ಉಡುಪಿ: ಕಂಬಳದ "ಹಳೆ ಹುಲಿ " ಕೋಣಕ್ಕೆ ಸನ್ಮಾನ: ಕಂಬಳಪ್ರಿಯರು ಭಾವುಕ !
ಕಟಪಾಡಿ: ಕಂಬಳ ಕ್ಷೇತ್ರದಲ್ಲಿ ಕೋಣ ಮತ್ತು ಅದರ ಮಾಲೀಕರ ನಡುವಿನ ಪ್ರೀತಿಯ ಅನೇಕ ಕಥೆಗಳನ್ನು ಕೇಳಿದ್ದೇವೆ. ಕೋಣಗಳನ್ನು ಮನೆಯ ಸದಸ್ಯರಿಗಿಂತಲೂ ಹೆಚ್ಚು ಪ್ರೀತಿಯಿಂದ ಸಾಕುವುದನ್ನು ನೋಡಿದ್ದೇವೆ. ಉತ್ಸವ, ಸಭೆ-ಸಮಾರಂಭಗಳಲ್ಲಿ ಅನೇಕ ಗಣ್ಯರಿಗೆ ಸನ್ಮಾನ ಮಾಡುತ್ತಾರೆ. ಆದರೆ ಕಂಬಳಗಳಲ್ಲಿ ಕೋಣಗಳಿಗೆ ಮೊದಲ ಸನ್ಮಾನ! ಈ ಸನ್ಮಾನ ಮಾಡುವ ರೀತಿಯೇ ತುಂಬಾ ಭಾವನಾತ್ಮಕವಾಗಿರುತ್ತೆ.
ಕಂಬಳದ ಓಟ ಕ್ಷೇತ್ರದಲ್ಲಿ ಮೆಡಲು ಗಳ ಮೇಲೆ ಮೆಡಲು ಗೆದ್ದು ಸೆಲೆಬ್ರಿಟಿ ಕೋಣ ಎನಿಸಿರುವ "ಚೆನ್ನ "ನಿಗೆ ಕಟಪಾಡಿ ಕಂಬಳದಲ್ಲಿ ಅದ್ದೂರಿ ಸನ್ಮಾನ ನಡೆಯಿತು. ಯಾವ ಮಾಲಕರು ಈ ಕೋಣವನ್ನು ಸಾಕುತ್ತಾರೋ ಅವರಿಗೆ ಮೆಡಲ್ ಪಕ್ಕಾ ಅನ್ನುವಷ್ಟರ ಮಟ್ಟಿಗೆ ಈ ಕೋಣ ಕಂಬಳ ಕ್ಷೇತ್ರದಲ್ಲಿ ಫೇಮಸ್ ಆಗಿದೆ.
ಹಾಗಾಗಿ ಯಾವುದೇ ಕಂಬಳಕ್ಕೆ ಹೋದರೂ ಚೆನ್ನನಿಗೆ ರಾಜಮರ್ಯಾದೆ. ಕಳೆದ ಒಂದು ದಶಕದಿಂದ ಕಂಬಳದ ಗದ್ದೆಗಳಲ್ಲಿ ಚೆನ್ನನದ್ದೇ ಕಾರುಬಾರು. ಕಟಪಾಡಿ ಕಂಬಳದಲ್ಲಿ ಸನ್ಮಾನ ಸ್ವೀಕರಿಸಿದ ನಂತರ ಚೆನ್ನನು ಮಂಡಿಯೂರಿ ಕುಳಿತು ಧನ್ಯವಾದ ಸಲ್ಲಿಸಿದ ಕ್ಷಣ, ನೆರೆದಿದ್ದವರನ್ನು ಅಚ್ಚರಿಯಲ್ಲಿ ತಳ್ಳಿತು.
Kshetra Samachara
14/03/2022 03:00 pm
ಸಂಬಂಧಿತ ಸುದ್ದಿ
LOADING...
