಳ್ಳರ ಕಾಟ

ಬೆಂಗಳೂರು: ಆರ್‌ಎಕ್ಸ್.. ಈ ಹೆಸ್ರು ಕೇಳಿದ್ರೆ ಹುಡುಗರೇ ಇರ್ಲಿ, ಹುಡುಗಿಯರೇ ಇರ್ಲಿ. ಈ ಬೈಕ್ ಸೌಂಡ್ ಕೇಳಿದ್ರೆ ತಿರುಗಿ ನೋಡ್ತಾರೆ. 90s ಕಾಲದ ಬೈಕ್ ಮಾನಿಫ್ಯಾಕ್ಚರ್ ನಿಂತ್ರು ಇದ್ರ ಮೇಲಿನ‌‌ ಕ್ರೇಜ್ ಮಾತ್ರ ಕಡಿಮೆಯಾಗಿಲ್ಲ. ಇದೇ ಕಾರಣಕ್ಕೆ ಆರ್ ಎಕ್ಸ್ ಬೈಕ್ ಕಳ್ಳರು ನಗರದಲ್ಲಿ ಹುಟ್ಟಿಕೊಂಡಿದ್ದಾರೆ. ಆರ್ ಎಕ್ಸ್ ಬೈಕ್ ಎಷ್ಟು ಹಳೆಯದಾಗಿರುತ್ತೋ ಅಷ್ಟು ಬೆಲೆ ಜಾಸ್ತಿ. ಕಾರಣ ಇಷ್ಟೆ ಆರ್ ಎಕ್ಸ್ಗೆ ಇರುವ ಕ್ರೇಜ್ ಅದು. ಈ ಕ್ರೇಜ್ ಈಗ ಬೈಕ್ ಕಳ್ಳತನಕ್ಕೆ ಕಾರಣವಾಗುತ್ತಿದೆ.

ಬೆಂಗಳೂರಿನಲ್ಲಿ ಮನೆಗಳ ಪಾರ್ಕಿಂಗ್ನಲ್ಲಿ ನಿಲ್ಲಿಸಿರುವ ಆರ್ ಎಕ್ಸ್ ಬೈಕ್ಗಳನ್ನೇ ಟಾರ್ಗೆಟ್ ಮಾಡಿ ಕಳ್ಳರು ಕಳವು ಮಾಡ್ತಿದ್ದಾರೆ. ಇಂತದೊಂದು ಗ್ಯಾಂಗ್ ಈಗ ನಗರದಲ್ಲಿ ಆ್ಯಕ್ಟೀವ್ ಆಗಿದೆ. ಹೌದು, ಸದ್ಯ ಜೆಜೆ ನಗರ ಠಾಣಾ ವ್ಯಾಪ್ತಿಯಲ್ಲಿ ಮನೆ ಮುಂದೆ ನಿಲ್ಲಿಸಿದ್ದ ಆರ್ ಎಕ್ಸ್ ಬೈಕ್‌ ಹ್ಯಾಂಡಲ್ ಲಾಕ್ ಮುರಿದು ಬೈಕ್ ಕದ್ದು ಆರೋಪಿಯೊಬ್ಬ ಪರಾರಿಯಾಗಿದ್ದಾನೆ. ಬೈಕ್ ಕಳ್ಳತನ ಮಾಡುತ್ತಿರುವ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ವೀಲಿಂಗ್ ಮಾಡುವ ಚಟವಿರುವವರು ಹೆಚ್ಚಾಗಿ ಈ ಬೈಕ್ ಕಳವು ಮಾಡೋಕೆ ಮುಂದಾಗ್ತಿದ್ದಾರೆ ಎನ್ನಲಾಗುತ್ತಿದೆ. ಇನ್ನು ಹಳೇ ಆರ್ ಎಕ್ಸ್ ಬೈಕ್ಗಳನ್ನು ಖರೀದಿಸಿ ಅದನ್ನು ಗ್ಯಾರೇಜ್ನಲ್ಲಿ ಬಿಟ್ಟು 20 ಸಾವಿರದಷ್ಟು ಖರ್ಚು ಮಾಡಿ, ಬೈಕ್ ರೆಡಿ ಮಾಡಿಸಿದ್ರೆ, ಮಾರುಕಟ್ಟೆಯಲ್ಲಿ ಆ ಬೈಕ್ ಬೆಲೆ 1 ಲಕ್ಷ ದಿಂದ 1.5 ಲಕ್ಷದವರೆಗೆ ಏರುತ್ತದೆ. ಅದರಲ್ಲೂ ಆರ್ ಎಕ್ಸ್ 100 ಹಾಗೂ 135 ಸಿಸಿ ಬೈಕ್ಗಳಿಗೆ ಬೇಡಿಕೆ ಹೆಚ್ಚಿದೆ. ಹೀಗಾಗಿಯೇ ಈ ಬೈಕ್ಗಳನ್ನು ಕಳವು ಮಾಡುವ ಪುಂಡರು ಮೊದಲಿಗೆ ಅವುಗಳನ್ನು ವೀಲಿಂಗ್ ಮಾಡಲು ಬಳಸಿಕೊಂಡು, ನಂತರ ಅದನ್ನು ಲಕ್ಷಾಂತರ ರೂಪಾಯಿಗೆ ಮಾರಿ ಬಿಡುತ್ತಾರೆ. ಈ ಹಳೆಯ ಆರ್ ಎಕ್ಸ್ ಬೈಕ್ಗಳಲ್ಲಿ ದಾಖಲೆಗಳೇ ಇರೋದಿಲ್ಲ. ಹೀಗಾಗಿ ಈ ಬೈಕ್ಗಳನ್ನ ಕಳವು ಮಾಡಿದ್ರೆ ಮಾರಾಟವೂ ಸುಲಭ ಹಾಗೂ ದೂರು ಕೊಟ್ರೂ ಬೈಕ್‌ ಪತ್ತೆ ಮಾಡುವುದು ಪೊಲೀಸ್ರಿಗೆ ದೊಡ್ಡ ಸವಾಲಾಗಿರುತ್ತದೆ.

Edited By :