ಈ ಆಲೂದಮ್ ವೀಕೆಂಡ್‌ಗಳಲ್ಲಿ ಸ್ಪೆಷಲ್‌ ಬ್ರೇಕ್‌ಫಾಸ್ಟ್ ಸವಿಯಬೇಕೆಂದು ಅನಿಸಿದ ದಿನ ಪೂರಿಗೆ ಕಾಂಬಿನೇಷನ್ ಆಗಿ ಮಾಡಲು ಬೆಸ್ಟ್ ಅಡುಗೆಯಾಗಿದೆ.

ಈ ಆಲೂದಮ್ ಮಾಡಲು ಸ್ವಲ್ಪ ಅಧಿಕ ಸಮಯ ಹಿಡಿಯುವುದು ಆದರೆ ಇದರ ರುಚಿಯ ಮುಂದೆ ಪಟ್ಟ ಶ್ರಮ ಸಾರ್ಥಕ ಅನಿಸುವುದು. ಇದನನ್ನು ಮಾಡುವ ವಿಧಾನವನ್ನು ಇಲ್ಲಿ ವಿವರಿಸಲಾಗಿದೆ ನೋಡಿ

ಬೇಕಾಗುವ ಸಾಮಗ್ರಿ :

* 1 ಇಂಚಿನಷ್ಟು ದೊಡ್ಡದಿರುವ ಶುಂಠಿ (ಚಿಕ್ಕದಾಗಿ ಕತ್ತರಿಸಿದ್ದು)

* 2 ಹಸಿ ಮೆಣಸಿನಕಾಯಿ, ಕತ್ತರಿಸಿದ್ದು

* 1 ಈರುಳ್ಳಿ (ಕತ್ತರಿಸಿದ್ದು)

* 4 ಬೆಳ್ಳುಳ್ಳಿ ಎಸಳು

* ಆಲೂಗಡ್ಡೆ ರೋಸ್ಟ್ ಮಾಡಲು

* 250 ಗ್ರಾಂ ಚಿಕ್ಕ ಆಲೂಗಡ್ಡೆ (ಬೇಬಿ ಪೊಟೆಟೊ)

* 1 ಚಮಚ ಸಾಸಿವೆ ಎಣ್ಣೆ

* ರುಚಿಗೆ ತಕ್ಕ ಉಪ್ಪು

* ಆಲೂ ದಮ್‌ಗೆ ಬೇಕಾಗುವ ಸಾಮಗ್ರಿ

* 1 ಚಮಚ ಸಾಸಿವೆ ಎಣ್ಣೆ

* 4 ಏಲಕ್ಕಿ

* 1 ಇಂಚಿನಷ್ಟು ದೊಡ್ಡದಿರುವ ಚಕ್ಕೆ

* 4 ಲವಂಗ

* 2 ಪಲಾವ್ ಎಲೆ

* 1 ಚಮಚ ಅರಿಶಿಣ ಪುಡಿ

* 1 ಚಮಚ ಖಾರದ ಪುಡಿ

* 1 ಚಮಚ ಗರಂ ಮಸಾಲ ಪುಡಿ

* 1ಚಮಚ ಕೊತ್ತಂಬರಿ ಪುಡಿ

* ಅರ್ಧ ಕಪ್ ಟೊಮೆಟೊ ಪೇಸ್ಟ್(ಮನೆಯಲ್ಲಿಯೇ ಮಾಡಿದ್ದು)

* ಅರ್ಧ ಕಪ್ ಮೊಸರು

* 1 ಚಮಚ ಸಕ್ಕರೆ

* ರುಚಿಗ ತಕ್ಕ ಉಪ್ಪು

* ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ :

* ಆಲೂಗಡ್ಡೆಯನ್ನು ಬೇಯಿಸಿ ಸಿಪ್ಪೆ ಸುಲಿದು ಇಟ್ಟುಕೊಳ್ಳಿ.

* ಮಿಕ್ಸಿ ಜಾರ್‌ಗೆ ಈರುಳ್ಳಿ, ಶುಂಠಿ, ಹಸಿ ಮೆಣಸಿನಕಾಯಿ, ಬೆಳ್ಳುಳ್ಳಿ ಹಾಕಿ ರುಬ್ಬಿ ಒಂದು ಕಪ್‌ನಲ್ಲಿ ಹಾಕಿಡಿ.

* ಮುಂದಿನ ಹಂತವೆಂದರೆ ಆಲೂಗಡ್ಡೆಯನ್ನು ರೋಸ್ಟ್ ಮಾಡುವುದು. 2 ಚಮಚ ಎಣ್ಣೆಯನ್ನು ಪ್ಯಾನ್‌ಗೆ ಹಾಕಿ ಬಿಸಿ ಮಾಡಿ ಅದರಲ್ಲಿ ಆಲೂಗಡ್ಡೆ, ಚಿಟಿಕೆಯಷ್ಟು ಅರಿಶಿಣ ಪುಡಿ ಹಾಗೂ ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ ರೋಸ್ಟ್ ಮಾಡಿ. ಒಂದು 5-6 ನಿಮಿಷ ರೋಸ್ಟ್ ಮಾಡಿದರೆ ಸಾಕು. ಆಲೂಗಡ್ಡೆ ಕಂದು ಬಣ್ಣಕ್ಕೆ ತಿರುಗವಷ್ಟು ಹೊತ್ತು ರೋಸ್ಟ್ ಮಾಡಿರಬೇಕು. ನಂತರ ಅದನ್ನು ತೆಗೆದು ಒಂದು ಬೌಲ್‌ ನಲ್ಲಿ ಹಾಕಿಡಿ.

* ಈಗ ಫ್ರೈ ಮಾಡುವ ಪ್ಯಾನ್‌ಗೆ 2 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ, ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಕಡಿಮೆ ಉರಿಯಲ್ಲಿ ಸೌಟ್‌ನಿಂದ ಆಡಿಸಿ. ಈ ಪೇಸ್ಟ್‌ನ ಹಸಿ ವಾಸನೆ ಹೋಗಿ ಅದು ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಬೇಕು. ಹೀಗಾಗಲು 5 ನಿಮಿಷ ತೆಗೆದುಕೊಳ್ಳುತ್ತದೆ. ನಂತರ ಚಕ್ಕೆ ಹಾಗೂ ಲವಂಗ, ಪಲಾವ್ ಎಲೆ ಹಾಕಿ ಮತ್ತೆ 3-4 ನಿಮಿಷ ಸೌಟ್‌ನಿಂದ ಆಡಿಸುತ್ತಾ ಫ್ರೈ ಮಾಡಿ.

* ಈಗ ಟೊಮೆಟೊ ಪೇಸ್ಟ್ ಹಾಕಿ, ಅದಕ್ಕೆ ಅರಿಶಿಣ ಪುಡಿ, ಒಂದು ಚಮಚ ಕೊತ್ತಂಬರಿ ಪುಡಿ, ಒಂದು ಚಮಚ ಗರಂ ಮಸಾಲ ಪುಡಿ ಹಾಕಿ, ಇವೆಲ್ಲಾ ಮಿಶ್ರವಾದ ಬಳಿಕ ಖಾರದ ಪುಡಿ ಹಾಕಿ.

* ಈಗ ಚೆನ್ನಾಗಿ ಸೌಟ್‌ನಿಂದ ಆಡಿಸಿ, ಮೊಸರು ಹಾಕಿ ಮಿಶ್ರ ಮಾಡಿ, ಈಗ ರೋಸ್ಟ್ ಮಾಡಿದ ಆಲೂಗಡ್ಡೆ ಹಾಕಿ 1 ಚಮಚ ಸಕ್ಕರೆ ಹಾಕಿ.

* ಉಪ್ಪು ಸರಿಯಾಗಿದೆಯೇ ನೋಡಿ, ಪಾತ್ರೆಯ ಬಾಯಿ ಮಿಚ್ಚಿ ಕಡಿಮೆ ಉರಿಯಲ್ಲಿ 20 ನಿಮಿಷ ಬೇಯಿಸಿ. ಹೀಗೆ ಬೇಯಿಸುವಾಗ ತಳ ಹಿಡಿಯದಂತೆ ಒಂದೆರಡು ಬಾರಿ ತಿರುಗಿಸಿ.

* ಈಗ ಮಿಶ್ರ ಸ್ವಲ್ಪ ಗಟ್ಟಿಯಾದಾಗ ಸೌಟ್‌ ಆಫ್‌ ಮಾಡಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ಪೂರಿ ಜೊತೆ ಸರ್ವ್ ಮಾಡಿ.

ಆಲೂ ದಮ್‌ಗೆ ಆಲೂಗಡ್ಡೆಯನ್ನು ಡೀಪ್‌ ಫ್ರೈ ಮಾಡಿ ಬಳಸಿದರೆ ರುಚಿ ಹೆಚ್ಚು, ಆದರೆ ಅಧಿಕ ಎಣ್ಣೆಯಂಶ ಬೇಡ ಎನ್ನುವವರು ಪ್ಯಾನ್‌ನಲ್ಲಿ ರೋಸ್ಟ್ ಮಾಡಿ