ಉಡುಪಿ: ಕಡಲ್ಕೊರಡೆತ ತಡೆಗೆ ಶಾಶ್ವತ ಕಾಮಗಾರಿಯಾಗಿ ಸೀ ವೇವ್ ಬ್ರೇಕರ್ ಕಾಮಗಾರಿ; ಸಚಿವ ಅಂಗಾರ
ಕರಾವಳಿ ಭಾಗದ ಕಡಲ್ಕೊರೆತ ತಡೆಗೆ ಶಾಶ್ವತ ಕಾಮಗಾರಿಯಾಗಿ ಸೀ ವೇವ್ ಬ್ರೇಕರ್ ಕಾಮಗಾರಿಯನ್ನು ನಡೆಸಲು ಸರಕಾರ ಚಿಂತನೆ ನಡೆಸುತ್ತಿದೆ ಎಂದು ಉಡುಪಿ ಉಸ್ತುವಾರಿ ಸಚಿವ ಎಸ್. ಅಂಗಾರ ತಿಳಿಸಿದ್ದಾರೆ.
ಉಡುಪಿ ಮಣಿಪಾಲದ ರಜತಾದ್ರಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಕಾಸರಗೋಡಿನ ನೆಲ್ಲಿಕುನ್ನು ಎಂಬಲ್ಲಿ ಈ ಕಾಮಗಾರಿಯನ್ನು ಯಶಸ್ವಿಯಾಗಿ ನಡೆಸಲಾಗಿದೆ. ಅಲ್ಲಿ ಕಾಮಗಾರಿ ನಡೆಸಿರುವವರನ್ನು ಉಳ್ಳಾಲದ ಬೆಟ್ಟಂಪಾಡಿ ಭಾಗಕ್ಕೆ ಸ್ಥಳ ಪರಿಶೀಲನೆಗೆ ಕರೆದುಕೊಂಡು ಹೋಗಿದ್ದೆವು. ಸ್ಥಳೀಯ ಪರಿಸ್ಥಿಗತಿಗಳನ್ನು ತಿಳಿದುಕೊಂಡು ಸಮುದ್ರದ ಬಂಡೆಯನ್ನು ಹೋಳು ಮಾಡಿಕೊಂಡು ಕಾಮಗಾರಿಯನ್ನು ಪ್ರಾರಂಭ ಮಾಡುತ್ತೇವೆ ಎಂದಿದ್ದಾರೆ.
ಮುಖ್ಯಮಂತ್ರಿಗಳು ಈ ಕಾಮಾಗಾರಿಯ ಕುರಿತು ತಜ್ಞರ ಅಭಿಪ್ರಾಯ ಪಡೆದು ವರದಿ ನೀಡಲು ಈಗಾಗಲೇ ಸೂಚನೆ ನೀಡಿದ್ದಾರೆ ಎಂದರು. ಈ ಸಂಧರ್ಭದಲ್ಲಿ ಉಡುಪಿ ಜಿಲ್ಲಾಧಿಕಾರಿ ಕೂರ್ಮಾ ರಾವ್, ಶಾಸಕ ರಘುಪತಿ ಭಟ್ ಮತ್ತು ಜಿಲ್ಲಾಮಟ್ಟದ ಅಧಿಕಾರಿಗಳು ಉಪಸ್ಥಿತರಿದ್ದರು.
PublicNext
07/07/2022 01:13 pm
ಸಂಬಂಧಿತ ಸುದ್ದಿ
LOADING...
