T20 WC | AFG vs SCO: ನಜೀಬುಲ್ಲಾ ಸ್ಫೋಟಕ ಅರ್ಧಶತಕ- ಸ್ಕಾಟ್ಲೆಂಡ್‌ಗೆ 191 ರನ್‌ಗಳ ಗುರಿ
ಶಾರ್ಜಾ: ನಜೀಬುಲ್ಲಾ ಜರ್ಧಾನ್ ಅರ್ಧಶತಕ, ರಹಮಾನುಲ್ಲಾ ಗುರ್ಬಾಜ್ ಹಾಗೂ ಹಜರತುಲ್ಲಾ ಝಝಾಯಿ ಉತ್ತಮ ಬ್ಯಾಟಿಂಗ್ ಸಹಾಯದಿಂದ ಅಫ್ಘಾನಿಸ್ತಾನ ತಂಡವು ಸ್ಕಾಟ್ಲೆಂಡ್ ತಂಡಕ್ಕೆ 191 ರನ್‌ಗಳ ಗುರಿ ನೀಡಿದೆ.
ಟಿ-20 ವಿಶ್ವಕಪ್ ಟೂರ್ನಿಯ ಭಾಗವಾಗಿ ಶಾರ್ಜಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಇಂದು ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ಅಫ್ಘಾನಿಸ್ತಾನ ತಂಡದ ನಾಯಕ ಮೊಹಮ್ಮದ್ ನಬಿ ಬ್ಯಾಟಿಂಗ್ ಆಯ್ದುಕೊಂಡರು. ಅದರಂತೆ ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನ್ ತಂಡವು 4 ವಿಕೆಟ್ ನಷ್ಟಕ್ಕೆ 190 ರನ್ ಗಳಿಸಿದೆ. ಅಫ್ಘಾನಿಸ್ತಾನ ಪರ ನಜೀಬುಲ್ಲಾ ಜರ್ಧಾನ್ 59 ರನ್, ಹಜರತುಲ್ಲಾ ಝಝಾಯಿ 44 ರನ್, ರಹಮಾನುಲ್ಲಾ ಗುರ್ಬಾಜ್ 46 ರನ್, ಹಾಗೂ ನಾಯಕ ಮೊಹಮ್ಮದ್ ನಬಿ ಅಜೇಯ 11 ರನ್ ಗಳಿಸಿದರು.
ಇನ್ನು ಸ್ಕಾಟ್ಲೆಂಡ್ ಪರ ಸಫ್ಯಾನ್ ಷರೀಫ್ 2 ವಿಕೆಟ್ ಕಿತ್ತರೆ, ಜೋಶ್ ಡೇವಿ ಹಾಗೂ ಮಾರ್ಕ್ ವಾಟ್ ತಲಾ ಒಂದು ವಿಕೆಟ್ ಪಡೆದರು.
PublicNext
25/10/2021 09:19 pm
ಸಂಬಂಧಿತ ಸುದ್ದಿ
LOADING...
