ಪ್ರಧಾನಿ ಪಾಕ್‌ಗೆ ಬಿರಿಯಾನಿ ತಿನ್ನಲು ಹೋಗಬಹುದಾದರೆ, ಟೀಂ ಇಂಡಿಯಾಕ್ಕೆ ಏಕೆ ಸಾಧ್ಯವಿಲ್ಲ: ಆರ್‌ಜೆಡಿ ನಾಯ ತೇಜಸ್ವಿ
ಪಾಟ್ನಾ: ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ಕ್ರಿಕೆಟ್ ತಂಡ ಪಾಕಿಸ್ತಾನಕ್ಕೆ ತೆರಳುವುದಿಲ್ಲ ಎಂಬ ವರದಿಗಳ ಬಗ್ಗೆ ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ ಪ್ರತಿಕ್ರಿಯಿಸಿದ್ದಾರೆ.
ಭಾರತ ಕ್ರಿಕೆಟ್ ತಂಡ ಪಾಕಿಸ್ತಾನಕ್ಕೆ ತೆರಳುವುದಕ್ಕೆ ಅಭ್ಯಂತರವೇನು ಎಂದು ಪ್ರಶ್ನಿಸಿದ ಅವರು, ‘ಪ್ರಧಾನಿ ನರೇಂದ್ರ ಮೋದಿ ಅವರು ಅಲ್ಲಿಗೆ ಬಿರಿಯಾನಿ ತಿನ್ನಲು ಹೋಗಬಹುದಾದರೆ, ಟೀಂ ಇಂಡಿಯಾಕ್ಕೆ ಏಕೆ ಸಾಧ್ಯವಿಲ್ಲ?’ ಎಂದು ಕುಟುಕಿದ್ದಾರೆ.
ಪಾಕಿಸ್ತಾನದಲ್ಲಿ ಆಡಲು ಭಾರತ ತಂಡ ನಿರಾಕರಿಸಿದ ಹಿನ್ನೆಲೆ ಪಂದ್ಯಾವಳಿ ವಿಳಂಬವಾಗಿದೆ. 2008ರ ಮುಂಬೈ ಭಯೋತ್ಪಾದನಾ ದಾಳಿಯ ನಂತರ ಭಾರತ, ಪಾಕಿಸ್ತಾನಕ್ಕೆ ಪ್ರವಾಸ ಕೈಗೊಂಡಿಲ್ಲ. ಹೈಬ್ರಿಡ್ ಮಾದರಿಯಲ್ಲಿ ಪಂದ್ಯಾವಳಿ ನಡೆಯಬೇಕೆಂಬುದು ಭಾರತ ತಂಡದ ಬೇಡಕೆಯಾಗಿದೆ. ದುಬೈ, ಭಾರತದ ಆದ್ಯತೆಯ ಸ್ಥಳವಾಗಿದೆ. ಇದಕ್ಕೆ ಪಾಕಿಸ್ತಾನ ಈವರೆಗೆ ಒಪ್ಪಿಗೆ ಸೂಚಿಸಿಲ್ಲ.
ಚಾಂಪಿಯನ್ಸ್ ಟ್ರೋಫಿ ವೇಳಾಪಟ್ಟಿ ನಿರ್ಧರಿಸುವ ಕುರಿತಂತೆ ಚರ್ಚಿಸಲು ನವೆಂಬರ್ 29ರಂದು ಐಸಿಸಿ ಮಂಡಳಿ ಸಭೆ ನಡೆಯಲಿದೆ ಎಂದು ಐಸಿಸಿ ವಕ್ತಾರರು ಪಿಟಿಐಗೆ ತಿಳಿಸಿದ್ದಾರೆ.
PublicNext
29/11/2024 09:55 am
ಸಂಬಂಧಿತ ಸುದ್ದಿ
LOADING...
