ಮಂಗಳೂರು: ಹೊರಜಿಲ್ಲೆಯ ಪೊಲೀಸರಿಗೆ ತುಳುಭಾಷೆ ಕಲಿಕೆ ಆರಂಭ
ಮಂಗಳೂರು: ನಗರ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಹೊರಜಿಲ್ಲೆಯ ಪೊಲೀಸ್ ಸಿಬ್ಬಂದಿಗಳಿಗೆ ತುಳುಭಾಷೆ ಕಲಿಕಾ ಕಾರ್ಯಾಗಾರ ಆರಂಭವಾಗಿದೆ.
ಒಂದು ತಿಂಗಳ ಕಾಲ ಪೊಲೀಸ್ ಸಿಬ್ಬಂದಿಗೆ ಸ್ಥಳೀಯ ತುಳು ಭಾಷೆಯನ್ನು ಕಲಿಸುವ ವ್ಯವಸ್ಥೆಯನ್ನು ಮಂಗಳೂರು ಪೊಲೀಸ್ ಕಮಿಷನರ್ ಶಶಿಕುಮಾರ್ ಎನ್. ಅವರು ಆಯೋಜಿಸಿದ್ದಾರೆ. ಕರ್ನಾಟಕ ರಾಜ್ಯ ತುಳು ಸಾಹಿತ್ಯ ಅಕಾಡೆಮಿಯ ವತಿಯಿಂದ ತುಳು ಕಲಿಕಾ ತರಗತಿಯನ್ನು ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ನಡೆಸಲಾಗುತ್ತಿದೆ. ಬೆಳಗ್ಗೆ 10ರಿಂದ 1ರವರೆಗೆ ತರಗತಿಗಳು ನಡೆಯಲಿದ್ದು, ದಿನಕ್ಕೆ ಮೂರು ಹಂತಗಳಲ್ಲಿ ಕಲಿಕಾ ತರಗತಿ ನಡೆಯಲಿದೆ.
ಕಾನೂನು ಸುವ್ಯವಸ್ಥೆ ಪಾಲನೆ ಮಾಡುವಲ್ಲಿ, ಅಪರಾಧಿಗಳನ್ನು ಪತ್ತೆಹಚ್ಚಲು, ಗುಪ್ತ ಮಾಹಿತಿ ಸಂಗ್ರಹ ಮಾಡುವ ಸಂದರ್ಭದಲ್ಲಿ ಸ್ಥಳೀಯ ತುಳುಭಾಷೆ ವ್ಯವಹಾರ ಸಹಕಾರಿ ಆಗಲಿದೆ. ಅಲ್ಲದೆ ಸ್ಥಳೀಯ ಜನರೊಂದಿಗೆ ತುಳು ಭಾಷೆಯಲ್ಲಿಯೇ ಮಾತನಾಡಿ ವ್ಯವಹಾರ ಇರಿಸಿದ್ದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡುವಲ್ಲಿ ಸಹಕಾರಿ ಆಗಲಿದೆ.
Kshetra Samachara
06/08/2021 08:58 pm
ಸಂಬಂಧಿತ ಸುದ್ದಿ
LOADING...
