ಮುಲ್ಕಿ: ನಾನಾ ರಂಗ ಸಾಧಕ ಪತ್ರಕರ್ತ ಎಂ.ಬಿ. ಕುಕ್ಯಾನ್ ಅವರಿಗೆ ಶ್ರದ್ಧಾಂಜಲಿ
ಮುಲ್ಕಿ: ಅಕ್ಷಯ ಪತ್ರಿಕೆ ಸಂಪಾದಕ, ಭಾರತ್ ಬ್ಯಾಂಕ್ ನ ಮಾಜಿ ಕಾರ್ಯಾಧ್ಯಕ್ಷ, ಸಾಹಿತಿ ಹಾಗೂ ಬಿಲ್ಲವ ಸಮಾಜದ ನಾಯಕರಾದ ಎಂ.ಬಿ. ಕುಕ್ಯಾನ್ ಅವರಿಗೆ ಶ್ರದ್ಧಾಂಜಲಿ ಕಾರ್ಯಕ್ರಮ ಹೊಸ ಅಂಗಣ ಮಾಸಪತ್ರಿಕೆಯ ನೇತೃತ್ವದಲ್ಲಿ ಮುಲ್ಕಿಯಲ್ಲಿ ನಡೆಯಿತು. ಕಸಾಪ ಮಾಜಿ ರಾಜ್ಯಾಧ್ಯಕ್ಷ ಹರಿಕೃಷ್ಣ ಪುನರೂರು ಅಧ್ಯಕ್ಷತೆ ವಹಿಸಿ ಮಾತನಾಡಿ, ದಿ. ಎಂ.ಬಿ. ಕುಕ್ಯಾನ್ ಅವರು ಸಾಹಿತ್ಯ ಸಹಿತ ವಿವಿಧ ರಂಗಗಳಲ್ಲಿ ಸಾಧನೆ ಮಾಡಿದ ಸಾಧಕ ರಾಗಿದ್ದು, ಯುವಜನಾಂಗ ಅದನ್ನು ಮುಂದುವರಿಸಬೇಕು ಎಂದರು.
ಜಾನಪದ ವಿದ್ವಾಂಸ ಡಾ. ಗಣೇಶ್ ಅಮೀನ್ ಸಂಕಮಾರ್ ಮಾತನಾಡಿ, ಎಂ.ಬಿ.ಕುಕ್ಯಾನ್ ಸರಳ ಸಜ್ಜನಿಕೆಯ ವ್ಯಕ್ತಿಯಾಗಿದ್ದು ನಿಗರ್ವಿ, ವಿನಯವಂತ ಹಾಗೂ ಸಾಹಿತ್ಯ ಕ್ಷೇತ್ರದಲ್ಲಿ ಅವರ ಕೊಡುಗೆ ಅಪಾರ ಎಂದರು.
ರಂಗಕರ್ಮಿ ಚಂದ್ರಶೇಖರ ಸುವರ್ಣ ಮಾತನಾಡಿ, ಬಡವಿದ್ಯಾರ್ಥಿಗಳ ವಿದ್ಯೆಗೆ ಪ್ರೋತ್ಸಾಹ ನೀಡಿದ ಎಂ.ಬಿ. ಕುಕ್ಯಾನ್ ಅಪರೂಪದ ವ್ಯಕ್ತಿ ಎಂದರು. ಧಾರ್ಮಿಕ ಪರಿಷತ್ ಸದಸ್ಯ ಭುವನಾಭಿರಾಮ ಉಡುಪ, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷ ರಮೇಶ್ ಅಮೀನ್ ಕೊಕ್ಕರಕಲ್, ಸಾಹಿತಿ ದಯಾಮಣಿ ಶೆಟ್ಟಿ, ಡಾ. ಅಚ್ಚುತ ಕುಡ್ವ, ಮುಲ್ಕಿ ರೋಟರಿ ಕ್ಲಬ್ ಅಧ್ಯಕ್ಷ ಅಶೋಕ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ವೈ.ಎನ್. ಸಾಲ್ಯಾನ್, ವಾಮನ ನಡಿಕುದ್ರು, ಸಾಧು ಅಂಚನ್ ಮಟ್ಟು ಮಾತನಾಡಿದರು. ಹೊಸ ಅಂಗಣ ಮಾಸ ಪತ್ರಿಕೆ ಸಂಪಾದಕ ಹರಿಶ್ಚಂದ್ರ ಸಾಲಿಯಾನ್ ನಿರೂಪಿಸಿದರು.
Kshetra Samachara
13/01/2021 08:25 am
ಸಂಬಂಧಿತ ಸುದ್ದಿ
LOADING...
