ಕೊಡಗು : ಪೊಲೀಸರು ಪ್ರಜಾಪ್ರಭುತ್ವದ ರಕ್ಷಕರು ಭಾಸ್ಕರ್ ರಾವ್
ಕೊಡಗು : ಪ್ರಜಾಪ್ರಭುತ್ವದ ರಕ್ಷಕರಾಗಿರುವ ಪೊಲೀಸರು ಸದಾ ಕರ್ತವ್ಯ ಪ್ರಜ್ಞೆಯನ್ನು ಹೊಂದಿರಬೇಕೆಂದು ನಿವೃತ್ತ ಎಡಿಜಿಪಿ ಭಾಸ್ಕರ್ ರಾವ್ ಕರೆ ನೀಡಿದರು. ಕೊಡಗು ಜಿಲ್ಲಾ ನಿವೃತ್ತ ಪೊಲೀಸ್ ಅಧಿಕಾರಿಗಳ ಕ್ಷೇಮಾಭಿವೃದ್ಧಿ ಸಂಘದ ಬೆಳ್ಳಿ ಮಹೋತ್ಸವ ಕಾರ್ಯಕ್ರಮ ನಗರದ ಮೈತ್ರಿ ಸಭಾಂಗಣದಲ್ಲಿ ಅದ್ದೂರಿಯಾಗಿ ನಡೆಯಿತು.
ಸಭಾ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡು ಮಾತನಾಡಿದ ಭಾಸ್ಕರ್ ರಾವ್, ಕೊಡಗು ಜಿಲ್ಲೆ ದೇಶಪ್ರೇಮಿಗಳು ತುಂಬಿರುವ, ದಕ್ಷಿಣ ಭಾರತಕ್ಕೆ ನೀರುಣಿಸುವ ತಲಕಾವೇರಿ ಇರುವ ಪುಣ್ಯಭೂಮಿಯಾಗಿದೆ. ಅದೇ ರೀತಿ ಇಲ್ಲಿನ ಪೊಲೀಸ್ ಅಧಿಕಾರಿಗಳು ರಾಜ್ಯದ ಪೊಲೀಸರಿಗೆ ಮಾದರಿಯಾಗಿದ್ದಾರೆ. ಶಿಸ್ತು, ಸಂಯಮ, ಸಮಯ ಪಾಲನೆ, ಗಂಭೀರ ನಡೆನುಡಿಯಿಂದ ಜಿಲ್ಲೆಯ ಪೊಲೀಸರು ಜನಮನ್ನಣೆ ಗಳಿಸಿಕೊಂಡಿದ್ದಾರೆ. ತಪ್ಪು ಕಂಡರೆ ಪ್ರಶ್ನಿಸುವ ಗುಣವನ್ನು ಹೊಂದಿರುವ ಕೊಡಗಿನವರು ಎಲ್ಲರಿಗೂ ಸ್ಫೂರ್ತಿದಾಯಕ ಎಂದು ಮೆಚ್ಚುಗೆಯ ನುಡಿಗಳನ್ನಾಡಿದರು.
PublicNext
11/12/2024 12:57 pm
ಸಂಬಂಧಿತ ಸುದ್ದಿ
LOADING...
