ಬೈಲಹೊಂಗಲ: ಶ್ರೀರಾಮ ಮಂದಿರ ನಿರ್ಮಾಣ ವರ್ಷಾಚರಣೆ, ದೀಪೋತ್ಸವ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಬೈಲಹೊಂಗಲ: ಶ್ರೀರಾಮ ಮಂದಿರ ನಿರ್ಮಾಣ ವರ್ಷಾಚರಣೆ, ದೀಪೋತ್ಸವ

ಬೈಲಹೊಂಗಲ: ಯುವಕರು ಶ್ರೀರಾಮನ ತತ್ವಾದರ್ಶಗಳನ್ನು ಅನುಸರಿಸಿಕೊಂಡು ಮುನ್ನಡೆಯಬೇಕು ಎಂದು ತಾಲೂಕು ಪಂಚಮಸಾಲಿ ಸಂಘಟನಾ ಮುಖಂಡ ಸಂತೋಷ ಕಾರಿ ಹೇಳಿದರು.

ಅಯೋಧ್ಯೆಯಲ್ಲಿ ಶ್ರೀರಾಮ ಮಂದಿರ ನಿರ್ಮಾಣಗೊಂಡು ಒಂದು ವರ್ಷ ಪೂರೈಸಿದ್ದರ ಹಿನ್ನೆಲೆಯಲ್ಲಿ ಸಮೀಪದ ಮುರಗೋಡ ಶ್ರೀ ಹನುಮಾನ ದೇವಸ್ಥಾನದಲ್ಲಿ ಬಿಜೆಪಿ ಕಾರ್ಯಕರ್ತರು ಹಾಗೂ ಪಂಚಮಸಾಲಿ ಸಮೂದಾಯದ ಯುವಕರ ವತಿಯಿಂದ ವಿಶೇಷ ಪೂಜೆ, ದೀಪೋತ್ಸವ ಕಾರ್ಯಕ್ರಮದ ನೇತೃತ್ವ ವಹಿಸಿ ಸಿಹಿ ಹಂಚಿ ಅವರು ಮಾತನಾಡಿದರು.

ಪ್ರಧಾನಿ ನರೇಂದ್ರ ಮೋದಿ ಅವರ ಪ್ರಯತ್ನದ ಫಲವಾಗಿ ಅಯೋಧ್ಯೆಯಲ್ಲಿ ಶ್ರೀರಾಮ ಮಂದಿರ ನಿರ್ಮಾಣಗೊಂಡು ಒಂದು ವರ್ಷ ಪೂರೈಸಿದ್ದು, ನಮ್ಮೆಲ್ಲಗೆ ಹೆಮ್ಮೆಯ ಸಂಗತಿಯಾಗಿದೆ. ಭಾರತೀಯ ಸಂಸ್ಕøತಿ, ಪರಂಪರೆ ಅನುಷರಿಸಿಕೊಂಡು ಬೇಧ ಬಾವ ಮರೆತು ಸೌಹಾರ್ದತೆಯೊಂದಿಗೆ ಒಗ್ಗಟ್ಟಿನಿಂದ ಭವ್ಯ ಭಾರತ ನಿರ್ಮಿಸಬೇಕಿದೆ ಎಂದರು.

ಮುಖಂಡ ಶಿವಾನಂದ ದಳವಾಯಿ, ಫಕೀರಗೌಡ ಮುದಿಗೌಡರ, ಮಹಾಂತೇಶ ಬಡಿಗೇರ, ಸುಭಾಷ ಶೀಲವಂತರ, ರಾಜು ಮರಮಣ್ಣವರ, ರುದ್ರಗೌಡ ಪಾಟೀಲ, ಕಾರ್ತಿಕ ಪಾಟೀಲ, ಶ್ರೀಶೈಲ ಸಿದ್ದನಗೌಡರ, ಸಂತೋಷ ತಟ್ಟಿಮನಿ ಇದ್ದರು.

Edited By :