ಕೆಎಸ್ ರಾವ್ ನಗರ: ಗುರುಮೂರ್ತಿ ಪ್ರತಿಷ್ಠಾಪನೆ ಪೂರ್ವಭಾವಿಯಾಗಿ ಧಾರ್ಮಿಕ ಕಾರ್ಯಕ್ರಮ
ಮುಲ್ಕಿ: ಕೆಎಸ್ ರಾವ್ ನಗರ ಶ್ರೀ ನಾರಾಯಣ ಗುರು ಸಮಾಜ ಸೇವಾ ಸಂಘ ( ರಿ)ದ ನೂತನವಾಗಿ ನಿರ್ಮಿಸಿರುವ ಗುರು ಮಂದಿರದಲ್ಲಿ ಶ್ರೀ ವಿಖ್ಯಾತಾನಂದ ಸ್ವಾಮೀಜಿಯವರ ದಿವ್ಯ ಉಪಸ್ಥಿತಿಯಲ್ಲಿ ಮೂಡಬಿದ್ರೆ ಶಿವಾನಂದ ಶಾಂತಿ ಹಾಗೂ ಪಡುಬಿದ್ರಿ ಚಂದ್ರಶೇಖರ ಶಾಂತಿಯವರ ನೇತೃತ್ವದಲ್ಲಿ ಅಮೃತಶಿಲೆಯ ನೂತನ ಗುರುಮೂರ್ತಿ ಪ್ರತಿಷ್ಠಾಪನೆ-ಕಲಶಾಭಿಷೇಕ, ನೂತನ ಗುರುಮಂದಿರ ಉದ್ಘಾಟನೆ ಹಾಗೂ ಭಜನಾ ಮಂಗಲೋತ್ಸವದ ಪೂರ್ವಭಾವಿಯಾಗಿ ಬುಧವಾರ ಶ್ರೀ ನಾರಾಯಣ ಗುರುಮೂರ್ತಿಯ ಶೋಭಾಯಾತ್ರೆ, ರಾತ್ರಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆದವು.
ಮೇ.10 ಗುರುವಾರ ಪ್ರಾತಃಕಾಲ ವಿಶೇಷ ಪ್ರಾರ್ಥನೆ, ದ್ವಾದಶ ನಾರಿಕೇಳ ಗಣಪತಿಯಾಗ, ಸಗ್ರಹ ಮೃತ್ಯುಂಜಯ ಹೋಮ, ಕಲಶ ಪೂಜೆ ನಡೆಯಿತು, ಸಂಜೆ ಭಗವತಿ ಸೇವೆ ಸುದರ್ಶನ ಹೋಮ ಕಲಶ ದಿವಾಸ ಇನ್ನಿತರ ವೈದಿಕ ಕಾರ್ಯಕ್ರಮಗಳು ನಡೆದವು.
ಈ ಸಂದರ್ಭ ಶ್ರೀ ನಾರಾಯಣ ಗುರು ಸಮಾಜ ಸೇವಾ ಸಂಘದ ಅಧ್ಯಕ್ಷರು ಮತ್ತು ಸರ್ವ ಸದಸ್ಯರು ಉಪಸ್ಥಿತರಿದ್ದರು. ಮೇ.20 ಶುಕ್ರವಾರ ಗಣಪತಿಹೋಮ ಗುರುಮೂರ್ತಿ ಪ್ರತಿಷ್ಠೆ ಕಲಶಾಭಿಷೇಕ ನೂತನ ಗುರುಮಂದಿರದ ಉದ್ಘಾಟನೆ ಧಾರ್ಮಿಕ ಸಭಾ ಕಾರ್ಯಕ್ರಮ, ಮಹಾಅನ್ನಸಂತರ್ಪಣೆ ನಡೆಯಲಿದೆ.
Kshetra Samachara
19/05/2022 04:47 pm
ಸಂಬಂಧಿತ ಸುದ್ದಿ
LOADING...
