ಕುಂದಗೋಳ: ಸಂಶಿ ಗುಡಗೇರಿ ರಸ್ತೆ ಎಫೆಕ್ಟ್ - ಆಂಬ್ಯುಲೆನ್ಸ್‌ನಲ್ಲಿ ಪೇಷಂಟ್ ಸುಸ್ತೋ ಸುಸ್ತು
ಕುಂದಗೋಳ: ನಮಸ್ಕಾರ ರೀ ಹಾಲಿ ಶಾಸಕರೇ ಮತ್ತು ಮಾಜಿ ಶಾಸಕರೇ... ಏನ್ರೀ! ಸಂಶಿಯಿಂದ ಗುಡಗೇರಿ ಸಂಪರ್ಕ ಕಲ್ಪಿಸೋ ರಸ್ತೆ ಧೂಳು, ತಗ್ಗು, ಗುಂಡಿ ಅವ್ಯವಸ್ಥೆಗಳ ಆಗರವೇ ಸರಿ. ಇದೇ ರಸ್ತೆಯಲ್ಲಿ ಇವತ್ತ್ ಆಂಬ್ಯುಲೆನ್ಸ್ ನಲ್ಲಿ ಆಸ್ಪತ್ರೆಗೆ ಹೊಂಟಿದ್ದ ಗರ್ಭಿಣಿಯೊಬ್ಬರು ಒದ್ದಾಡಿ ಹೋಗ್ಯಾರ್.
ಹೌದ್ ರೀ! ಸಾಹೇಬ್ರ ಎಷ್ಟ್ ಮಂದಿ ಶಾಸಕರು ಬದಲಾದ್ರೂ ಈ ಸಂಶಿ ಗುಡಗೇರಿ ರಸ್ತೆ ಅವ್ಯವಸ್ಥೆ ಒಟ್ಟ್ ಸರಿ ಆಗಿಲ್ಲಾ ನೋಡ್ರಿ.. ಮತ್ತ್ ನಿಮಗೆ ಗೊತ್ತಿರಲಿ ಇತ್ತಿತ್ಲಾಗ್ ನಮ್ಮ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಇಲ್ಲಿ ಮಾಡಿದಂತ್ ಕಾಮಗಾರಿ ಕಳಪೆ ಆಗೈತಿ, ಜನರ ಕಣ್ಣಾಗ್ ಮಣ್ಣ್ ಉಗ್ಗಿ ರೊಕ್ಕಾ ತಗದಾರ್ ಅಂತ್ಹೇಳಿ, ಈ ಹಾಳಾದ ರಸ್ತೆದಾಗ್ ಓಡ್ಯಾಡೋ ಮಂದಿ ಹೇಳ್ಯಾರ್ ಕೇಳ್ರಿ..
ಆ ಮ್ಯಾಗ್ ಕಳೆದ ಹತ್ತು ವರ್ಷ ಆತು ಹಳೇ ರಸ್ತೆ ತುಂಬಾ ಕೆಂಪು ಮಣ್ಣು ಧೂಳು ಹೆಚ್ಚಾದ್ರ್, ಇತ್ತಿತ್ಲಾಗ್ ಮಾಡಿದ ಹೊಸ ರಸ್ತೆ ಡಾಂಬರ್ ಬಿರುಕು ಬಿಟೈತಿ, ಡಾಂಬರ್ ಒಳಗಿನ ಕಡಿ ಹರಳು ಕಿತ್ತು ಹೊಗ್ಯಾವ್.
ಆ ಮ್ಯಾಗ್ ನೋಡ್ರಿ ಸಾಹೇಬ್ರ ಅಷ್ಟ್ ಕೋಟಿ ಬಂತು ಇಷ್ಟ್ ಕೋಟಿ ಹೋಯ್ತು ಆ ಕಾಮಗಾರಿ ಆಯ್ತು ಅಂತ ಹೇಳಿ ರಿಪೋರ್ಟ್ ಕೊಡೋ ಅಧಿಕಾರಿಗಳು ಈ ಸಂಶಿ ಗುಡಗೇರಿ ರಸ್ತೆ ಹಿಂಗ್ಯಾಕ್ ಉತ್ತಾರ ಕೊಡ್ರಿ.
ಗುಡಗೇರಿ, ಸಂಶಿ, ಕಳಸ, ಮಂಡಿಗನಾಳ, ಸಂಕ್ಲೀಪುರ, ಸುಲ್ತಾನಪುರ, ಹರ್ಲಾಪೂರ ಅತ್ಲಾನ್ ಮುಂದಿ ಸಂಶಿ ಗುಡಗೇರಿ ರಸ್ತೆ ಸುದ್ಧ್ ಇರಲಾರದ್ ತಾಲೂಕು ಕೇಂದ್ರ ತಹಶೀಲ್ದಾರ್ ಕಚೇರಿ, ತಾಲೂಕು ಆಸ್ಪತ್ರೆಗೆ ಬರೋದ್ ದೊಡ್ಡ ಸಮಸ್ಯೆ ಆಗೈತಿ, ವಿದ್ಯಾರ್ಥಿಗಳು ಶಿಕ್ಷಣಕ್ಕೆ ಹುಬ್ಬಳ್ಳಿಗೆ ಹೋಗೋದು ಕಷ್ಟ ಆಗೈತಿ.
ದಯವಿಟ್ಟು ಹಾಲಿ/ಮಾಜಿ ಶಾಸಕರು ಒಂದಾಗಿ ನಿಮ್ಮು ಮತಕ್ಷೇತ್ರದ ಸಂಶಿ-ಗುಡಗೇರಿ ರಸ್ತೆ ಮಾಡಸಿ ಪುಣ್ಯ ಕಟ್ಕೋರಿ.
ಪಬ್ಲಿಕ್ ನೆಕ್ಸ್ಟ್ ವಿಶೇಷ : ಗಜಾನನ ಹೂಗಾರ ಶ್ರೀಧರ ಪೂಜಾರ
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
23/11/2024 04:54 pm
ಸಂಬಂಧಿತ ಸುದ್ದಿ
LOADING...
