ಸುರತ್ಕಲ್: ಪ್ರಯಾಣಿಕರ ನಗನಗದು ಮರಳಿಸಿ ಪ್ರಾಮಾಣಿಕತೆ ಮೆರೆದ ಆಟೋ ಚಾಲಕರು

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಸುರತ್ಕಲ್: ಪ್ರಯಾಣಿಕರ ನಗನಗದು ಮರಳಿಸಿ ಪ್ರಾಮಾಣಿಕತೆ ಮೆರೆದ ಆಟೋ ಚಾಲಕರು

ಸುರತ್ಕಲ್: ಸೂರಿಂಜೆಯಿಂದ ಕಾಟಿಪಳ್ಳಕ್ಕೆ ಆಟೋದಲ್ಲಿ ತೆರಳುತ್ತಿದ್ದ ಮಹಿಳೆಯೊಬ್ಬರು ನಗ ನಗದು ಇರಿಸಿದ್ದ ಪರ್ಸನ್ನು ಆಟೋದಲ್ಲಿ ಬಿಟ್ಟು ಹೋಗಿದ್ದು ಆಟೋಚಾಲಕರು‌ ಪರ್ಸ್ ನಲ್ಲಿದ್ದ ಮಹಿಳೆಯ ಫೊಟೋವನ್ನು ಆಧರಿಸಿ ಅವರ ಮನೆಯನ್ನು ಹುಡುಕಿ ಬಳಿಕ ಸುರತ್ಕಲ್ ಪೋಲೀಸ್ ಠಾಣೆಯಲ್ಲಿ ಹಸ್ತಾಂತರಿಸಿ ಪ್ರಾಮಾಣಿಕತೆ ಮೆರೆದ ಘಟನೆ ನಡೆದಿದೆ.

ನಾಲ್ಕು ದಿನಗಳ ಹಿಂದೆ ಸೂರಿಂಜೆ ನಿವಾಸಿ ಪುಷ್ಪ ಮೂಲ್ಯ ಎಂಬವರು ಸೂರಿಂಜೆಯಿಂದ ಕಾಟಿಪಳ್ಳಕ್ಕೆ ತೆರಳಲು ಮನೋಜ್ ಶೆಟ್ಟಿ ಚೊಕ್ಕಬೆಟ್ಟು ಎಂಬವರ ಆಟೋ ಏರಿದ್ದರು. ಇಳಿಯುವಾಗ ನಗ ನಗದು ತುಂಬಿದ್ದ ಪರ್ಸನ್ನು ಆಟೋದಲ್ಲಿ ಬಿಟ್ಟು ಹೋಗಿದ್ದರು. ಇದು ಗಮನಕ್ಕೆ ಬಂದ ಬಳಿಕ ಆಟೋ ಚಾಲಕ ಮಹಿಳೆಯನ್ನು ಹುಡುಕುವ ಪ್ರಯತ್ನ‌ ಮಾಡಿದ್ದಾರೆ.

ಬಳಿಕ ಈ ವಿಚಾರವನ್ನು ಮನೋಜ್ ಶೆಟ್ಟಿ ಜಯಕರ್ನಾಟಕ ಆಟೋ ಚಾಲಕ ಮಾಲಕರ ಸಂಘದ ಮಾಜಿ ಅಧ್ಯಕ್ಷ ಶೇಖರ ಶೆಟ್ಟಿ ಎಂಬವರ ಗಮನಕ್ಕೆ ತಂದರು. ಶೇಖರ ಶೆಟ್ಟಿ ಅವರು ಪರ್ಸಲ್ಲಿ ದೊರೆತ ಫೋಟೋವನ್ನು ಆಧರಿಸಿ ಮಹಿಳೆ ಆಟೋ ಹತ್ತಿದ ಸೂರಿಂಜೆ ಪೇಟೆಯಲ್ಲಿ ಮಹಿಳೆಯ ಭಾವಚಿತ್ರ ತೋರಿಸಿದಾಗ ಅವರ ಮನೆ ಪತ್ತೆಯಾಯಿತು. ಬಳಿಕ ನಗ‌ನಗದು ಕಳೆದು ಕೊಂಡ ಮಹಿಳೆಯನ್ನು ಸುರತ್ಕಲ್ ಠಾಣೆಗೆ ಕರೆಯಿಸಿ ಇನ್ಸ್ ಪೆಕ್ಟರ್ ಚಂದ್ರಪ್ಪ ಮತ್ತು ಆಟೋ ಚಾಲಕ ಮಾಲಕರ ಸಂಘದ ಪದಾಧಿಕಾರಿಗಳ ಸಮ್ಮುಖದಲ್ಲಿ ಮಹಿಳೆಗೆ ಹಸ್ತಾಂತರಿಸಿದರು.

ಈ ಸಂದರ್ಭದಲ್ಲಿ ಜಯಕರ್ನಾಟಕ ಆಟೋ ಚಾಲಕ ಮಾಲಕರ ಸಂಘದ ವಲಯಾಧ್ಯಕ್ಷ ವೈ.ರಾಘವೇಂದ್ರ ರಾವ್, ಅಧ್ಯಕ್ಷ ಬಿ.ಕೆ.ಆರ್, ಮಾಜಿ ಅಧ್ಯಕ್ಷ ಶೇಖರ ಶೆಟ್ಟಿ, ದಯಾನಂದ ಶೆಟ್ಟಿ, ಅಪ್ಪು ಸ್ವಾಮಿ, ಕೃಷ್ಣ ಅಂಚನ್, ದೀಪಕ್ ಮೊದಲಾದವರು ಉಪಸ್ಥಿತರಿದ್ದರು.

Edited By :