ಉಡುಪಿ: ರಂಜನಿ ಸ್ಮರಣೆಯಲ್ಲಿ ನಿರಂತರ ಸಂಗೀತ ಕಾರ್ಯಕ್ರಮ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಉಡುಪಿ: ರಂಜನಿ ಸ್ಮರಣೆಯಲ್ಲಿ ನಿರಂತರ ಸಂಗೀತ ಕಾರ್ಯಕ್ರಮ

ಉಡುಪಿ: ಉಡುಪಿಯ ರಂಜನಿ ಮೆಮೋರಿಯಲ್ ಟ್ರಸ್ಟ್ ವತಿಯಿಂದ ವಿಶೇಷ ಸಂಗೀತ ಕಾರ್ಯಕ್ರಮಗಳ ಯೂ ಟ್ಯೂಬ್ ಪ್ರಸಾರ ಸೆಪ್ಟಂಬರ್ 9ರಿಂದ 19ವರಗೆ ನಿರಂತರ ನಡೆಯಲಿದೆ ಎಂದು ಟ್ರಸ್ಟ್ ನ ಮುಖ್ಯಸ್ಥರಾದ ವಿ.ಅರವಿಂದ ಹೆಬ್ಬಾರ್ ತಿಳಿಸಿದ್ದಾರೆ. ರಾಜ್ಯ ಮತ್ತು ಹೊರ ರಾಜ್ಯಗಳ ಖ್ಯಾತ ಗಾಯಕರು ಮತ್ತು ಸಂಗೀತ ವಿದ್ವಾಂಸರು ಈ ಸರಣಿಯಲ್ಲಿ ಭಾಗಿಯಾಗಲಿದ್ದಾರೆ.

ಸೆ.9ರಂದು ಸಂಜೆ 4 ಗಂಟೆಗೆ ರಂಜನಿ ಅವರು 2012ರಲ್ಲಿ ನೀಡಿದ್ದ ಸಂಗೀತ ಕಚೇರಿಯನ್ನು ಪ್ರಸಾರ ಮಾಡಲಾಗುತ್ತದೆ. 6.30ಕ್ಕೆ ಸತ್ಸಂಗ ಭಜನೆ, ಸೆ.10ರ ಸಂಜೆ 4 ಗಂಟೆಗೆ ಸ್ವರಾಂಜಲಿ ಸಹೋದರಿಯರಿಂದ ಕರ್ನಾಟಕ ಶಾಸ್ತ್ರೀಯ ಗಾಯನ, 6.30 ಕ್ಕೆ ಚೆನ್ನೈನ ಮೈಲೈ ಎಂ.ಕಾರ್ತಿಕೇಯನ್ ಅವರಿಂದ ನಾಗಸ್ವರವಾದನ ನಡೆಯಲಿದೆ. ಸೆ.11 ಸಂಜೆ 4 ಗಂಟೆಗೆ ಬೆಂಗಳೂರಿನ ಪ್ರಿನ್ಸ್ ರಾಮವರ್ಮಅವರಿಂದ LEC-DEM, 6.30 ಕ್ಕೆ ಚೆನ್ನೈನ ಶ್ರೀರಂಜನಿ ಸಂತಾನಗೋಪಾಲನ್ ಅವರಿಂದ ಕರ್ನಾಟಕ ಶಾಸ್ತ್ರೀಯ ಗಾಯನ, ಸೆ.12 ಕ್ಕೆ ಸಂಜೆ 4 ಗಂಟೆಗೆ ಚೆನ್ನೈನ ಆರ್.ಕೆ.ಶ್ರೀರಾಮ್ ಕುಮಾರ್ ಅವರಿಂದ LEC-DEM, 6.30 ಕ್ಕೆ ಚೆನ್ನೈನ ಗಾಯತ್ರಿ ವೆಂಕಟರಾಘವನ್ ಅವರಿಂದ ಕರ್ನಾಟಕ ಶಾಸ್ತ್ರೀಯ ಸಂಗೀತ, ಸೆ.13 ಕ್ಕೆ ಸಂಜೆ 4ಗಂಟೆಗೆ ದೆಹಲಿಯ ಸೌಮಿತ್ರ ಠಾಕೂರ್ ಅವರಿಂದ ಸಿತಾರ್ ವಾದನ, 6.30 ಕ್ಕೆ ಬೆಂಗಳೂರಿನ ಲಲಿತರಾಮ್ ಅವರಿಂದ ಉಪನ್ಯಾಸ ನಡೆಯಲಿದೆ.

ಸೆ.14 ರಂದು 4 ಗಂಟೆಗೆ ಬೆಂಗಳೂರಿನ ನಿರಂಜನ್ ದಿಂದೋಡಿ ಅವರ ಕರ್ನಾಟಕ ಶಾಸ್ತ್ರೀಯ ಗಾಯನ, 6.30 ಕ್ಕೆ ಮೈಸೂರಿನ ಶ್ರೀಮತಿದೇವಿ.ಪಿ-ಹಿಂದೂಸ್ತಾನಿ ಗಾಯನ, ಸೆ.15 ಕ್ಕೆ ಸಂಜೆ 4 ಗಂಟೆಗೆ ಚೆನ್ನೈನ ಮನ್ನರ್ಕೊಯಿಲ್ ಬಾಲಾಜಿ ಅವರಿಂದ LEC –DEM, 6.30 ಕ್ಕೆ ಚೆನ್ನೈನ ಸುನಿಲ್ ಗರ್ ಗ್ಯಾನ್ ಅವರಿಂದ ಕರ್ನಾಟಕ ಶಾಸ್ತ್ರೀಯ ಗಾಯನ, ಸೆ.16 ಕ್ಕೆ ಬೆಂಗಳೂರಿನ ಹಿರಣ್ಮಯೀ. ಎಸ್ -ಹಿಂದೂಸ್ತಾನಿ ಗಾಯನ, 6.30 ಕ್ಕೆ ಹೈದರಾಬಾದ್ ನ ಜೆ.ಎಸ್.ಶ್ರೀರಾಮ್ ಅವರ ತಂಡದಿಂದ ನಮಸಂಕೀರ್ತನ, ಸೆ.17 ರಂದು ಬಾಲಪ್ರತಿಭೆಗಳಾದ ಅರ್ಜುನ್ ಸಾಯಿ-ಕರ್ನಾಟಕ ಶಾಸ್ತ್ರೀಯ ಸಂಗೀತ, ತಬಲಾದಲ್ಲಿ ಪ್ರದ್ಯುಮ್ನ ಕರ್ಪೂರ್ ಸಹಕರಿಸಲಿದ್ದಾರೆ. 6.30 ಕ್ಕೆ ಉಡುಪಿಯ ಅರ್ಚನಾ-ಸಮನ್ವಿ ಅವರಿಂದ ಕರ್ನಾಟಕ ಶಾಸ್ತ್ರೀಯ ಸಂಗೀತ, ಸೆ.18 ಕ್ಕೆ ಸಂಜೆ 4 ಗಂಟೆಗೆ ಬೆಂಗಳೂರಿನ ರಕ್ಷಿತಾ ರಮೇಶ್-ವೀಣಾವಾದನ, 6.30 ಕ್ಕೆ ಚೆನ್ನೈನ ಭರತ್ ಸುಂದರ್-ಕರ್ನಾಟಕ ಶಾಸ್ತ್ರೀಯ ಸಂಗೀತ, ಸೆ.19 ಕ್ಕೆ ಸಂಜೆ 4 ಗಂಟೆಗೆ ರಘುನಾಥ್ ದಾಸ್ ಮಹಾರಾಜ್ ಮತ್ತು ತಂಡದಿಂದ ವರ್ಖರಿ ಭಜನ್ಸ್, 6.30 ಕ್ಕೆ ಮೈಸೂರಿನ ಮಂಜುನಾಥ್ ಮತ್ತು ಸುಮಂತ್ ಮಂಜುನಾಥ್ ರಿಂದ ದ್ವಂದ್ವ ವಯೋಲಿನ್ ವಾದನ ಜರುಗಲಿದೆ. ಈ ಎಲ್ಲಾ ಕಾರ್ಯಕ್ರಮಗಳು ರಂಜನಿ ಮೆಮೋರಿಯಲ್ ಟ್ರಸ್ಟ್ ನ ಯೂಟ್ಯೂಬ್ ಚಾನಲ್ ನಲ್ಲಿ ಪ್ರಸಾರವಾಗಲಿದೆ.