ಮುಲ್ಕಿ: ಅವೈಜ್ಞಾನಿಕ ಕಾಮಗಾರಿ; ಕುಸಿಯುವ ಭೀತಿಯಲ್ಲಿ ಕುಬೆವೂರು ಕಿರು ಮೋರಿ
ಮುಲ್ಕಿ: ಮುಲ್ಕಿ ಸಮೀಪದ ಕಿಲ್ಪಾಡಿ ಗ್ರಾಮಪಂಚಾಯತ್ ವ್ಯಾಪ್ತಿಯ ಕುಬೆವೂರು ಶಿಮಂತೂರು ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸುವ ಕುಬೆವೂರು ಕಿರುಸೇತುವೆಗೆ ಕುಸಿಯುವ ಭೀತಿ ಎದುರಾಗಿದೆ.
ಕಳೆದ ವರ್ಷದ ಹಿಂದೆ ಶಾಸಕರ ನಿಧಿಯಲ್ಲಿ ನೂತನ ಕಿರು ಮೋರಿ ಕಾಮಗಾರಿ ನಡೆದಿದ್ದು ಕಾಮಗಾರಿ ನಡೆಸುವಾಗ ಕಾಂಕ್ರಿಟೀಕರಣ ನಡೆಸದೆ ಕಿರು ಮೋರಿಯ ಮೇಲ್ಗಡೆ ಯಲ್ಲಿ ಭಾರಿ ಗಾತ್ರದ ಹೊಂಡಗಳು ಉಂಟಾಗಿ ಅಪಘಾತಗಳು ಸಂಭವಿಸಿದ್ದು ಅಪಾಯಕಾರಿಯಾಗಿ ಪರಿಣಮಿಸಿದೆ.
ಕುಬೆವೂರು ಜಾರಂದಾಯ ದೈವಸ್ಥಾನದ ದ್ವಾರದ ಬಳಿಯಲ್ಲಿ ಕಿರು ಮೋರಿ ಕಾಮಗಾರಿ ನಡೆದಿದ್ದು ಸೂಕ್ತ ಚರಂಡಿ ವ್ಯವಸ್ಥೆಯಿಲ್ಲದೆ ಅನಗತ್ಯ ಕಾಮಗಾರಿಯಿಂದ ವಾಸಿಗಳಿಗೆ ಕೃತಕ ನೆರೆ ಭೀತಿ ಎದುರಾಗಿದೆ.
ಈ ಪರಿಸರದಲ್ಲಿ ದಾರಿದೀಪದ ಅವ್ಯವಸ್ಥೆ ಹಾಗೂ ರಸ್ತೆ ಬದಿಯಲ್ಲಿ ಅಪಾಯಕಾರಿ ಮರಗಳಿದ್ದು ಸಂಚಾರ ದುಸ್ತರವಾಗಿದೆ.
ಕೂಡಲೇ ಶಾಸಕರು ಕಾಮಗಾರಿ ಬಗ್ಗೆ ಪರಿಶೀಲಿಸಿ ಕಿರುಮೋರಿ ಕುಸಿಯುವ ಮೊದಲೇ ಸಂಬಂಧಪಟ್ಟ ಗುತ್ತಿಗೆದಾರರಿಗೆ ಸೂಚನೆ ನೀಡಿ ಸರಿಪಡಿಸಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
Kshetra Samachara
24/10/2021 09:40 am
ಸಂಬಂಧಿತ ಸುದ್ದಿ
LOADING...
