ಉಡುಪಿ: ದಾಂಧಲೆ ನಡೆಸುತ್ತಿದ್ದ ಯುವಕನಿಗೆ ಹೊಸ ಬದುಕು: ಕೊನೆಗೂ ಹುಟ್ಟೂರು ಧಾರವಾಡಕ್ಕೆ ಕರೆದೊಯ್ದ ಪೋಷಕರು
ಉಡುಪಿ: ಉಡುಪಿಯಲ್ಲಿ ಅನಾಥರಾಗಿ, ನಿರಾಶ್ರಿತರಾಗಿ ಅಡ್ಡಾಡುವ ಅನೇಕರಿಗೆ ಹೊಸ ಬದುಕು ದೊರಕಿದೆ. ಇದೀಗ ಇತ್ತೀಚಿಗಷ್ಟೇ ರಕ್ಷಿಸಲ್ಪಟ್ಟು 'ಹೊಸಬದುಕು' ಆಶ್ರಮದಲ್ಲಿ ಪುರ್ನವಸತಿ ಪಡೆದಿದ್ದ ಯುವಕನ ಸಂಬಂಧಿಕರನ್ನು ಪತ್ತೆಗೊಳಿಸಿ, ಹಸ್ತಾಂತರಿಸುವಲ್ಲಿ ಉಡುಪಿ ಜಿಲ್ಲಾ ನಾಗರೀಕ ಸಮಿತಿ ಯಶಸ್ವಿಯಾಗಿದೆ.
ಜಿಲ್ಲಾ ನ್ಯಾಯಾಲಯ ಸಂಕೀರ್ಣದ ವಾಹನ ನಿಲುಗಡೆ ಸ್ಥಳದಲ್ಲಿ ವಿನಾಕಾರಣ ದಾಂಧಲೆ ನಡೆಸುತ್ತ, ಭಯದ ವಾತಾವರಣ ಸೃಷ್ಟಿಸಿದ ಯುವಕ ಕಂಡುಬಂದಿದ್ದ. ಭೀತಿಗೊಳಗಾದ ಸಾರ್ವಜನಿಕರು ನಗರ ಪೋಲಿಸ್ ಠಾಣೆಗೆ ಮಾಹಿತಿ ನೀಡಿದ್ದರು. ಇದಕ್ಕೆ ಸ್ಪಂದಿಸಿದ ಪಿ.ಎಸ್.ಐ ಪುನೀತ್ ಕುಮಾರ್ ಅವರ ನೇತ್ರತ್ವದ ತಂಡವು, ಉಗ್ರವಾಗಿ ವರ್ತಿಸುತ್ತಿದ್ದ ಯುವಕನನ್ನು ಉಪಾಯದಿಂದ ವಶಕ್ಕೆ ಪಡೆದುಕೊಂಡಿತ್ತು. ವಿಚಾರಣೆಯಿಂದ ಯುವಕ ಮಾನಸಿಕ ಅಸ್ವಸ್ಥ, ಹೆಸರು ಶಿವಾನಂದ, ಧಾರವಾಡ ಜಿಲ್ಲೆಯ ರಾಮನಕೊಪ್ಪದ ನಿವಾಸಿ ಎಂದು ತಿಳಿದುಬಂದಿತ್ತು.
ಪೊಲೀಸರು ನಾಗರಿಕ ಸಮಿತಿಯ ಸಂಚಾಲಕ ನಿತ್ಯಾನಂದ ಒಳಕಾಡು ನೆರವು ಪಡೆದು ಯುವಕನಿಗೆ ಹೊಸ ಬದುಕು ಆಶ್ರಮದಲ್ಲಿ ಪುರ್ನವಸತಿ ಕಲ್ಪಿಸಿದ್ದರು. ಯುವಕನ ಹುಡುಕಾಟದಲ್ಲಿದ್ದ ಸಂಬಂಧಿಕರು, ವಿಷಯ ತಿಳಿದು ಧಾರವಾಡದಿಂದ ಉಡುಪಿಗೆ ಬಂದು, ಹೊಸಬದುಕು ಆಶ್ರಮದಿಂದ ಯುವಕನನ್ನು ಮನೆಗೆ ಕರೆದೊಯ್ದರು.
PublicNext
26/01/2025 08:13 am
ಸಂಬಂಧಿತ ಸುದ್ದಿ
LOADING...
