ತೋಕೂರು: ಷಷ್ಠಿ ಮಹೋತ್ಸವ ಖುಷಿ; ತನುಮನ ತಣಿಸಿದ ಮಹಾರಥೋತ್ಸವ
ಮುಲ್ಕಿ: ಹಳೆಯಂಗಡಿ ಸಮೀಪದ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ವರ್ಷಾವಧಿ ಷಷ್ಠಿ ಮಹೋತ್ಸವದ ಅಂಗವಾಗಿ ಮಹಾ ರಥೋತ್ಸವ ಸಂಭ್ರಮದಿಂದ ನಡೆಯಿತು.
ಬೆಳಗ್ಗೆ ಮಹಾಪೂಜೆ, ಮಧ್ಯಾಹ್ನ ರಥಾರೋಹಣ ನಡೆಯಿತು. ಪಲ್ಲಪೂಜೆ ಬಳಿಕ ಅನ್ನ ಸಂತರ್ಪಣೆ ನಡೆಯಿತು. ಈ ಸಂದರ್ಭ ದೇವಳದ ವ್ಯವಸ್ಥಾಪನಾ ಸಮಿತಿಯ ಹರಿದಾಸ್ ಭಟ್ ಮಾತನಾಡಿ,
ಕೊರೊನಾದಿಂದಾಗಿ ಈ ಬಾರಿಯ ರಥೋತ್ಸವ ಸರಕಾರದ ನಿಯಮ ಪಾಲಿಸಿಕೊಂಡು ಭಕ್ತರ ಸಹಕಾರದಿಂದ ಸರಳವಾಗಿ ನಡೆದಿದೆ. ಕೊರೊನಾ ದೂರವಾಗಿ ಲೋಕದಲ್ಲಿ ಶಾಂತಿ, ಸುಭಿಕ್ಷೆ ನೆಲೆಸಲಿ ಎಂದರು.
ದೇವಳದ ಗೋಪಾಲಕೃಷ್ಣ ತಂತ್ರಿ, ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷರಾದ ಧರ್ಮದರ್ಶಿ ಹರಿಕೃಷ್ಣ ಪುನರೂರು,ಪಾಕ ತಜ್ಞ ವೆಂಕಟೇಶ್ ಭಟ್ ಪಾವಂಜೆ, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ಪುನರೂರು ಪ್ರತಿಷ್ಠಾನದ ಅಧ್ಯಕ್ಷ ದೇವಪ್ರಸಾದ್ ಪುನರೂರು, ಪ್ರಾಣೇಶ್ ಭಟ್,ಮೋಹನ್ ರಾವ್ ಹಳೆಯಂಗಡಿ, ಧರ್ಮಾನಂದ ತೋಕೂರು, ವ್ಯವಸ್ಥಾಪನಾ ಸಮಿತಿ ಸದಸ್ಯರು, ಭಕ್ತಾದಿಗಳು ಉಪಸ್ಥಿತರಿದ್ದರು.
Kshetra Samachara
20/12/2020 03:27 pm
ಸಂಬಂಧಿತ ಸುದ್ದಿ
LOADING...
