ಕೆರೆಕಾಡು: ಭಕ್ತಿಭಾವದ ಕೋಟೆ ಬಬ್ಬುಸ್ವಾಮಿ ಹಾಗೂ ತನ್ನಿಮಾನಿಗ ದೈವಗಳ ನೇಮೋತ್ಸವ
ಮುಲ್ಕಿ: ಮುಲ್ಕಿ ಸಮೀಪದ ಕೆರೆಕಾಡು ಶ್ರೀ ಕೋಟೆ ಬಬ್ಬು ದೈವಸ್ಥಾನ ಹಾಗೂ ಶ್ರೀ ಚಾಮುಂಡೇಶ್ವರೀ ರಾಹುಗುಳಿಗ ಪರಿವಾರ ದೈವಗಳ ದೈವಸ್ಥಾನದಲ್ಲಿ ಕೋಟೆ ಬಬ್ಬುಸ್ವಾಮಿ ಹಾಗೂ ತನ್ನಿಮಾನಿಗ ದೈವಗಳ ನೇಮೋತ್ಸವ ಭಕ್ತಿಭಾವದಿಂದ ನಡೆಯಿತು.
ಶನಿವಾರ ಬೆಳಿಗ್ಗೆ ನೇಮೋತ್ಸವ ಚಪ್ಪರದ ಗಜ ಕಂಬ ಮುಹೂರ್ತ, ಸಂಜೆ ಚಪ್ಪರ ಏರುವ ಕಾರ್ಯಕ್ರಮ ನಡೆಯಿತು.
ರಾತ್ರಿ 8ಗಂಟೆಗೆ ದೈವಸ್ಥಾನದಿಂದ ನೇಮೋತ್ಸವದ ಚಪ್ಪರಕ್ಕೆ ಭಂಡಾರ ಆಗಮನದ ಬಳಿಕ ರಾಜನ್ ದೈವ ಶ್ರೀ ಕೋಟೆ ಬಬ್ಬುಸ್ವಾಮಿಯ ಹಾಗೂ ಶಕ್ತಿರೂಪಿಣಿ ಶ್ರೀ ತನ್ನಿಮಾನಿಗ ದೈವಗಳ ನೇಮೋತ್ಸವ ವಿಜ್ರಂಭಣೆಯಿಂದ ನಡೆಯಿತು.
ಎ.18 ಭಾನುವಾರ ಬೆಳಿಗ್ಗೆ ಸರ್ವಶಕ್ತಿ ಶ್ರೀ ಚಾಮುಂಡೇಶ್ವರೀ ತಾಯಿ ಹಾಗೂ ಶ್ರೀ ರಾಹು ಗುಳಿಗ ದೈವಗಳ ನೇಮೋತ್ಸವ, ಸಾಯಂಕಾಲ ಶ್ರೀ ಧೂಮಾವತಿ ಮತ್ತು ಬಂಟ ದೈವಗಳ ನೇಮೋತ್ಸವ ಧಾರ್ಮಿಕ ವಿಧಿವಿಧಾನಗಳೊಂದಿಗೆ ನಡೆಯಿತು.
ಈ ದೈವಸ್ಥಾನದ ಗುರಿಕಾರರು, ಮಹಿಳಾ ಸದಸ್ಯರು, ಯುವ ಬಳಗ ಕೆರೆಕಾಡು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.
Kshetra Samachara
10/04/2022 01:14 pm
ಸಂಬಂಧಿತ ಸುದ್ದಿ
LOADING...
