IPL 2021: DC vs SRH: ಬೌಲಿಂಗ್ ಬ್ಯಾಟಿಂಗ್ ಕಮಾಲ್- ಹೈದರಾಬಾದ್ ವಿರುದ್ಧ ಡೆಲ್ಲಿಗೆ 8 ವಿಕೆಟ್‌ಗಳಿಂದ ಜಯ
ದುಬೈ: ಉತ್ತಮ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಸಹಾಯದಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ 8 ವಿಕೆಟ್ ಗಳಿಂದ ಗೆಲುವು ಸಾಧಿಸಿದೆ.
ಐಪಿಎಲ್ 14ನೇ ಆವೃತ್ತಿಯ ಭಾಗವಾಗಿ ದುಬೈನಲ್ಲಿ ನಡೆದ 33ನೇ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಹೈದರಾಬಾದ್ 9 ವಿಕೆಟ್ ನಷ್ಟಕ್ಕೆ 134 ರನ್ ಗಳಿಸಿತ್ತು. 135 ರನ್‌ಗಳ ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡವು 2 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿತು. ಡೆಲ್ಲಿ ಪರ ಶಿಖರ್ ಧವನ್ 42 ರನ್, ಶ್ರೇಯಸ್ ಅಯ್ಯರ್ 47 ರನ್ ಹಾಗೂ ನಾಯಕ ರಿಷಬ್ ಪಂತ್ 35 ರನ್ ಚಚ್ಚಿದರು.
ಇದಕ್ಕೂ ಮುನ್ನ ಹೈದರಾಬಾದ್ ತಂಡವು ಅಬ್ದುಲ್ ಸಮದ್ 28 ರನ್ (21 ಎಸೆತ), ರಶೀದ್ ಖಾನ್ 22 ರನ್, ನಾಯಕ ಕೇನ್ ವಿಲಿಯಮ್ಸನ್ ಹಾಗೂ ವೃದ್ಧಿಮಾನ ಸಹಾ ತಲಾ 18 ರನ್ ಸಹಾಯದಿಂದ 9 ವಿಕೆಟ್ ನಷ್ಟಕ್ಕೆ 134ರನ್ ಗಳಿಸಿತ್ತು.
ಡೆಲ್ಲಿ ಪರ ಕಗಿಸೊ ರಬಾಡ ಮೂರು ವಿಕೆಟ್ ಕಿತ್ತು ಮಿಂಚಿದರೆ, ಎನ್ರಿಚ್ ನಾಕಿಯಾ ಹಾಗೂ ಅಕ್ಷರ್ ಪಟೇಲ್ ತಲಾ ಎರಡು ವಿಕೆಟ್ ಪಡೆದು ತಂಡಕ್ಕೆ ಆಸರೆಯಾಗಿದ್ದರು.
PublicNext
22/09/2021 11:13 pm
ಸಂಬಂಧಿತ ಸುದ್ದಿ
LOADING...
