ಚಿತ್ರದುರ್ಗ: ಬೈಕ್ ಅಪಘಾತ - ಸ್ಥಳದಲ್ಲೇ ವಿದ್ಯಾರ್ಥಿ ಸಾವು

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಚಿತ್ರದುರ್ಗ: ಬೈಕ್ ಅಪಘಾತ - ಸ್ಥಳದಲ್ಲೇ ವಿದ್ಯಾರ್ಥಿ ಸಾವು

ಚಿತ್ರದುರ್ಗ: ಚಿತ್ರದುರ್ಗ ತಾಲೂಕಿನ ಹೊಚ್ಚಿ ಬೋರಯ್ಯನಹಟ್ಟಿ ಹಾಗೂ ಸಾಸಲುಹಟ್ಟಿ ಗೆಟ್ ಬಳಿ ಬೈಕ್ ಅಪಘಾತವಾಗಿದ್ದು ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ನಡೆದಿದೆ.

ಬೈಕ್ ಸವಾರನನ್ನು ಹೊಸಚೂರಯ್ಯನಹಟ್ಟಿ ಗ್ರಾಮದ ಮಲ್ಲಿಕಾರ್ಜುನ್ ಎಂಬವರ ಮಗ ಎಂ.ಸಮಂತ್ (18) ಎಂದು ಗುರುತಿಸಲಾಗಿದೆ.

ಎಂ. ಸಮಂತ್ ಚಿತ್ರದುರ್ಗದ ಎಸ್ ಜೆ.ಎಂ ಕಾಲೇಜಿನಲ್ಲಿ ಮೂರನೇ ವರ್ಷದ ಡಿಪ್ಲೋಮಾ ವ್ಯಾಸಂಗ ಮಾಡುತ್ತಿದ್ದು, ನೂತನವಾಗಿ ತೆಗೆದುಕೊಂಡ ಪಲ್ಸರ್ ಬೈಕಿನಲ್ಲಿ ಚಿತ್ರದುರ್ಗ ಹೋಗಿ ಬರುತ್ತೇನೆ ಎಂದು ಹೇಳಿ ಹೊರಟ ಮಗ ರಾತ್ರಿ ಶವವಾಗಿದ್ದಾನೆ.

ಹೊಚ್ಚಿ ಬೋರಯ್ಯನಹಟ್ಟಿ ಗ್ರಾಮದ ಸಮೀಪದಲ್ಲಿ ಅಜಾಗ್ರತೆಯಿಂದ ಬೈಕ್ ನ್ನ ಚಾಲನೆ ಮಾಡಿಕೊಂಡು ಬಂದು ರಸ್ತೆ ಬದಿಗೆ ಬಲವಾಗಿ ಬಿದ್ದಿದ್ದರಿಂದ ತಲೆಗೆ ಬಲವಾದ ಪೆಟ್ಟು ಬಿದ್ದು ಸ್ಥಳದಲ್ಲಿ ಮೃತಪಟ್ಟಿರುತ್ತಾನೆ.

ಸ್ಥಳಕ್ಕೆ ಆಗಮಿಸಿದ ತುರುವನೂರು ಪೋಲಿಸ್ ಭೇಟಿ ನೀಡಿ ಪರಿಶೀಲಿಸಿ ಶವವನ್ನು ಶವಗಾರಕೆ ತಲುಪಿಸಿ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.

Edited By :