ಸುರತ್ಕಲ್: ವುಶು, ಕಿಕ್ ಬಾಕ್ಸಿಂಗ್ ಪದಕ ವಿಜೇತರಿಗೆ ಸಾರ್ವಜನಿಕ ಅಭಿನಂದನೆ
ಸುರತ್ಕಲ್: ದಕ್ಷಿಣ ಕನ್ನಡ ವುಶು ಅಸೋಸಿಯೇಷನ್ ರಿ. ಮತ್ತು ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಅಂಡ್ ಮಾರ್ಷಲ್ ಆರ್ಟ್ಸ್ ಸಹಭಾಗಿತ್ವದಲ್ಲಿ ರಾಷ್ಟ್ರೀಯ ಮಟ್ಟದ ವುಶು ಮತ್ತು ಕಿಕ್ ಬಾಕ್ಸಿಂಗ್ ಪದಕ ವಿಜೇತ ಕ್ರೀಡಾಪಟುಗಳಿಗೆ ಸಾರ್ವಜನಿಕ ಅಭಿನಂದನಾ ಸಮಾರಂಭ ಸುರತ್ಕಲ್ ನ ಕರ್ನಾಟಕ ಸೇವಾ ವೃಂದ ವೇದಿಕೆಯಲ್ಲಿ ನಡೆಯಿತು.
ಸಭೆಯನ್ನು ಉದ್ದೇಶಿಸಿ ಸಂಸ್ಥೆಯ ಅಧ್ಯಕ್ಷ ಸತ್ಯಜಿತ್ ಸುರತ್ಕಲ್ ಮಾತನಾಡಿ ವುಶು ಕಲೆಗೆ ಕೇಂದ್ರ ಸರಕಾರ ಸಹಿತ ವಿವಿಧ ರಾಜ್ಯ ಸರಕಾರಗಳು ಆರ್ಥಿಕ ಸಹಾಯ ನೀಡುತ್ತಾ ಬಂದಿವೆ, ಇನ್ನಷ್ಟು ಮಂದಿ ಕ್ರೀಡಾಪಟುಗಳು ಬೆಳಕಿಗೆ ಬರಲು ಪೂರಕವಾಗಿದೆ." ಎಂದರು.
ವೇದಿಕೆಯಲ್ಲಿ ರಾಷ್ಟ್ರೀಯ ಮಟ್ಟದ ಕಿಕ್ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ಚಿನ್ನ, ಬೆಳ್ಳಿ ಪದಕ ವಿಜೇತರಾಗಿರುವ ರಾಜೇಶ್, ಆದಿತ್ಯ ಕಿರಣ್, ಅತೀಶ್ ಶೆಟ್ಟಿ, ಪ್ರಜ್ಞಾ, ಜಾನ್ವಿ, ರಕ್ಷಿತ್, ಆದಿತ್ಯ, ವಿನೀತ್, ಹಸ್ಸ ರವರನ್ನು ಅಭಿನಂದಿಸಲಾಯಿತು.
ಕರಾಟೆ, ಕಿಕ್ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ರಾಷ್ಟ್ರವನ್ನು ಪ್ರತಿನಿಧಿಸಿ ಚಿನ್ನದ ಪದಕವನ್ನು ಪಡೆದಿರುವ ಅವಳಿ ಸೋದರಿಯರಾದ ಅವನಿ ಹಾಗೂ ಅಂಶಿ ರವರನ್ನು ಇದೇ ಸಂದರ್ಭದಲ್ಲಿ ವೇದಿಕೆಯಲ್ಲಿ ಸನ್ಮಾನಿಸಲಾಯಿತು.
ವೇದಿಕೆಯಲ್ಲಿ ಕಿರಣ್, ಸಂಸ್ಥೆಯ ಹಿರಿಯ ತರಬೇತುದಾರ ನಿತಿನ್, ಪ್ರವೀಣ್ ಕುಮಾರ್, ಉದ್ಯಮಿ ಮಹಾಬಲ ಪೂಜಾರಿ ಕಡಂಬೋಡಿ, ಸಂಸ್ಥೆಯ ಅಧ್ಯಕ್ಷ ಸತ್ಯಜಿತ್ ಸುರತ್ಕಲ್, ಮರವೂರು ಗ್ರಾಮ ಪಂಚಾಯತ್ ಅಧ್ಯಕ್ಷ ಗಣೇಶ್ ಅರ್ಬಿ ಉಪಸ್ಥಿತರಿದ್ದರು.
Kshetra Samachara
05/04/2022 07:18 am
ಸಂಬಂಧಿತ ಸುದ್ದಿ
LOADING...
