ಪಾವಂಜೆ: ಭಕ್ತಿಭಾವದ ಶ್ರೀ ವರಪ್ರದ ಗಣಪತಿ ಪ್ರತಿಷ್ಠೆ, ರಂಗಪೂಜೆ
ಮುಲ್ಕಿ: ಹಳೆಯಂಗಡಿ ಸಮೀಪದ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ದೇವಸ್ಥಾನ ನಾಗವೃಜ ಕ್ಷೇತ್ರದಲ್ಲಿ ಎ. 13 ರಿಂದ 19 ರವರೆಗೆ ನಡೆಯುವ ವಾರ್ಷಿಕ ಜಾತ್ರಾ ಮಹೋತ್ಸವದ ಅಂಗವಾಗಿ ಎ.17 ಭಾನುವಾರ ಕ್ಷೇತ್ರದಲ್ಲಿ ವೇದ ಕೃಷಿಕ ಕೆಎಸ್ ನಿತ್ಯಾನಂದ, ತಂತ್ರಿಗಳಾದ ಯಾಜಿ ದಿವಾಕರ ಭಟ್ ನೇತೃತ್ವದಲ್ಲಿ ಪ್ರಾತಃಕಾಲ ವಿಶೇಷ ಪ್ರಾರ್ಥನೆ, ಬೆಳಿಗ್ಗೆ 10: 22ಕ್ಕೆ ಶ್ರೀ ವರಪ್ರದ ಗಣಪತಿ ಪ್ರತಿಷ್ಠೆ ನಡೆಯಿತು.
ವಿವಿಧ 21 ಬಗೆಯ ಭಕ್ಷ್ಯಗಳನ್ನು ಶ್ರೀ ದೇವರಿಗೆ ಸಮರ್ಪಿಸಿ ವಿಶೇಷ ಪೂಜೆ ನಡೆಯಿತು.ಬಳಿಕ ಅಡೂರು ವೆಂಕಪ್ಪಯ್ಯ ಸೇವಾರ್ಥ ಶ್ರೀ ದೇವರಿಗೆ ರಂಗಪೂಜೆ, ಅನ್ನಸಂತರ್ಪಣೆ,ಸಂಜೆ ಬಾಕಿಮಾರು ದೀಪ, ಕೆರೆ ದೀಪೋತ್ಸವ, ವಿಜೃಂಭಣೆಯಿಂದ ನಡೆಯಿತು.
ಈ ಸಂದರ್ಭ ದೇವಸ್ಥಾನದ ಧರ್ಮದರ್ಶಿ ಯಾಜಿ ನಿರಂಜನ ಭಟ್, ಆಡಳಿತ ಮೊಕ್ತೇಸರ ಶಶೀಂದ್ರ ಕುಮಾರ್, ವಿದ್ಯಾಶಂಕರ್, ಪ್ರೇಮಲತಾ ಯೋಗೀಶ್, ಹಾಗೂ ಭಕ್ತಾದಿಗಳು ಉಪಸ್ಥಿತರಿದ್ದರು.
ಎ.18 ಸೋಮವಾರ 10: 30ಕ್ಕೆ ಶ್ರೀದೇವರ ರಥಾರೋಹಣ, ಮಹಾ ಅನ್ನಸಂತರ್ಪಣೆ, ರಾತ್ರಿ ಮಹಾ ರಥೋತ್ಸವ, ಶಯನೋತ್ಸವ ನಡೆಯಲಿದೆ.ಎ.19 ಮಂಗಳವಾರ ಬೆಳಿಗ್ಗೆ ಕವಾಟೋದ್ಘಾಟನೆ, ಚೂರ್ಣೋತ್ಸವ, ತುಲಾಭಾರ ಸೇವೆ, ಸಂಜೆ ಅವಭೃತೋತ್ಸವ, ಅಣ್ಣಪ್ಪ ಸ್ವಾಮಿಗೆ ನರ್ತನ ಸೇವೆ ನಡೆಯಲಿದೆ.
Kshetra Samachara
17/04/2022 01:05 pm
ಸಂಬಂಧಿತ ಸುದ್ದಿ
LOADING...
