ಮಹಿಳೆಯ ಹೈಡ್ರಾಮಕ್ಕೆ ಪೊಲೀಸರು ತಬ್ಬಿಬ್ಬು; ವಾಕಿ-ಟಾಕಿ ಕಸಿದು, ಪೇದೆಯನ್ನೇ ನೂಕಿ ರಂಪಾಟ
ಹೈದರಾಬಾದ್: ಸಂಚಾರ ನಿಯಮ ಉಲ್ಲಂಘನೆ ಹಿನ್ನೆಲೆಯಲ್ಲಿ ಕಾರನ್ನು ಲಾಕ್ ಮಾಡಿದ್ದಕ್ಕೆ, ಆಕ್ರೋಶಗೊಂಡ ಮಹಿಳೆಯೊಬ್ಬರು ಟ್ರಾಫಿಕ್ ಪೊಲೀಸರ ವಿರುದ್ಧ ಕಿರುಚಾಡಿ, ಸ್ಥಳದಲ್ಲೇ ಹೈಡ್ರಾಮ ಮಾಡಿರುವ ಘಟನೆ ಬುಧವಾರ ಹೈದರಾಬಾದ್ನಲ್ಲಿ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕೋಠಿ ಪ್ರದೇಶದ ಸುಲ್ತಾನ್ ಬಜಾರ್ನ ಜನನಿಬಿಡ ಪ್ರದೇಶದಲ್ಲಿರುವ ನೋ ಪಾರ್ಕಿಂಗ್ ವಲಯದಲ್ಲಿ ಪಾರ್ಕ್ ಮಾಡಿದ್ದ ಕಾರನ್ನು ಹೈದರಾಬಾದ್ ಟ್ರಾಫಿಕ್ ಪೊಲೀಸರು ಸೀಜ್ ಮಾಡಿದರು. ಟ್ರಾಫಿಕ್ ತೆರವುಗೊಳಿಸುವ ಕಾರ್ಯಾಚರಣೆಯ ಭಾಗವಾಗಿ ನೋ ಪಾರ್ಕಿಂಗ್ ಜಾಗದಲ್ಲಿ ನಿಲ್ಲಿಸಿದ್ದ ವಾಹನಗಳನ್ನು ಪೊಲೀಸ್ ಸಿಬ್ಬಂದಿ ಟೋಯಿಂಗ್ ಮಾಡುತ್ತಿದ್ದರು.
ಈ ವೇಳೆ ಕಾರೊಂದರ ಚಕ್ರಗಳನ್ನು ಟೋಯಿಂಗ್ ಮಾಡಲು ಮುಂದಾದಾಗ ಕಾರನ್ನೇಕೆ ಸೀಜ್ ಮಾಡುತ್ತೀರಾ? ಎಂದು ಕರ್ತವ್ಯ ನಿರತ ಪೊಲೀಸ್ ಸಿಬ್ಬಂದಿಯ ಮೇಲೆಯೇ ಮಹಿಳೆ ಕೂಗಾಡಿದಳು. ಅಲ್ಲದೆ, ಮಿತಿ ಮೀರಿ ವರ್ತಿಸಿದ ಮಹಿಳೆ ಒಂದು ಹಂತದಲ್ಲಿ ಪೊಲೀಸ್ ಸಿಬ್ಬಂದಿಯೊಬ್ಬರ ವಾಕಿ-ಟಾಕಿಯನ್ನು ಕಸಿದುಕೊಂಡು, ಅವರನ್ನು ನೂಕಿದರು. ಅವಾಚ್ಯ ಪದಗಳಿಂದ ನಿಂದಿಸುತ್ತಾ ಸ್ಥಳದಲ್ಲೇ ಭಾರೀ ಹೈಡ್ರಾಮವನ್ನು ಸೃಷ್ಟಿಸಿದರು.
ಮಹಿಳೆಯ ಕೂಗಾಟವನ್ನು ನೋಡಿ ಪೊಲೀಸರು ತಬ್ಬಿಬ್ಬಾದರು. ಆದರೆ, ಮಹಿಳೆಯ ಕಿರುಚಾಟಕ್ಕೆ ಕ್ಯಾರೆ ಎನ್ನದ ಪೊಲೀಸರು ಕಾರನ್ನು ನೋ ಪಾರ್ಕಿಂಗ್ನಲ್ಲಿ ಪಾರ್ಕ್ ಮಾಡಿದ್ದಕ್ಕೆ ದಂಡ ವಿಧಿಸಿದರು ಮತ್ತು ಕರ್ತವ್ಯನಿರತ ಪೊಲೀಸರ ಜೊತೆ ಅನುಚಿತವಾಗಿ ವರ್ತಿಸಿದ್ದಕ್ಕೆ ಪ್ರಕರಣವನ್ನು ದಾಖಲಿಸಿದ್ದಾರೆ.
PublicNext
23/09/2022 03:15 pm
ಸಂಬಂಧಿತ ಸುದ್ದಿ
LOADING...
