ಕೆರೆಕಾಡು:ಸಂಭ್ರಮದ ಶ್ರೀ ದುರ್ಗಾ ನಮಸ್ಕಾರ ಪೂಜೆ, ಚಂಡಿಕಾಯಾಗ
ಮುಲ್ಕಿ: ಮುಲ್ಕಿ ಸಮೀಪದ ಕೆರೆಕಾಡು ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂದಿರದಲ್ಲಿ ನವರಾತ್ರಿ ಮಹೋತ್ಸವ ಆರಂಭವಾಗಿದ್ದು ಗುರುವಾರ ಚಂಡಿಕಾಯಾಗ, ಅನ್ನಸಂತರ್ಪಣೆ ದುರ್ಗಾ ನಮಸ್ಕಾರ ಪೂಜೆ ವಿಜ್ರಂಭಣೆಯಿಂದ ನಡೆಯಿತು. ಬೆಳಿಗ್ಗೆ ಸ್ವಸ್ತಿ ಪುಣ್ಯಾಹ, ಗಣಹೋಮ, ದೇವರಿಗೆ ನವಕ ಪ್ರಧಾನ ಕಲಶಾಭಿಷೇಕ, ತೆನೆ ಕಟ್ಟುವ ಬಳಿಕ ಚಂಡಿಕಾಯಾಗ ಕ್ಕೆ ಚಾಲನೆ ನೀಡಲಾಯಿತು.
ಮಧ್ಯಾಹ್ನ ಚಂಡಿಕಾಯಾಗ ಪೂರ್ಣಾಹುತಿ ಯಾಗಿ ಮಹಾಪೂಜೆ , ಅನ್ನಸಂತರ್ಪಣೆ ನಡೆಯಿತು.
ಭಜನಾ ಮಂದಿರದಲ್ಲಿ ಅ. 7 ರಿಂದ 14 ರವರೆಗೆ ಶರನ್ನವರಾತ್ರಿ ಮಹೋತ್ಸವ ನಡೆಯಲಿದೆ ಅಕ್ಟೋಬರ್ 9 ಶನಿವಾರ ರಾತ್ರಿ ರಂಗಪೂಜೆ ಗುರುವಾರ ವಾಹನ ಪೂಜೆ, ಪ್ರತಿದಿನ ಮಾತೃ ಮಂಡಳಿ ಸದಸ್ಯರಿಂದ ಲಲಿತಾ ಸಹಸ್ರನಾಮ, ಭಜನಾ ಸೇವೆ ಮತ್ತು ಕಾರ್ಯಕ್ರಮ ನಡೆಯಲಿದೆ.
ಈ ಸಂದರ್ಭ ಭಜನಾಮಂದಿರದ ಅಧ್ಯಕ್ಷರಾದ ಶಿವಾನಂದ ಕೋಟ್ಯಾನ್, ಗೌರವಾಧ್ಯಕ್ಷರಾದ ಪಟೇಲ್ ವಾಸುದೇವರಾವ್ ಪುನರೂರು, ಪ್ರಧಾನ ಕಾರ್ಯದರ್ಶಿ ಸುರೇಂದ್ರ ಬಿ ಪದ್ಮಶಾಲಿ, ಅರ್ಚಕರಾದ ರಾಘವೇಂದ್ರರಾವ್, ಉಪಾಧ್ಯಕ್ಷೆ ದಮಯಂತಿ ಶೆಟ್ಟಿಗಾರ್ ಮತ್ತಿತರರು ಉಪಸ್ಥಿತರಿದ್ದರು.
Kshetra Samachara
08/10/2021 11:22 am
ಸಂಬಂಧಿತ ಸುದ್ದಿ
LOADING...
