ಮುಲ್ಕಿ: ತುಳುನಾಡಿನ ಕಾರಣೀಕದ ದೇರಬೆನ್ನಿ ಶ್ರೀ ಕಾಂತಾಬಾರೆ ಬೂದಾಬಾರೆ ಗರಡಿಯಲ್ಲಿ ಮಂಚ ಪ್ರತಿಷ್ಠೆ, ಕಲಶಾಭಿಷೇಕ
ಮುಲ್ಕಿ: ಕಿನ್ನಿಗೋಳಿ ಸಮೀಪದ ಎಳತ್ತೂರು ಬಾಕ್ಯಾರ ಕೋಡಿ ದೇರಬೆನ್ನಿ ಶ್ರೀ ಕಾಂತಾ ಬಾರೆ ಬೂದಾ ಬಾರೆ ಗರಡಿಯಲ್ಲಿ ಮಂಚ ಪ್ರತಿಷ್ಠೆ ಮತ್ತು ಕಲಶಾಭಿಷೇಕ ಕ್ಷೇತ್ರದ ತಂತ್ರಿಗಳಾದ ಶಿಬರೂರು ವೇದವ್ಯಾಸ ತಂತ್ರಿಗಳ ನೇತೃತ್ವದಲ್ಲಿ ನಡೆಯಿತು.
ಧಾರ್ಮಿಕ ಕಾರ್ಯಕ್ರಮಗಳ ಅಂಗವಾಗಿ ನ. 19ರಂದು ಕವತ್ತಾರು ಶ್ರೀ ಅಂಬಾ ಭವಾನಿ ಭಜನಾ ಮಂದಿರದಿಂದ ತುಳುನಾಡಿನ ಒಂಬತ್ತು ಮಾಗಣೆಯ ಕಾರಣೀಕದ ಶ್ರೀ ಕಾಂತಾ ಬಾರೆ ಬೂದಾ ಬಾರೆ ಅವಳಿ ಶಕ್ತಿಗಳ ನೂತನ ಮಂಚವನ್ನು ಭವ್ಯ ಮೆರವಣಿಗೆಯಲ್ಲಿ ತರಲಾಯಿತು.
ನ.21ರಂದು ಬೆಳಿಗ್ಗೆ ಧಾರ್ಮಿಕ ಕಾರ್ಯಕ್ರಮಗಳ ಅಂಗವಾಗಿ ಕ್ಷೇತ್ರದ ತಂತ್ರಿಗಳ ನೇತೃತ್ವದಲ್ಲಿ ವಿಶೇಷ ಪ್ರಾರ್ಥನೆ, ನೂತನ ಮಂಚದ ಸಮರ್ಪಣೆ, ಕಲಶಾಭಿಷೇಕ, ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ ನಡೆಯಿತು. ಈ ಸಂದರ್ಭ ದೇರ ಬೆನ್ನಿ ಸಂಸಾರ ಎಳತ್ತೂರು, ಫ್ರೆಂಡ್ಸ್ ಕ್ಲಬ್ ಎಳತ್ತೂರು ಸದಸ್ಯರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.
Kshetra Samachara
22/11/2024 07:20 am
ಸಂಬಂಧಿತ ಸುದ್ದಿ
LOADING...
