ಮುಖದ ಆರೈಕೆಯು ಅತ್ಯಗತ್ಯ. ಅದಕ್ಕಾಗಿ ಅಧಿಕ ವೆಚ್ಛ ಮಾಡಬೇಕೆಂದಿಲ್ಲ. ಕೆಲವು ಪರಿಣಾಮಾತ್ಮಕ ಫೇಶಿಯಲ್ ಅನ್ನು ಮನೆಯಲ್ಲಿಯೇ ಸುಲಭವಾಗಿ ಮಾಡಿಕೊಳ್ಳಬಹುದು.

ಅವುಗಳಿಂದ ಅನೇಕ ಸಮಸ್ಯೆಗಳು ನಿವಾರಣೆಯಾಗಿ ಮುಖದಲ್ಲಿ ಕಾಂತಿ ಹಾಗೂ ಹೊಳಪು ಹೆಚ್ಚುವುದು.

ಕೆಲವು ಎಚ್ಚರಿಕೆ ಅಗತ್ಯ

ಯಾವುದೇ ಫೇಶಿಯಲ್ ಅಥವಾ ಚರ್ಮದ ಫೇಸ್ಮಾಸ್ಕ್ ಹಚ್ಚಿಕೊಳ್ಳುವ ಮೊದಲು ಅದು ನಮ್ಮ ಚರ್ಮಕ್ಕೆ ಹಿತವನ್ನು ಉಂಟುಮಾಡುವುದೇ ಅಥವಾ ಅಲರ್ಜಿಯ ಸಮಸ್ಯೆ ಇದೆಯೇ ಎನ್ನುವುದನ್ನು ಮೊದಲು ಪರೀಕ್ಷಿಸಿಕೊಳ್ಳಬೇಕು.

ಯಾವುದೇ ಫೇಶಿಯಲ್, ಕ್ರೀಮ್ ಅಥವಾ ತೈಲಗಳನ್ನು ಮುಖದ ಮೇಲೆ ನೇರವಾಗಿ ಅನ್ವಯಿಸುವ ಮೊದಲು ಕೈ ಗಳ ಮೇಲೆ ಅಥವಾ ಕಾಲುಗಳ ಮೇಲೆ ಸ್ವಲ್ಪ ಅನ್ವಯಿಸಿಕೊಂಡು ಪರೀಕ್ಷಿಸಿಕೊಳ್ಳಬೇಕು.

ಅದರಿಂದ ಯಾವುದೇ ಬಗೆಯ ತುರಿಕೆ, ಉರಿಯೂತ ಅಥವಾ ಅಲರ್ಜಿಯಂತಹ ಯಾವುದೇ ಲಕ್ಷಣ ತೋರದಿದ್ದಾಗ ಮಾತ್ರ ಮುಖದ ಮೇಲೆ ಅನ್ವಯಿಸಲು ಮುಂದಾಗಬೇಕು. ನೇರವಾಗಿ ಮುಖದ ಮೇಲೆ ಹಚ್ಚಿದರೆ ಮುಖದ ತ್ವಚೆಯಲ್ಲಿ ಹಾನಿ ಉಂಟಾಗುವ ಸಾಧ್ಯತೆಗಳಿರುತ್ತವೆ.

ಮುಖದ ಹೊಳಪು

ಮುಖವಾಡ ಅಥವಾ ಲೇಪನವನ್ನು ಬಳಸುವುದು ಮುಖದ ಹೊಳಪನ್ನು ಹೆಚ್ಚಿಸಿಕೊಳ್ಳುವ ಉದ್ದೇಶವನ್ನು ಹೊಂದಿರುತ್ತದೆ. ಹಾಗಾಗಿ ಲೇಪನವನ್ನು ಅನ್ವಯಿಸಿಕೊಳ್ಳುವ ಮೊದಲು ಮುಖದ ಶುದ್ಧೀಕರಣ ಅತ್ಯಗತ್ಯ.

ಮುಖದಲ್ಲಿ ಇರುವ ಜಿಡ್ಡು ಹಾಗೂ ಕೊಳೆಯನ್ನು ಸ್ವಚ್ಛಗೊಳಿಸಿದ ಬಳಿಕ ಫೇಶಿಯಲ್ ಅಥವಾ ಲೇಪನವನ್ನು ಅನ್ವಯಿಸಿಕೊಳ್ಳಬೇಕು. ಆಗ ಚರ್ಮದ ಮೇಲೆ ಅನ್ವಯಿಸಿದ ಲೇಪನದ ಅಂಶಗಳು ಚರ್ಮದ ಆರೈಕೆ ಮಾಡಲು ಸುಲಭವಾಗುವುದು.

ಫೇಶಿಯಲ್ ಅಲ್ಲಿ ಇರುವ ಅಂಶ ಚರ್ಮವನ್ನು ಆಳದಿಂದ ಆರೈಕೆ ಮಾಡುವುದು. ಮುಖವಾಡದಲ್ಲಿ ವಿಟಮಿನ್ ಸಿ ಸಿರಮ್ ಅಥವಾ ಇನ್ಫ್ಲೂಸ್ಡ್ ಶೀಟ್ ಮಾಸ್ಕ್ಗಳನ್ನು ಬಳಸಿ ಮುಖದ ಲೇಪನವನ್ನು ಅನುಸರಿಸಬಹುದು.

ಆದರೆ ಮುಖಕ್ಕೆ ನೈಸರ್ಗಿಕ ಚಿಕಿತ್ಸೆಯನ್ನು ಪಡೆಯಲು ಮನೆಯಲ್ಲಿಯೇ ತಯಾರಿಸಿದ ಲೇಪನವನ್ನು ಬಳಸುವುದು ಉತ್ತಮ.

ಮುಖದ ಸ್ವಚ್ಛತೆ

ಮನೆಯಲ್ಲಿ ಫೇಶಿಯಲ್ ಅಥವಾ ಲೇಪನವನ್ನು ಅನ್ವಯಿಸುವುದಕ್ಕಿಂತ ಮೊದಲು ಚರ್ಮವನ್ನು ಸ್ವಚ್ಛಗೊಳಿಸಕೊಳ್ಳಬೇಕು. ಅದಕ್ಕಾಗಿ ಎಕ್ಸ್ಫೋಲಿಯೇಟಿಂಗ್ ಟೋನರ್ ಅನ್ನು ಬಳಸಬಹುದು.

ಅದು ಚರ್ಮದ ಪಿಹೆಚ್ ಮಟ್ಟವನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ. ಫರ್ಮಿಂಗ್ ಶೀಟ್ ಮಾಸ್ಕ್ ಅಥವಾ ಕ್ರೀಮ್ ಮಾಸ್ಕ್ಗಳನ್ನು ಅನ್ವಯಿಸಿಕೊಂಡರೆ ಕೇವಲ 20 ಮಿಮಿಷಗಳ ಅವಧಿಯನ್ನು ಮಾತ್ರ ಆರಲು ಬಿಡಬೇಕು.

ನಂತರ ಮುಖವನ್ನು ಸ್ವಚ್ಛಗೊಳಿಸಿ, ಮೃದುವಾದ ಬಟ್ಟೆಯಲ್ಲಿ ಒಣಗಿಸಿಕೊಳ್ಳಿ. ಆನಂತರ 20 ನಿಮಿಷಗಳ ಕಾಲ ಎಲ್ಇಡಿ ಕೆಂಪು ದೀಪವನ್ನು ಬಳಸಿ. ಆಗ ಚರ್ಮದ ಸ್ಥಿತಿಸ್ಥಾಪಕತ್ವವು ಹೆಚ್ಚುವುದು.

ಮುಖವನ್ನು ನಿರ್ವಿಷಗೊಳಿಸುವ ವಿಧಾನ

ಮುಖದ ತ್ವಚೆಯಲ್ಲಿ ಇರುವ ವಿಷವನ್ನು ನಿವಾರಿಸಿಕೊಳ್ಳುವುದು ಅತ್ಯಗತ್ಯ. ಹಾಗಾಗಿ ಮೊದಲು ಮಿಸೆಲರ್ ನೀರಿನಲ್ಲಿ ಮುಖವನ್ನು ಶುದ್ಧೀಕರಿಸಿ.

ನಂತರ ಹಾಲನ್ನು ಮುಖದ ಮೇಲೆ ಅನ್ವಯಿಸಿ, ವೃತ್ತಾಕಾರದ ಚಲನೆಯಿಂದ ಮೃದುವಾಗಿ ಮಸಾಜ್ ಮಾಡಬೇಕು. ಆಗ ತ್ವಚೆಯ ಆಳದಲ್ಲಿ ಕುಳಿತಿದ್ದ ವಿಷಕಾರಿ ಅಂಶಗಳನ್ನು ಹೊರತೆಗೆಯಬಹುದು.

ನಂತರ ಹಬೆಯನ್ನು ಮುಖಕ್ಕೆ ಹಿಡಿಯಬೇಕು ಆಗ ಜಿಡ್ಡು ಹಾಗೂ ಕೊಳೆಗಳನ್ನು ತೆಗೆಯಲು ಸುಲಭವಾಗುವುದು. ಈ ಕ್ರಮಗಳ ಬಳಿಕ ನಿಮ್ಮ ಚರ್ಮಕ್ಕೆ ಹೊಂದಿಕೆಯಾಗುವ ನೈಸರ್ಗಿಕ ಲೇಪನವನ್ನು ಬಳಸಬೇಕು. ಆಗ ಚರ್ಮಕ್ಕೆ ಉತ್ತಮ ಆರೈಕೆ ಹಾಗೂ ಹೊಳಪು ದೊರೆಯುವುದು.

ಚರ್ಮದ ಬಿಗಿತ ಹೆಚ್ಚಿಸುವ ವಿಧಾನ

ಮುಖಕ್ಕೆ ಹಬೆಯನ್ನು ಸ್ವಲ್ಪ ಸಮಯ ಒಟ್ಟಿಕೊಳ್ಳುವುದರಿಂದ ಚರ್ಮದಲ್ಲಿ ಇರುವ ಕೊಳೆ ಹಾಗೂ ಜಿಡ್ಡು ನಿವಾರಣೆಯಾಗುವುದು. ಇದರೊಟ್ಟಿಗೆ ಚರ್ಮದಲ್ಲಿ ಇರುವ ರಂಧ್ರಗಳ ವಿಸ್ತಾರವು ಕಡಿಮೆ ಆಗುವುದು.

ರಂಧ್ರದ ವಿಸ್ತಾರ ಕಡಿಮೆ ಆದಂತೆ ಚರ್ಮದಲ್ಲಿ ಬಿಗಿತ ಉಂಟಾಗಿ ವಯಸ್ಸಾದ ಚಿಹ್ನೆಗಳನ್ನು ತಡೆಯುವುದು.

ಹಬೆಯ ಮೂಲಕ ಮುಖವನ್ನು ಸ್ವಚ್ಛಗೊಳಿಸಿದ ಬಳಿಕ ಹೈಲುರಾನಿಕ್ ಆಸಿಡ್ ಸೀರಮ್ ಅನ್ವಯಿಸಬಹುದು. ಆಗ ಚರ್ಮವು ತೇವಾಂಶದಿಂದ ಕೂಡಿರುತ್ತದೆ.

ಸೀರಮ್ ಆರೈಕೆಯ ನಂತರ ಎಲ್ಇಡಿ ಲೈಟ್ ಥೆರಪಿಯನ್ನು ಬಳಸಿದರೆ ಚರ್ಮವು ಮೃದುವಾಗಿ ಹಾಗೂ ವಿಷಗಳಿಂದ ಮುಕ್ತವಾಗಿ ಆಕರ್ಷಣೆಯನ್ನು ಪಡೆದುಕೊಳ್ಳುವುದು. ಮುಖವು ಸಹ ತೇವಾಂಶದಿಂದ ಕೂಡಿರುತ್ತದೆ.