ಬಿಗ್ ಬಾಸ್ ಮನೆಯ ಸಾಮ್ರಾಜ್ಯದಲ್ಲಿ ಗಲಭೆ, ಮನಸ್ತಾಪಗಳ ವಾತಾವರಣ..!
ಬಿಗ್ ಬಾಸ್ ಮನೆಯ ಸಾಮ್ರಾಜ್ಯದಲ್ಲಿ ಗಲಭೆ ಮನಸ್ತಾಪಗಳ ವಾತಾವರಣ ನಿರ್ಮಾಣ ಆಗಿದೆ. ರಾಜ ಮಂಜಣ್ಣ ಮತ್ತು ಯುವರಾಣಿ ಮೋಕ್ಷಿತಾ ನಡುವೆ ಹೊಂದಾಣಿಕೆ ಇಲ್ಲದ ಕಾರಣ ಆಟದಲ್ಲಿ ಏರುಪೇರು ಆಗಿತ್ತು. ಇದೀಗ ಇವರಿಬ್ಬರ ಕಿತ್ತಾಟಕ್ಕೆ ಬಿಗ್ ಬಾಸ್ ಹೊಸ ಟ್ವಿಸ್ಟ್ ನೀಡಿದ್ದಾರೆ.
ಅಣ್ಣ - ತಂಗಿಯಾಗಿ ಓಡಾಡುತ್ತಿದ್ದ ಮಂಜಣ್ಣ ಹಾಗೂ ಮೋಕ್ಷಿತಾರನ್ನು ಬಂಧಿಸಿ ಹಗ್ಗದಿಂದ ಕಟ್ಟಿ ಹಾಕಲಾಗಿದೆ. ಇದರಿಂದ ಬಿಗ್ ಬಾಸ್ ಸಾಮ್ರಾಜ್ಯದಲ್ಲಿ ಪ್ರಜೆಗಳು ಮಾಡಿದ್ದೇ ಆಟವಾಗಿದೆ. ಅಲ್ಲದೇ ಬಿಗ್ ಬಾಸ್ ರಾಜ, ಯುವರಾಣಿಯನ್ನು ಬಿಡಿಸಿಕೊಂಡು ಬರಲು ಅಲ್ಲಿನ ಪ್ರಜೆಗಳಿಗೆ ಟಾಸ್ಕ್ ನೀಡಿದ್ದಾರೆ.
ಯುವರಾಣಿ ಮೋಕ್ಷಿತಾ ಹಾಗೂ ಮಹಾರಾಜ ಮಂಜು ಇವರ ತಂಡದ ಪ್ರಜೆಗಳು ಟಾಸ್ಕ್ ಅನ್ನು ಆಡಬೇಕು. ಈ ವೇಳೆ ಉಸ್ತುವಾರಿ ವಹಿಸಿಕೊಂಡಿದ್ದ ಚೈತ್ರಾರ ನಿರ್ಧಾರಕ್ಕೆ ತ್ರಿವಿಕ್ರಮ್ ಹಾಗೂ ಭವ್ಯಗೌಡ ರೊಚ್ಚಿಗೆದ್ದಿದ್ದಾರೆ. ಪ್ರೋವೋದಲ್ಲಿ ಚೈತ್ರಾ ಕಿರುಚಿಕೊಂಡು ತ್ರಿವಿಕ್ರಮ್ ವಿರುದ್ದ ರೊಚ್ಚಿಗೆದ್ದಿದ್ದು ತ್ರಿವಿಕ್ರಮ್ ಕೂಡ ಮಾತಿನ ಚಕಮಕಿ ಬೆಳೆಸಿದ್ದಾರೆ. ಭವ್ಯ ತನ್ನ ಎರಡು ಕೈ ಯನ್ನು ಬೆಂಚಿಗೆ ಬಡಿಯುವ ಮೂಲಕ ಚೈತ್ರಾ ಅವರ ಮೇಲೆ ಕೋಪವನ್ನು ತೋರಿಸಿದ್ದಾರೆ. ಬಂಧನಕ್ಕೆ ಒಳಗಾಗಿರುವ ಮಹಾರಾಜ , ಯುವರಾಣಿಯನ್ನು ಪ್ರಜೆಗಳು ಹೇಗೆ ಬಿಡಿಸಿಕೊಂಡು ಬರ್ತಾರೆ ಅನ್ನೋದನ್ನು ಇವತ್ತಿನ ಸಂಚಿಕೆಯಲ್ಲಿ ಕಾದುನೋಡಬೇಕು.
PublicNext
29/11/2024 07:27 pm
ಸಂಬಂಧಿತ ಸುದ್ದಿ
LOADING...
