ಚಿರಂಜೀವಿಗೆ ಹೆಣ್ಣು ಮಗು ಕಂಡರೆ ಇಷ್ಟವೇ ಇಲ್ಲ ಯಾಕೆ? ವಿವಾದಕ್ಕೆ ಗುರಿಯಾದ ಮೆಗಾಸ್ಟಾರ್!
ಹೈದರಾಬಾದ್ : ಖಾಸಗಿ ಕಾರ್ಯಕ್ರಮದಲ್ಲಿ ಸಾರ್ವಜನಿಕವಾಗಿ ಮಾತನಾಡಿರುವ ಮೆಗಾ ಸ್ಟಾರ್ ಚಿರಂಜೀವಿ ಅವರು ಹೆಣ್ಣು ಮಗುವಿನ ಬಗ್ಗೆ ತಾತ್ಸಾರ ಧೋರಣೆಯನ್ನು ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ತೀವ್ರ ಟೀಕೆ, ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ಆ್ಯಂಕರ್‌ ಕೇಳಿದ ಪ್ರಶ್ನೆಗೆ ಉತ್ತರಿಸಿರುವ ಚಿರಂಜೀವಿ ಅವರು ತನ್ನ ಮೊಮ್ಮಕ್ಕಳು ಮನೆಯನ್ನು ಲೇಡೀಸ್ ಹಾಸ್ಟೆಲ್ ಮಾಡಿಬಿಡುತ್ತಾರೆ. ನನಗೆ ಮತ್ತೊಂದು ಹೆಣ್ಣು ಮಗು ಹುಟ್ಟುವ ಭಯ ಇದೆ. ಹೆಣ್ಣು ಮಕ್ಕಳು ನಮ್ಮ ಕುಟುಂಬದ ಪರಂಪರೆಯನ್ನು ಮುಂದುವರಿಸಲಾಗಲ್ಲ. ಕುಟುಂಬದ ಪರಂಪರೆಯನ್ನು ಹೆಣ್ಣು ಮಕ್ಕಳು ಎತ್ತಿ ಹಿಡಿಯಲಾಗಲ್ಲ ಎಂದಿದ್ದಾರೆ.
ಚಿರಂಜೀವಿ ಮಗ ರಾಮಚರಣ್ ಪತ್ನಿ ಉಪಾಸನಾ ಒಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಮತ್ತೊಂದು ಹೆಣ್ಣು ಮಗು ಹುಟ್ಟುವ ಭಯ ಚಿರಂಜೀವಿಗಿದ್ದು, ಸಾರ್ವಜನಿಕ ಸಮಾರಂಭದಲ್ಲಿ ಮಗ ರಾಮಚರಣ್‌ಗೆ ನೀನು ಗಂಡು ಮಗು ಪಡೆಯುವಂತೆ ಕೇಳಿದ್ದಾರೆ.
ಚಿರಂಜೀವಿ ಅವರ ಈ ಮಾತುಗಳಿಂದ ಅಪಾರ ಅಭಿಮಾನಿ ಬಳಗವನ್ನು ಹೊಂದಿರುವ ಮೆಗಾ ಸ್ಟಾರ್‌ಗೆ ಹೆಣ್ಣು ಮಗು ಕಂಡರೇ ಇಷ್ಟವೇ ಇಲ್ಲ. ಇಂಥ ಮಾತುಗಳಿಂದಲೇ ಸಮಾಜದಲ್ಲಿ ಹೆಣ್ಣು ಭ್ರೂಣ ಹತ್ಯೆ ಹೆಚ್ಚಾಗುತ್ತಿದೆ ಎಂದು ಅನೇಕರು ವಿರೋಧ ವ್ಯಕ್ತಪಡಿಸಿದ್ದಾರೆ. ಸಾರ್ವಜನಿಕ ಸಮಾರಂಭದಲ್ಲಿ ಚಿರಂಜೀವಿ ಅವರ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
PublicNext
12/02/2025 07:03 pm
ಸಂಬಂಧಿತ ಸುದ್ದಿ
LOADING...
