ಕೊರಿಯನ್ ಕಾರು ತಯಾರಕ ಕಂಪನಿ ಕಿಯಾ ಜನಪ್ರಿಯ ಕಂಪನಿಗಳಲ್ಲಿ ಒಂದು. ಇದೀಗ ಕಿಯಾ ಇಂಡಿಯಾ ತನ್ನ ಹೊಚ್ಚ ಹೊಸ ಎಲೆಕ್ಟ್ರಿಕ್ ಕಾರ್ EV6 ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. EV6 ಕಿಯಾದ ಎಲೆಕ್ಟ್ರಿಕ್-ಗ್ಲೋಬಲ್ ಮಾಡ್ಯುಲರ್ ಪ್ಲಾಟ್‌ಫಾರ್ಮ್ (e-GMP) ಅನ್ನು ಆಧರಿಸಿದ ಮೊದಲ ಆಲ್-ಎಲೆಕ್ಟ್ರಿಕ್ ಕಾರ್ ಎಂಬುದು ವಿಶೇಷ. ಆರಂಭಿಕ ಎಕ್ಸ್ ಶೋ ರೂಂ ಬೆಲೆ 59.95 ಲಕ್ಷ ರೂ ಆಗಿದ್ದದು, ಈ ಬೆಲೆಯು ಉನ್ನತ ಮಾದರಿಗೆ 64.95 ಲಕ್ಷ ರೂ ನಿಗದಿ ಪಡಿಸಿದೆ.

ಕಿಯಾ ಕಂಪನಿಯು ತನ್ನ ಹೊಸ ಕಾರಿನ ಬಿಡುಗಡೆಗೆ ಮುಂಚಿತವಾಗಿ ಭಾರತಕ್ಕೆ ನಿಗದಿಪಡಿಸಿದ ಎಲ್ಲಾ 100 Kia EV6 ಗಳನ್ನು ಈಗಾಗಲೇ ಮಾರಾಟ ಮಾಡಿದೆ. ಕಂಪನಿಯು ದೇಶದಾದ್ಯಂತ 12 ಪ್ರಮುಖ ನಗರಗಳ 15 ಡೀಲರ್​ಶಿಪ್​ಗಳಲ್ಲಿ 3 ಲಕ್ಷ ರೂಪಾಯಿಗಳ ಟೋಕನ್ ಮೊತ್ತದೊಂದಿಗೆ ಬುಕಿಂಗ್ ಅನ್ನು ಪ್ರಾರಂಭಿಸಿತ್ತು. ಇದನ್ನು ಮೊದಲು ಬಂದವರಿಗೆ ಮೊದಲು ಸೇವೆಯ ಆಧಾರದ ಮೇಲೆ ಪ್ರಾರಂಭಿಸಲಾಗಿದೆ.

ಭಾರತೀಯ ಮಾರುಕಟ್ಟೆಗೆ ಅನುಗುಣವಾಗಿ ವಿನ್ಯಾಸಗೊಳಿಸಲಾಗುತ್ತಿರುವ ಹೊಸ ಎಲೆಕ್ಟ್ರಿಕ್ ಕಾರನ್ನು 2025ರ ವೇಳೆಗೆ ಬಿಡುಗಡೆ ಮಾಡಲಾಗುವುದು ಎಂದು ಕಂಪನಿಯು ಘೋಷಿಸಿದೆ. ಇದಲ್ಲದೇ ಕಿಯಾ ದೇಶದಲ್ಲಿ ಇನ್ನೂ ಹಲವು ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆ ಮಾಡಲಿದೆ.

ಅಂದಹಾಗೆಯೇ ಈ ಎಲೆಕ್ಟ್ರಿಕ್ ಕಾರಿಗೆ ಕಿಯಾ ಇಂಡಿಯಾ 355 ಬುಕಿಂಗ್‌ಗಳನ್ನು ಪಡೆದಿದೆ. ಹಾಗಾಗಿ ಈ ನೂತನ ಕಾರಿಗೆ ಭರ್ಜರಿ ಬೇಡಿಕೆ ಪ್ರಾರಂಭವಾಗಿದೆ ಎಂದಬುದು ತಿಳಿದುಬಂದಿದೆ.

Kia EV6 3 ವರ್ಷಗಳ ವಾರಂಟಿಯೊಂದಿಗೆ ಬರುತ್ತದೆ. ಆದರೆ ಎಲೆಕ್ಟ್ರಿಕ್ ಕಾರಿನ ಬ್ಯಾಟರಿ ಪ್ಯಾಕ್ 8 ವರ್ಷಗಳ ಅಥವಾ 1.6 ಲಕ್ಷ ಕಿಮೀ ವಾರಂಟಿಯೊಂದಿಗೆ ಬರುತ್ತದೆ. ಇದಲ್ಲದೆ, ಕಂಪನಿಯು EV6 ನಲ್ಲಿ 3 ವರ್ಷಗಳ 24 ಬೈ 7 ರಸ್ತೆಬದಿಯ ಸಹಾಯವನ್ನು ಸಹ ನೀಡಿದೆ.

EV 77.4 kW-r ಬ್ಯಾಟರಿ ಪ್ಯಾಕ್​ನಿಂದ ಚಾಲಿತವಾಗಿದ್ದು ಅದು ಎಲ್ಲಾ ನಾಲ್ಕು ಚಕ್ರಗಳಿಗೆ ಶಕ್ತಿ ನೀಡುತ್ತದೆ ಮತ್ತು 321 bhp ಮತ್ತು 605 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಆದರೆ ಕಡಿಮೆ ಶಕ್ತಿಶಾಲಿ 58 kW-r ಬ್ಯಾಟರಿ ಪ್ಯಾಕ್ ಸಹ Kia EV6 ಅನ್ನು ಪಡೆಯುತ್ತದೆ.

ಕಿಯಾ ಈ ಇಲೆಕ್ಟ್ರಿಕ್ ಕಾರು 170 Bhp ಶಕ್ತಿಯನ್ನು ಉತ್ಪಾದಿಸುತ್ತದೆ. ಮತ್ತು 350 Nm ಗರಿಷ್ಠ ಟಾರ್ಕ್. ಅತ್ಯಂತ ಆಸಕ್ತಿದಾಯಕ ವಿಷಯವೆಂದರೆ ವೇಗದ ಚಾರ್ಜರ್ ಸಹಾಯದಿಂದ, ಕಾರ್ ಬ್ಯಾಟರಿಯು ಕೇವಲ 18 ನಿಮಿಷಗಳಲ್ಲಿ 10-80 ಪ್ರತಿಶತದವರೆಗೆ ಚಾರ್ಜ್ ಆಗುತ್ತದೆ. ಹೆಚ್ಚು ಶಕ್ತಿಶಾಲಿ ಬ್ಯಾಟರಿಯು 528 ಕಿಮೀ ವ್ಯಾಪ್ತಿಯನ್ನು ಹೊಂದಿದೆ ಮತ್ತು ಕಡಿಮೆ ಶಕ್ತಿಯುತ ಬ್ಯಾಟರಿಯು ಒಂದೇ ಚಾರ್ಜ್‌ನಲ್ಲಿ 400 ಕಿ.ಮೀ ವರೆಗೆ ಮೈಲೇಜ್ ನೀಡುತ್ತದೆ.

Kia EV6 ಎಲ್ಇಡಿ DRL ಸ್ಟ್ರಿಪ್ಸ್, ಎಲ್ಇಡಿ ಹೆಡ್​ಲ್ಯಾಂಪ್​ಗಳು, ಸಿಂಗಲ್ ಸ್ಲ್ಯಾಟ್ ಗ್ಲಾಸ್ ಬ್ಲ್ಯಾಕ್ ಗ್ರಿಲ್, ಗ್ಲಾಸ್ ಬ್ಲ್ಯಾಕ್ ಫಿನಿಶ್ ಹೊಂದಿರುವ ವಿಶಾಲವಾದ ಏರ್ಡ್ಯಾಮ್, ಡ್ಯುಯಲ್-ಟೋನ್ ಅಲಾಯ್ ಚಕ್ರಗಳು, ಬ್ಲ್ಯಾಕ್ಡ್-ಔಟ್ ಪಿಲ್ಲರ್​ಗಳು ಮತ್ತು ORVM ಗಳು, ಟೈಡ್​ಲೈಡ್​ಗಳು ಮತ್ತು ಡ್ಯುಯಲ್ ಟೋನ್ ಬಂಪರ್‌ಗಳನ್ನು ಪಡೆಯುತ್ತದೆ.