ಹಾವೇರಿ: ಹಾವೇರಿ ಜಿಲ್ಲೆ ಶಿಗ್ಗಾಂವ್ ತಾಲೂಕಿನ ಹೋತನಹಳ್ಳಿ ಗ್ರಾಮದಲ್ಲಿ ವಿಶಿಷ್ಟವಾಗಿ ಗ್ರಾಮದೇವಿ ಆಚರಣೆ ಮಾಡಲಾಗುತ್ತೆ. ಐದು ವರ್ಷಕ್ಕೊಮ್ಮೆ ಆಚರಿಸುವ ಜಾತ್ರೆಗೆ ಐದು ಮಂಗಳವಾರ ಊರುಬಿಡುವ ಹೊರಬೀಡು ಸಂಪ್ರದಾಯ ಆಚರಿಸಿಕೊಂಡು ಬರಲಾಗುತ್ತಿದೆ.
ಐದು ಮಂಗಳವಾರ ಇಡೀ ಊರಿಗೆ ಊರೇ ಖಾಲಿ ಮಾಡುತ್ತಾರೆ. ಮನೆಗೆ ಬೀಗ ಹಾಕಿ, ಮನೆಯ ಮುಂದೆ ದೀಪ ಹಚ್ಚಿ, ಗ್ರಾಮದ ಜನರು ಸೂರ್ಯೋದಯಕ್ಕೂ ಮುನ್ನವೇ ಊರನ್ನ ಖಾಲಿ ಮಾಡುತ್ತಾರೆ.
ಈ ದಿನಗಳಂದು ಗ್ರಾಮದಲ್ಲಿ ದೇವಿ ಸಂಚರಿಸಿ ದುಷ್ಟಶಕ್ತಿಗಳನ್ನು ಸಂಹರಿಸುತ್ತಾಳೆ. ಹೀಗಾಗಿ ಐದು ಮಂಗಳವಾರ ಗ್ರಾಮದ ಹೊರಗೆ ಇರುವ ಗ್ರಾಮಸ್ಥರು ಸೂರ್ಯಾಸ್ತದ ಬಳಿಕ ಊರಿಗೆ ತೆರಳುತ್ತಾರೆ.
PublicNext
22/01/2025 10:22 am