ಮಂಗಳೂರು: ಶಾರದಾ ಆಯುರ್ಧಾಮದಲ್ಲಿ ಸಂಭ್ರಮ ಸಡಗರದ ಓಣಂ ಆಚರಣೆ
ಮಂಗಳೂರು: ಶಾರದಾ ಸಮೂಹ ಸಂಸ್ಥೆಗಳ ಶಾರದಾ ಆಯುರ್ಧಾಮದಲ್ಲಿರುವ ಶಾರದಾ ಆಯುರ್ವೇದ ವೈದ್ಯಕೀಯ ಕಾಲೇಜು ಮತ್ತು ಶಾರದಾ ಯೋಗ ಹಾಗೂ ಪ್ರಕೃತಿ ಚಿಕಿತ್ಸೆ ಕಾಲೇಜಿನಲ್ಲಿ ಸಂಭ್ರಮ ಸಡಗರದಿಂದ ಓಣಂ ಹಬ್ಬವನ್ನು ಆಚರಿಸಲಾಯಿತು. ಈ ಸಂದರ್ಭ ತಿರುವಾದಿರ ಎಂಬ ವಿಶೇಷ ಶೈಲಿಯ ಪಾರಂಪರಿಕ ನೃತ್ಯ ಹಾಗೂ ಹಗ್ಗ ಜಗ್ಗಾಟ ಮುಂತಾದ ಕ್ರೀಡೆಗಳನ್ನು ಆಯೋಜಿಸಲಾಗಿತ್ತು. ಪೂಕಳಂ ಎಂಬ ಹೂವಿನ ದಳಗಳ ಮನಮೋಹಕ ಆಕೃತಿಗಳನ್ನು ಶಾರಾದಾ ವಿದ್ಯಾ ಸಂಸ್ಥೆಗಳ ವಿದ್ಯಾರ್ಥಿಗಳು ಸಿದ್ದಪಡಿಸಿದ್ದು ಎಲ್ಲರ ಗಮನ ಸೆಳೆಯಿತು.
ಎಲ್ಲಾ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ತಮ್ಮ ಕುಟುಂಬದೊಂದಿಗೆ ಪಾಲ್ಗೊಂಡ ಶಾರದಾ ಸಮೂಹ ಸಂಸ್ಥೆಗಳ ಅಧ್ಯಕ್ಷ ಪ್ರೊ.ಎಂ.ಬಿ. ಪುರಾಣಿಕ್ ಅವರು ವಿದ್ಯಾರ್ಥಿಗಳನ್ನು ತಮ್ಮ ಚುಟುಕಾದ ಸಂದೇಶದಿಂದ ಹುರಿದುಂಬಿಸಿ ಪ್ರೋತ್ಸಾಹಿಸಿದರು.ಈ ಸಂದರ್ಭ ಶಾರದಾ ಸಮೂಹ ಸಂಸ್ಥೆಯ ಉಪಾಧ್ಯಕ್ಷ ಸೀತಾರಾಮ್ ದಂಡತೀರ್ಥ, ಸಂಸ್ಥೆಯ ನಿರ್ದೇಶಕ ಸಮೀರ್ ಪುರಾಣಿಕ್ ಮತ್ತು ಶಾರದಾ ಯೋಗ ಮತ್ತು
ಪ್ರಕೃತಿ ಚಿಕಿತ್ಸಾ ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲ ಡಾ. ರಾಜೇಶ್ ಪಾದೇಕಲ್ ಮತ್ತು ಶಾರದಾ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲ ಡಾ. ರವಿಗಣೇಶ್ ಮೊಗ್ರರವರು ಉಪಸ್ಥಿತರಿದ್ದರು.
Kshetra Samachara
08/09/2022 09:04 pm
ಸಂಬಂಧಿತ ಸುದ್ದಿ
LOADING...
