ಕಡಬ: ಆದಿ ಮೊಗೇರ್ಕಳ ದೇವಸ್ಥಾನದಲ್ಲಿ ಕಳ್ಳತನ - ಸಿಸಿ ಕ್ಯಾಮರಾಕ್ಕೂ ಹೆದರದ ಖದೀಮನಿಂದ ಹುಂಡಿ ಹಣ ಕಳವು
ಕಡಬ: ಇಲ್ಲಿನ ಕೋಡಿಂಬಾಳದಲ್ಲಿರುವ ಆದಿ ಮೊಗೇರ್ಕಳ ದೇವಸ್ಥಾನದಲ್ಲಿ ಮೂರು ಕಾಣಿಕೆ ಡಬ್ಬಿಯನ್ನು ಒಡೆದು ಹಣ ಎಗರಿಸಿದ ಘಟನೆ ಬೆಳಕಿಗೆ ಬಂದಿದೆ.
ಈ ಹಿಂದೆಯೂ ಇಲ್ಲಿ ಕಳವು ಕೃತ್ಯ ನಡೆದಿತ್ತು. ಆದ್ದರಿಂದ ದೈವಸ್ಥಾನಕ್ಕೆ ಸಿಸಿ ಕ್ಯಾಮರಾ ಅಳವಡಿಸಲಾಗಿತ್ತು. ಆದರೆ ಸಿಸಿ ಕ್ಯಾಮರಕ್ಕೂ ಹೆದರದ ಖದೀಮನೋರ್ವ ರಾತ್ರಿ ವೇಳೆ ದೈವಸ್ಥಾನಕ್ಕೆ ಎಂಟ್ರಿ ಕೊಟ್ಟಿದ್ದಾನೆ. ಹಾರೆ ಹಿಡಿದುಕೊಂಡು ಬಂದ ಕಳ್ಳ ಮೂರು ಕಾಣಿಕೆ ಹುಂಡಿಗಳನ್ನು ಒಡೆದು ಹಣವನ್ನೆಲ್ಲಾ ದೋಚಿದ್ದಾನೆ. ಹೋಗುವಾಗ ಹಾರೆಯನ್ನು ಅಲ್ಲಿಯೇ ಬಿಟ್ಟುಹೋಗಿದ್ದಾನೆ. ಕಳ್ಳನ ಈ ಕೃತ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಬೆಳಗ್ಗೆ ಈ ಕಳವು ಕೃತ್ಯ ಬೆಳಕಿಗೆ ಬಂದಿದ್ದು, ಪೊಲೀಸ್ ದೂರು ದಾಖಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಕಡಬ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
Edited By :
Shivu K
PublicNext
28/01/2025 08:40 pm
ಸಂಬಂಧಿತ ಸುದ್ದಿ
LOADING...
