ಹಾವೇರಿ: ಭಜನೆ ಮಾಡುವ ಮೂಲಕ ಸಂಭ್ರಮ
ಹಾವೇರಿ: ಬಿಗ್ ಬಾಸ್ ಸೀಸನ್ 11ರಲ್ಲಿ ತಮ್ಮ ಭಜನೆ ತಂಡದ ಸದಸ್ಯ ಜಯಗಳಿಸಿದ್ದಕ್ಕೆ ಹಾವೇರಿ ಜಿಲ್ಲೆ ಸವಣೂರು ತಾಲೂಕು ಚಿಲ್ಲೂರು ಬಡ್ನಿಯ ಹನುಮಂತನ ಸ್ನೇಹಿತರಲ್ಲಿ ಸಂಭ್ರಮ ಮನೆಮಾಡಿದೆ. ಹನುಮಂತ ಸದಸ್ಯನಾಗಿರುವ ಭಜನಾ ತಂಡದವರು ಭಜನೆ ಮಾಡುವ ಮೂಲಕ ಸಂಭ್ರಮಾಚರಣೆ ಮಾಡಿದರು.
ತಮ್ಮ ತಂಡದ ಸದಸ್ಯ ಹನುಮಂತ ಬಿಗ್ ಬಾಸ್ 11ರ ವಿಜೇತನಾಗಿದ್ದಾನೆ ಎಂದು ಆಂಜನೇಯ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ ಭಜನೆ ಮಾಡಿದರು. ಹನುಮಂತ ಗ್ರಾಮದ ಹೆಸರು ರಾಜ್ಯದಲ್ಲಿ ಮನೆಮಾತಾಗಿಸಿದ್ದಾನೆ ಎಂದು ಹೆಮ್ಮೆ ವ್ಯಕ್ತಪಡಿಸಿದರು.
ನಮ್ಮೂರ ಹುಡುಗ ನಮ್ಮ ಭಜನಾ ತಂಡದ ಸದಸ್ಯ ಬಿಗ್ ಬಾಸ್ ವಿಜೇತನಾಗಿದ್ದು ನಮಗೆ ಸಂತಸ ತಂದಿದೆ. ಇನ್ನೆರಡು ದಿನಗಳಲ್ಲಿ ಗ್ರಾಮಕ್ಕೆ ಹನುಮಂತ ಆಗಮಿಸುವ ಸಾಧ್ಯತೆ ಇದೆ. ಅವನನ್ನ ತೆರೆದ ವಾಹನದಲ್ಲಿ ವಿವಿಧ ಕಲಾತಂಡಗಳ ಜೊತೆ ವಿಜೃಂಭಣೆಯಿಂದ ಬರಮಾಡಿಕೊಳ್ಳುವದಾಗಿ ಭಜನಾ ತಂಡದ ಸದಸ್ಯರು ತಿಳಿಸಿದರು.
PublicNext
29/01/2025 01:35 pm
ಸಂಬಂಧಿತ ಸುದ್ದಿ
LOADING...
