Exclusive: ಉದ್ಯೋಗದಾಸೆ ತೋರಿಸಿ ಚಂದದ ಹೆಣ್ಣು ಮಕ್ಕಳನ್ನ ಕರೆತಂದು ದಂಧೆ..! ಇಬ್ಬರು ಮಹಿಳೆಯರು ಸಿಸಿಬಿ ಬಲೆಗೆ
ಬೆಂಗಳೂರು: ಬೆಂಗಳೂರಲ್ಲಿ ಜಾಬ್ ಮಾಡ್ಬೇಕು, ಮನೆ ಕಷ್ಟ ನೀಗಿಸಬೇಕು ಅಂದುಕೊಂಡಿರೋ ಹೆಣ್ಣು ಮಕ್ಕಳೇ ಹುಷಾರ್..! ನಿಮ್ಮ ಬಡತನವನ್ನ ಬಂಡವಾಳ ಮಾಡಿಕೊಂಡು ವೇಶ್ಯವಾಟಿಕೆ ದಂಧೆಗೆ ನೂಕ್ತಾರೆ ಜೋಕೆ, ಹೊರ ರಾಜ್ಯದಿಂದ ಕೆಲಸಕ್ಕೆ ಬರೋ ಹೆಣ್ಣು ಮಕ್ಕಳೇ ಈ ಆಂಟಿಯರ ಟಾರ್ಗೆಟ್‌!
ಎಸ್.... ಹೊರ ರಾಜ್ಯದಿಂದ ಕೆಲಸ ಅರಸಿ ಬರೋ ಬಡವರ್ಗದ ಹೆಣ್ಣು ಮಕ್ಕಳನ್ನು ಟಾರ್ಗೆಟ್‌ ಮಾಡಿ ಕೆಲಸದ ಆಸೆ ತೋರಿಸಿ ವೇಶ್ಯವಾಟಿಕೆ ದಂಧೆಗೆ ದೂಡುತ್ತಿದ್ದ ಇಬ್ಬರು ಖತರ್ನಾಕ್ ಮಹಿಳೆಯರನ್ನ ಸಿಸಿಬಿ ಪೊಲೀಸರು
ಅರೆಸ್ಟ್ ಮಾಡಿದ್ದಾರೆ.
ಬ್ಯಾಡರಹಳ್ಳಿ ಠಾಣಾ ವ್ಯಾಪ್ತಿಯ ಬಿಇಎಲ್ ಬಡವಾಣೆಯಲ್ಲಿ ಹೈಫೈ ಮನೆ ಬಾಡಿಗೆ ಪಡೆದಿದ್ದ ಉಮಾ, ಹಾಗೂ ಪುಷ್ಪಲತಾ ಇವರೇ ದಂಧೆಯ ಕಿಂಗ್‌ಪಿನ್‌ಗಳು.... ಮನೆ ಮಾಲೀಕರ ಬಳಿ ಪತಿ ಇಲ್ಲ ಅಂತ ಮನೆ ಬಾಡಿಗೆಗೆ ಪಡೆದು ದಂಧೆ ನಡೆಸ್ತಿದ್ರಂತೆ, ಗಿರಾಕಿಗಳನ್ನ ಫೋನ್ ಮೂಲಕ ಸಂಪರ್ಕಿಸಿ ಒಂದಷ್ಟು ಫೋಟೋಗಳನ್ನ ಕಳುಹಿಸಿ ಒಂದು ಹುಡುಗಿಗೆ 10-12 ಸಾವಿರ ಫಿಕ್ಸ್ ಮಾಡ್ತಿದ್ರಂತೆ,
ನಂತರ ಗಿರಾಕಿಗಳು ಒಪ್ಪಿದ ಜಾಗಕ್ಕೆ ಹುಡುಗಿಯರನ್ನ ಕಳುಹಿಸುತ್ತಿರಲ್ಲಿ, ಬದಲಿಗೆ ಬಾಡಿಗೆ ಮನೆಗೆ ಗಿರಾಕಿಗಳ ಕರೆಸಿ ಅವರೊಂದಿಗೆ ಲೈಂಗಿಕ ಕ್ರಿಯೆಗೆ ಹುಡುಗಿಯರನ್ನ ಕಳುಹಿಸ್ತಿದ್ರಂತೆ, ಈ ಖಚಿತ ಮಾಹಿತಿ ಪಡೆದ ಸಿಸಿಬಿ ಮಹಿಳಾ ಸಂರಕ್ಷಣಾ ಘಟಕದ ಅಧಿಕಾರಿಗಳು ದಾಳಿ ನಡೆಸಿ ಇಬ್ಬರು ಮಹಿಳೆಯರನ್ನ ಬಂಧಿಸಿ ಓರ್ವ ಯುವತಿಯನ್ನ ರಕ್ಷಿಸಿದ್ದಾರೆ.
ಇತ್ತ ಮನೆ ಮಾಲೀಕರು ಬಾಡಿಗೆ ಟೈಮ್ ಟು ಟೈಮ್ ಬರ್ತಿದೆ ಅಂತ ಸುಮ್ಮನಾಗುವ ಮೊದಲು ಯಾರಿಗೆ ಮನೆಬಾಡಿಗೆ ಕೊಟ್ಟಿದ್ದೇವೆ, ಆ ಮನೆಯಲ್ಲಿ ಏನಾಗ್ತಿದೆ ಅನ್ನೋದನ್ನ ಗಮನಿಸಬೇಕಿದೆ.
ಸದ್ಯ ಬ್ಯಾಡರಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ಮಹಿಳೆಯರ ವಿಚಾರಣೆ ನಡೆಸ್ತಿದ್ದಾರೆ.
PublicNext
29/01/2025 09:19 pm
ಸಂಬಂಧಿತ ಸುದ್ದಿ
LOADING...
