ದಶಕದ ಬಳಿಕ ರಿಂಗ್ ರೋಡ್ ಅಭಿವೃದ್ಧಿಗೆ ಅಸ್ತು ಎಂದ ಸಿಎಂ
ಕುಂದಾಪುರ : ದಶಕದ ಹಿಂದೆ ನಿರ್ಮಾಣಗೊಂಡ ರಿಂಗ್ ರೋಡ್ ಪ್ರವಾಸೋದ್ಯಮ ಮತ್ತು ಸಂಪರ್ಕ ಉದ್ದೇಶದಿಂದ ಕೂಡಿದ್ದರೂ ಹದಗೆಟ್ಟ ರಸ್ತೆಯಿಂದ ಹತ್ತಾರು ಸಮಸ್ಯೆಗಳು ಎದುರಾಗಿದ್ದವು.
ಸದ್ಯ ಈ ಕುಂದಾಪುರ ರಿಂಗ್ ರೋಡ್ ಅಭಿವೃದ್ಧಿಗೆ ಹಸಿರು ನಿಶಾನೆ ಸಿಕ್ಕಿದೆ. ಮುಖ್ಯಮಂತ್ರಿ ವಿಶೇಷ ನಿಧಿಯಿಂದ ರಿಂಗ್ ರೋಡ್ ಅಭಿವೃದ್ಧಿಗೆ ಮಂಜೂರಾತಿ ದೊರಕಿದೆ.
ಕುಂದಾಪುರ ಪೇಟೆ ಸುತ್ತುವರಿದಿರುವ ರಿಂಗ್ ರೋಡ್ ದಶಕದ ಹಿಂದೆ 1 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣಗೊಂಡಿತ್ತು.
ಚರ್ಚ್ ರಸ್ತೆ, ಮದ್ದುಗುಡ್ಡೆ, ಖಾರ್ವಿಕೇರಿ, ಸಂಗಮ್ ಜಂಕ್ಷನ್ ವಠಾರದ ಸಹಸ್ರಾರು ನಿವಾಸಿಗಳಿಗೆ ಸಂಪರ್ಕ ಹಾದಿ ಇದಾಗಿದ್ದು, ಕೋಡಿ-ಕುಂದಾಪುರ ನಿಕಟಗೊಳಿಸಿದೆ.
ಪ್ರತಿದಿನ ಪ್ರವಾಸಿಗರು ಇತ್ತ ಪಯಣ ಬೆಳೆಸುತ್ತಿದ್ದರೂ, ರಸ್ತೆ ದುರವಸ್ಥೆಯಿಂದ ಕಂಗೆಡುವಂತಾಗಿತ್ತು.
ನದಿಯ ಹೊಡೆತಕ್ಕೆ ಅಲ್ಲಲ್ಲಿರಿಂಗ್ರೋಡ್ ಕುಸಿದಿರುವುದರಿಂದ ನದಿಪಾತ್ರದ ನಿವಾಸಿಗಳು ಆತಂಕದ ಜೀವನ ನಡೆಸುವಂತಾಗಿತ್ತು.
ಮಳೆಗಾಲದಲ್ಲಿವಿಪರೀತ ಯಾತನೆ ಸೃಷ್ಟಿಸುತ್ತಿದ್ದ ರಿಂಗ್ ರೋಡ್ ನ ಅಭಿವೃದ್ಧಿಗೆ ನಾಗರಿಕರು ಆಗ್ರಹಿಸುತ್ತಲೇ ಬಂದಿದ್ದರು.
ಸ್ಥಳೀಯ ಶಾಸಕರ ವಿಶೇಷ ಪ್ರಯತ್ನದ ಫಲವಾಗಿ 19 ಕೋಟಿ ರೂ. ವೆಚ್ಚದಲ್ಲಿಇದೀಗ ಮುಖ್ಯಮಂತ್ರಿ ವಿಶೇಷ ನಿಧಿಯಿಂದ ಮಂಜೂರಾತಿ ದೊರಕಿದೆ.
ಅನುದಾನ ಬಿಡುಗಡೆಗೊಂಡ ಕೂಡಲೇ ಅಭಿವೃದ್ಧಿ ಕಾರ್ಯಕ್ಕೆ ಚಾಲನೆ ನೀಡಲಾಗುತ್ತದೆ.
Kshetra Samachara
05/10/2020 11:59 am
ಸಂಬಂಧಿತ ಸುದ್ದಿ
LOADING...
