ಮಾಸ್ಕ್ ಹಾಕದ್ದಕ್ಕೆ ದಂಡ- ಒಂದೇ ದಿನದಲ್ಲಿ 28.20 ಲಕ್ಷ ರೂ. ಸಂಗ್ರಹ..!
ಮುಂಬೈ: ಮಹಾರಾಷ್ಟ್ರದಲ್ಲಿ ಕೊರೊನಾ ವೈರಸ್ ಎರಡನೇ ಅಲೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಮಾಸ್ಕ್ ಕಡ್ಡಾಯಗೊಳಿಸಲಾಗಿದೆ. ಆದರೂ ನಿಷ್ಕಾಳಜಿ ತೋರಿ ರಸ್ತೆಗಿಳಿದ ಜನರಿಂದ ಭಾರೀ ದಂಡ ವಸೂಲಿ ಮಾಡಲಾಗಿದೆ.
ಬೃಹನ್ಮುಂಬೈ ಮುನ್ಸಿಪಲ್‌ ಕಾರ್ಪೊರೇಷನ್‌ (ಬಿಎಂಸಿ) ಭಾನುವಾರ ಭರ್ಜರಿ ಕಾರ್ಯಾಚರಣೆ ನಡೆಸಿದೆ. ಮಾಸ್ಕ್ ಧರಿಸದ ಸುಮಾರು 14,100 ಜನರಿಂದ 28.20 ಲಕ್ಷ ರೂ. ದಂಡವನ್ನು ಸಂಗ್ರಹಿಸಲಾಗಿದೆ.
"ಭಾನುವಾರ ತನಕ ಮಾಸ್ಕ್ ಧರಿಸದೆ ತಿರುಗಾಡುತ್ತಿದ್ದ ಒಟ್ಟು 16,02,536 ಜನರಿಗೆ ದಂಡ ವಿಧಿಸಲಾಗಿದೆ. ಅವರಿಂದ ಒಟ್ಟು, 32,41,14,800 ದಂಡವನ್ನು ಸಂಗ್ರಹಿಸಲಾಗಿದೆ" ಎಂದು ಬಿಎಂಸಿ ತಿಳಿಸಿದೆ. ಮಹಾರಾಷ್ಟ್ರದಲ್ಲಿ ಸೋಮವಾರದಿಂದ ರಾಜಕೀಯ, ಧಾರ್ಮಿಕ ಮತ್ತು ಸಾಮಾಜಿಕ ಕೂಟಗಳನ್ನು ನಿಷೇಧಿಸಲಾಗಿದೆ ಎಂದು ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಭಾನುವಾರ ಪ್ರಕಟಿಸಿದ್ದಾರೆ.
PublicNext
23/02/2021 08:35 am
ಸಂಬಂಧಿತ ಸುದ್ದಿ
LOADING...
