ಕಾಪು: ಸೇತುವೆ ಮೇಲೆ ಬೈಕ್ ನಿಲ್ಲಿಸಿ ನಾಪತ್ತೆಯಾದ ಯುವಕನಿಗಾಗಿ ಶೋಧ!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಕಾಪು: ಸೇತುವೆ ಮೇಲೆ ಬೈಕ್ ನಿಲ್ಲಿಸಿ ನಾಪತ್ತೆಯಾದ ಯುವಕನಿಗಾಗಿ ಶೋಧ!

ಜೂನ್ ಆರರಂದು ನಾಪತ್ತೆಯಾಗಿರುವ ದೆಂದೂರುಕಟ್ಟೆ ಸಮೃದ್ಧಿ ನಗರದ ಯುವಕ ಪುನೀತ್ ಎಂಬಾತನ ಪತ್ತೆಗಾಗಿ ಕಾಪು ಪೊಲೀಸರು, ಜಿಲ್ಲಾ ಅಗ್ನಿಶಾಮಕದಳ, ಮುಳುಗು ತಜ್ಞ ಈಶ್ವರ್ ಮಲ್ಪೆ ಪ್ರವೀಣ್‌ ಕುಮಾರ್‌ ಕುರ್ಕಾಲು ಮತ್ತು ತಂಡ ಶೋಧ ನಡೆಸುತ್ತಿದೆ.

ಜು.6ರಂದು ಈ ಯುವಕನ ಸ್ಕೂಟರ್ ಅಲೆವೂರು ದೆಂದೂರುಕಟ್ಟೆ ಸೇತುವೆಯ ಮೇಲೆ ಇರಿಸಿದ ಸ್ಥಿತಿಯಲ್ಲಿ ಕಂಡು ಬಂದಿದ್ದು, ಹೊಳೆಗೆ ಹಾರಿರಬಹುದು ಎಂದು ಶಂಕಿಸಲಾಗಿತ್ತು. ದ್ವಿಚಕ್ರ ವಾಹನದಲ್ಲಿ ಆಧಾರ್ ಕಾರ್ಡ್ ಹಾಗೂ ವಾಹನದ ಬೀಗವೂ ಅದರಲ್ಲೇ ಕಂಡು ಬಂದಿತ್ತು. ಬಳಿಕ ನಾಪತ್ತೆಯಾಗಿರುವ ಈ ಯುವಕನ ಬಗ್ಗೆ ಯಾವುದೇ ಸುಳಿವು ಪತ್ತೆಯಾಗದೆ ಮನೆಮಂದಿ ಚಿಂತಿತರಾಗಿದ್ದರು.

ಈ ಬಗ್ಗೆ ಕಾಪು ಶಾಸಕ ಲಾಲಾಜಿ ಆರ್ ಮೆಂಡನ್ ಈತನ ಮನೆಗೆ ತೆರಳಿ ಮನೆಮಂದಿಗೆ ಸಾಂತ್ವನ ನೀಡಿ ಕಾರ್ಯಾಚರಣೆ, ತನಿಖೆಯನ್ನು ಚುರುಕುಗೊಳಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದರು. ಇದೀಗ ಉದ್ಯಾವರ ಪಾಪನಾಶಿನಿ ಹೊಳೆ, ಮಟ್ಟು ಭಾಗದ ಹೊಳೆಯಲ್ಲಿ ಈತನ ಪತ್ತೆಗಾಗಿ ಅಂದಾಜು 8 ಕಿ. ಮೀ. ಗೂ ಅಧಿಕ ಕ್ರಮಿಸಿ ಶೋಧ ಕಾರ್ಯ ನಡೆಸಿದರೂ ಪತ್ತೆಯಾಗಲಿಲ್ಲ.

Edited By :