ಕಟಪಾಡಿ: ಅವೈಜ್ಞಾನಿಕ ಕುಡಿಯುವ ನೀರಿನ ಯೋಜನೆಗೆ ಗ್ರಾಮಸ್ಥರಿಂದ ವಿರೋಧ
ಉಡುಪಿ ಜಿಲ್ಲಾ ಕೃಷಿಕ ಸಂಘದ ನೇತೃತ್ವದಲ್ಲಿ ಬಹುಗ್ರಾಮ ಕುಡಿಯುವ ನೀರು ಯೋಜನೆ ವಿರೋಧಿ ಸಮಿತಿ ವತಿಯಿಂದ ಪಾಪನಾಶಿನಿ ನದಿಯ ಬಹುಗ್ರಾಮ ಕುಡಿಯುವ ನೀರಿನ ಯೋಜನೆ ವಿರುದ್ಧ ಪ್ರತಿಭಟನೆ ನಡೆಯಿತು. ಕುರ್ಕಾಲು ಯೋಜನೆ ಪ್ರದೇಶದ ವಠಾರದಲ್ಲಿ ಈ ಪ್ರತಿಭಟನೆಯನ್ನು ಹಮ್ಮಿಕೊಳ್ಳಲಾಗಿತ್ತು.
ಬಹುಗ್ರಾಮ ಕುಡಿಯುವ ನೀರಿಗಾಗಿ ಆಯ್ಕೆ ಮಾಡಿರುವ ಸ್ಥಳವೇ ಅವೈಜ್ಞಾನಿಕವಾಗಿದೆ. ಈ ಯೋಜನೆಯ ಅನುಷ್ಠಾನದಿಂದ ಜನರ ತೆರಿಗೆ ಹಣ ಪೋಲಾಗಲಿದೆ. ಹಿಂದಿನಿಂದಲೂ ನೀರಿನ ಒರತೆ ಹೊಂದಿರದ ಕಾರಣದಿಂದ ಮಾರ್ಚ್- ಮೇ ಅವಧಿಯಲ್ಲಿ ಈ ನದಿಯಲ್ಲಿ ಸ್ಥಳೀಯರ ಬಳಕೆಗೆ, ಕೃಷಿಗೆ ಸಾಕಷ್ಟು ನೀರು ಇರುವುದಿಲ್ಲ. ಯೋಜನೆ ಜಾರಿಗೆ ಬಂದರೆ ಮಣಿಪುರ, ಕುರ್ಕಾಲು, ಕುಂಜಾರು ಗ್ರಾಮಗಳ ಜನರ ಕುಡಿಯುವ ಮತ್ತು ಕೃಷಿ ನೀರಿನ ಮೂಲಗಳ ಸೆಲೆಗಳು ಬತ್ತಿ ಹೋಗಲಿವೆ. ಅಲ್ಲಿ ಉಪ್ಪು ನೀರು ತುಂಬಿಕೊಳ್ಳಲಿದೆ.
ಈ ಹಿನ್ನೆಲೆಯಲ್ಲಿ ಸಮಸ್ಯೆ ಎದುರಾಗುವ ಮುನ್ನವೇ ಯೋಜನೆ ಸ್ಥಗಿತಗೊಳಿಸುವಂತೆ ಒತ್ತಾಯಿಸಿ ಗ್ರಾಮಸ್ಥರು ನಿರ್ಣಯ ಕೈಗೊಂಡರು. ಪ್ರತಿಭಟನೆ ಸ್ಥಳಕ್ಕಾಗಮಿಸಿದ ಕಾಪು ತಹಶೀಲ್ದಾರ್ ಶ್ರೀನಿವಾಸಮೂರ್ತಿ ಅವರ ಮೂಲಕ ಮುಖ್ಯಮಂತ್ರಿ ಅವರಿಗೆ ಮನವಿ ಸಲ್ಲಿಸಲಾಯಿತು.
Kshetra Samachara
30/03/2022 02:34 pm
ಸಂಬಂಧಿತ ಸುದ್ದಿ
LOADING...
