ಯಲ್ಲಾಪುರ : ಕಣ್ಣಿಗೆ ಖಾರಾಪುಡಿ ಎರಚಿ ಹಣ,ಸ್ಕೂಟಿ ದರೋಡೆ ಮಾಡಿದ ಐವರ ಬಂಧನ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಯಲ್ಲಾಪುರ : ಕಣ್ಣಿಗೆ ಖಾರಾಪುಡಿ ಎರಚಿ ಹಣ,ಸ್ಕೂಟಿ ದರೋಡೆ ಮಾಡಿದ ಐವರ ಬಂಧನ

ಯಲ್ಲಾಪುರ : ಪಟ್ಟಣದ ಸಮೀಪದ ಹಲಸ್ಕಂಡ ಕ್ರಾಸ್ ಸಮೀಪ ರಸ್ತೆ ಪಕ್ಕದಲ್ಲಿ ಸ್ಕೂಟಿ ನಿಲ್ಲಿಸಿ ಮೂತ್ರ ವಿಸರ್ಜನೆ ಮಾಡುತ್ತಿರುವಾಗ ಕಣ್ಣಿಗೆ ಖಾರಾಪುಡಿ ಎರಚಿ ವ್ಯಕ್ತಿಯ ಕಿಸೆಯಲ್ಲಿದ್ದ ಹಣ ಮತ್ತು ವ್ಯಕ್ತಿಯ ಸ್ಕೂಟಿಯನ್ನು ದರೋಡೆ ಮಾಡಿದ್ದ ಆರೋಪಿಗಳನ್ನು ಯಲ್ಲಾಪುರ ಪೊಲೀಸರು ಬಂಧಿಸಿದ್ದಾರೆ.

ಶಿರಸಿ ತಾಲೂಕಿನ ಬನವಾಸಿ ರಸ್ತೆಯ ಕುರ್ಸೆ ಕಾಂಪೌಂಡ್ ನಿವಾಸಿ ಅಕ್ತರ ತಂದೆ ಸಲೀಮ ಗಂಗೋಳ್ಳಿ ಎಂಬುವವರು ಯಲ್ಲಾಪುರದಿಂದ ಶಿರಸಿಗೆ ಸ್ಕೂಟಿಯಲ್ಲಿ ಹೋಗುತ್ತಿದ್ದವರು, ಹೋಗುತ್ತಿರುವಾಗ, ಮೂತ್ರ ವಿಸರ್ಜನೆಗೆಂದು ಯಲ್ಲಾಪುರ ಪಟ್ಟಣದ ಸಮೀಪದ ಹಲಸ್ಕಂಡ ಕ್ರಾಸ್ ಸಮೀಪ ರಸ್ತೆ ಪಕ್ಕದಲ್ಲಿ ಸ್ಕೂಟಿಯನ್ನು ನಿಲ್ಲಿಸಿ ಮೂತ್ರ ವಿಸರ್ಜನೆ ಮಾಡುತ್ತಿದ್ದರು. ಅದೇ ಸಮಯಕ್ಕೆ ಎರಡು ಬೈಕುಗಳ ಮೇಲೆ ಐದು ಜನ ಯುವಕರು ಬಂದು ಈ ರಸ್ತೆ ಯಾವ ಕಡೆ ಹೋಗುತ್ತದೆ ಎಂದು ಕನ್ನಡದಲ್ಲಿ ಕೇಳಿದರು. ಆಗ ಒಬ್ಬ ಯುವಕ ಅಖ್ತರ್ ಅವರ ಮುಖಕ್ಕೆ ಖಾರದ ಪುಡಿಯನ್ನು ಎರಚಿದನು. ಕಣ್ಣು ಉರಿಯಾಗಿ ಬೊಬ್ಬೆಹೊಡೆಯುತ್ತಿರುವಾಗ ಯುವಕರು ಅಖ್ತರ್ ಅವರ ಪ್ಯಾಂಟ್ ಕಿಸೆಯಲ್ಲಿದ್ದ 50 ಸಾವಿರ ರೂ ಹಾಗೂ ಅವರ ಹಿರೋ ಪ್ಲೆಸರ್ ಸ್ಕೂಟಿಯನ್ನು ದರೋಡೆ ಮಾಡಿಕೊಂಡು ಹೋಗಿದ್ದರು.

ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸಿ, ಖಚಿತ ಮಾಹಿತಿಯ ಮೇರೆಗೆ ಈ ಪ್ರಕರಣದ ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ.

Edited By :