T20 WC | SA vs WI: ಲೂಯಿಸ್ ಅರ್ಧಶತಕ, ಗೇಲ್, ಹೆಟ್ಮೆಯರ್, ಪೂರನ್ ಫ್ಲಾಪ್; ಹರಿಣರಿಗೆ 144 ರನ್‌ಗಳ ಗುರಿ
ದುಬೈ: ಎವಿನ್ ಲೂಯಿಸ್ ಅರ್ಧಶತಕ ಹಾಗೂ ಕೀರನ್ ಪೊಲಾರ್ಡ್ ಉತ್ತಮ ಬ್ಯಾಟಿಂಗ್ ಸಹಾಯದಿಂದ ವೆಸ್ಟ್ ಇಂಡೀಸ್ ತಂಡವು ದಕ್ಷಿಣ ಆಫ್ರಿಕಾಗೆ 144 ರನ್‌ಗಳ ಗುರಿ ನೀಡಿದೆ.
ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಟಿ20 ವಿಶ್ವಕಪ್ ಟೂರ್ನಿಯ 18ನೇ ಪಂದ್ಯದಲ್ಲಿ ಟಾಸ್ ಗೆದ್ದ ದಕ್ಷಿಣ ಆಫ್ರಿಕಾ ತಂಡದ ನಾಯಕ ಟೆಂಬಾ ಬವುಮಾ ಬೌಲಿಂಗ್ ಆಯ್ದುಕೊಂಡರು. ಅದರಂತೆ ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ತಂಡವು 8 ವಿಕೆಟ್ ನಷ್ಟಕ್ಕೆ 143 ರನ್ ಗಳಿಸಿದೆ.
ವೆಸ್ಟ್ ಇಂಡೀಸ್ ಪರ ಎವಿನ್ ಲೂಯಿಸ್ 56 ರನ್ (35 ಎಸೆತ, 3 ಬೌಂಡರಿ, 6 ಸಿಕ್ಸ್) ಹಾಗೂ ಕೀರನ್ ಪೊಲಾರ್ಡ್ 26 ರನ್ ( 20 ಎಸೆತ, 2 ಬೌಂಡರಿ, 1 ಸಿಕ್ಸರ್) ಗಳಿಸಿದರು. ಇನ್ನು ಲೆಂಡ್ಲ್ ಸಿಮನ್ಸ್ ತಂಡಕ್ಕೆ ದುಬಾರಿಯಾದರು. ಅವರು 35 ಎಸೆತಗಳಲ್ಲಿ ಕೇವಲ 16 ರನ್ ಗಳಿಸಲು ಶಕ್ತರಾದರು. ಇನ್ನುಳಿದ ಪ್ರಮುಖ ಬ್ಯಾಟರ್‌ಗಳಾದ ಕ್ರಿಸ್ ಗೇಲ್ (12 ರನ್), ಶಿಮ್ರಾನ್ ಹೆಟ್ಮೆಯರ್ (1 ರನ್), ನಿಕೋಲಸ್ ಪೂರನ್ (12 ರನ್), ಆಂಡ್ರೆ ರಸೆಲ್ (5 ರನ್) ಬ್ಯಾಟಿಂಗ್ ವೈಫಲ್ಯ ಎದುರಿಸಿದರು.
ಇನ್ನು ದಕ್ಷಿಣ ಆಫ್ರಿಕಾ ವಿರುದ್ಧ ಡ್ವೈನ್ ಪ್ರಿಟೋರಿಯಸ್ 3 ವಿಕೆಟ್ ಕಿತ್ತರೆ, ಕೇಶವ್ ಮಹಾರಾಜ್ 2 ವಿಕೆಟ್, ಕಗಿಸೊ ರಬಾಡ ಹಾಗೂ ಅನ್ರಿಚ್ ನಾರ್ಕಿಯಾ ತಲಾ ಒಂದು ವಿಕೆಟ್ ಉರುಳಿಸಿದರು.
PublicNext
26/10/2021 05:20 pm
ಸಂಬಂಧಿತ ಸುದ್ದಿ
LOADING...
