ಜವಾನ್ ಸಿನಿಮಾದ ದಾಖಲೆ ಮುರಿದ ''ಪುಷ್ಪ 2 ದಿ ರೂಲ್" : ರಿಲೀಸ್‌ಗೂ ಮುನ್ನವೇ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹಲ್ ಚಲ್
ಹೈದರಾಬಾದ್ : ಟಾಲಿವುಡ್ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಹಾಗೂ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ 2 ದಿ ರೂಲ್ ಸಿನಿಮಾಕ್ಕಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.
ಸ್ಟಾರ್ ನಿರ್ದೇಶಕ ಸುಕುಮಾ‌ರ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರೋ ಪುಷ್ಪ 2 ದಿ ರೂಲ್ ಡಿಸೆಂಬರ್ 5, 2024ರಂದು ತೆರೆಗೆ ಬರಲಿದೆ. ಹೀಗಾಗಿ ನಿರ್ಮಾಪಕರು ಈ ಸಿನಿಮಾವನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ಯುವ ದೊಡ್ಡ ಮಟ್ಟದ ಯೋಜನೆಗಳಲ್ಲಿದ್ದಾರೆ.
ಹೀಗಾಗಿ ಪುಷ್ಪ 2 ಸಿನಿಮಾದ ಪ್ರಮೋಷನ್‌ಗಾಗಿ ಚಿತ್ರತಂಡ ದೇಶದ ಆರು ಪ್ರದೇಶದಲ್ಲಿ ಬೃಹತ್ ಸೆಟ್ ಹಾಕುವ ಮೂಲಕ ಪ್ರೀ ಇವೆಂಟ್ ಕಾರ್ಯಕ್ರಮಕ್ಕೆ ಸಜ್ಜಾಗಿದೆ.
ಇನ್ನು ಬಿಡುಗಡೆಗೂ ಮುನ್ನವೇ ಪುಷ್ಪ 2 ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸದ್ದು ಮಾಡಿದೆ. ಒಂದು ತಿಂಗಳ ಹಿಂದೆಯೇ ಯುಎಸ್‌ಎಯಲ್ಲಿ ಮುಂಗಡ ಬುಕ್ಕಿಂಗ್ ಆರಂಭವಾಗಿವೆ. ಈಗಾಗಲೇ ಪುಷ್ಪ 2 ಉತ್ತರ ಅಮೆರಿಕಾದ ಪ್ರೀಮಿಯರ್‌ಗಳ ಮಾರಾಟದಲ್ಲಿ ಬರೋಬ್ಬರಿ 4.25 ಕೋಟಿ ಹಿಟ್‌ ಕಲೆಕ್ಷನ್ ಹೊಡೆಯುವ ಮೂಲಕ ಅತ್ಯಂತ ವೇಗದ ಭಾರತೀಯ ಚಲನಚಿತ್ರವಾಗಿದ್ದು, ತನ್ನ ಆರಂಭಿಕ ದಿನದಂದು ವಿಶ್ವದಾದ್ಯಂತ ರೂ 270 ಕೋಟಿ ಗಳಿಸುವ ನಿರೀಕ್ಷೆಯಿದೆ.
ಇನ್ನು ವಿಶೇಷ ಅಂದ್ರೆ, ಈ ಹಿಂದೆ ಜವಾನ್ ಸಿನಿಮಾ, ವಿಶ್ವದಾದ್ಯಂತ 10,000 ಸ್ಕ್ರೀನ್‌ಗಳಲ್ಲಿ ಬಿಡುಗಡೆ ಹೊಂದಿತ್ತು. ಆದರೆ ಪುಷ್ಪಾ 2 11,500ಕ್ಕೂ ಹೆಚ್ಚು ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯೊಂದಿಗೆ ಭಾರತೀಯ ಚಿತ್ರರಂಗದಲ್ಲಿ ಹೊಸ ಮೈಲಿಗಲ್ಲನ್ನು ಸೃಷ್ಟಿಸಲು ಸಜ್ಜಾಗಿದೆ.
PublicNext
07/11/2024 10:12 pm
ಸಂಬಂಧಿತ ಸುದ್ದಿ
LOADING...
